弘大Personal Colour&化妝班 | zinib color 個人色彩診斷
由有20萬subcribers嘅YouTuber「Zini B」親自操刀！仲可以一次過上埋韓式化妝班！
Hello，大家好，我哋係由韓國人每日提供最新韓國旅行資訊嘅Creatrip。
韓國最近超興做Personal Colour Test（個人色彩診斷），透過搵出同我哋膚色最夾嘅顏色，改變自己衣著、化妝品、髮色等等去令成個人睇落更加亮麗動人！今日要介紹俾大家嘅個人色彩診斷中心仲係由有20萬subscribers嘅韓國YouTuber Zini B開辦，一齊跟小編去睇吓啦！
弘大「zinib color」資訊
- 地址：서울 마포구 동교로 212-9 4F
- 營業時間：10:00 - 22:00
- 可預約時間：10:00 / 12:00 / 14:00 / 16:00 / 18:00 / 20:00
- 語言：韓文、中文、英文、日文
弘大「zinib color」推薦原因
- 由擁有20萬subscribers嘅韓國美妝YouTuber「Zini B」創辦，提供各種有用課程同診斷服務！
- 提供專業中文、英文、日文翻譯服務，唔需要擔心溝通唔到！
- 更加會用埋好少見嘅皮膚測色儀，結果更準確！
- 可以一次過做Personal Colour診斷同上化妝班，一石二鳥！
- 獲得韓國化妝師牌照同個人色彩診斷牌照，夠曬專業！
- 新開張冇耐，環境裝備夠新淨！
- 位於弘大入口站附近，交通方便！
弘大「zinib color」價錢
選項 | 簡介 | 價錢 |
1:1 Personal Colour診斷 （60分鐘） | 適合想接受最準確嘅Personal Colour診斷嘅你 包括：Personal Colour理論 > 運用皮膚測色儀進行準確皮膚診斷 > 直接放上各種顔色嘅布料比較，搵出最啱/最唔啱你嘅顔色 > 評價你帶嚟嘅化妝品 > 推薦適合你嘅化妝品 | ₩188,000 (188000) |
1:2 Personal Colour診斷 （90分鐘） | ₩335,000 (335000) | |
1:1化妝班 （60分鐘） | 分析你嘅臉型、眼耳口鼻、皮膚顔色等，推薦最啱你嘅化妝方法，更加會即場示範各步驟 | ₩238,000 (238000) |
1:1 Personal Colour診斷 + 化妝班 （90分鐘） | 可以同時做簡單Personal Colour診斷同上化妝班，進行全面形象諮詢 | ₩375,000 (375000) |
弘大「zinib color」退款政策
| 預約後至體驗3日前取消 | 全額退款 |
| 體驗2日前或其後取消 | 不設退款 |
弘大「zinib color」注意事項
- 請最少喺3日前完成預約，你亦可以喺60日前進行預約。
- 體驗內容包括：包括
翻譯、膚色及色調診斷、髮色推薦、化妝品推薦、飾物推薦 唔包括 體型分析 - 如遲到10分鐘或以上，預約將自動取消，費用亦不設退還。
- 以上所有選項均提供中/英/日文翻譯服務，詳情請參考注意事項。
- 如非參加體驗，隨行人士（家人、朋友等）唔可以一齊入去聽。
- 為得出更準確結果，體驗當日請唔好化妝（防曬同有色潤唇膏都唔好搽）；如果化咗妝嘅話需要喺開始前卸妝，不過會計埋落體驗時間，所以診斷時間會變短。
- 建議唔好戴眼鏡或者有色隱形眼鏡，請以透明隱形眼鏡代替。
- 上身衫請唔好著有帽衛衣、樽領衫或者任何絲質衣物。
- 如果報名參加2個人或以上嘅體驗，需要所有人都準時到齊先可以開始。
- 如非參加體驗，隨行人士（家人、朋友等）唔可以一齊入去聽。
- 諮詢期間如果冇事前得到許可，嚴禁進行拍攝及錄音。
- 建議大家可以帶自己平時用開嘅化妝品，到時候專家會幫你睇適唔適合你。
- 如果想更改預約，或有任何疑問，請send email到help@creatrip.com查詢。
弘大「zinib color」預約流程
STEP 1. | |
STEP 2. | 請詳細輸入所有相關資訊， 我哋會喺2個工作天內確認預約，到時候會再次通知你預約到嘅時段。 |
STEP 3. | 體驗當日請準時到達，向職員出示預約記錄。 |
STEP 4. | 開始體驗！ |
弘大「zinib color」參考圖片
弘大「zinib color」介紹
小編最近有關注開嘅韓國美妝YouTuber「Zini B」喺弘大自己開咗間Personal Colour工作室，提供個人色彩診斷服務同化妝班，等小編今日帶大家去睇吓啦！
間工作室位於弘大入口站附近，行一陣就到！
「zinib color」因為新開張冇耐，所以大部份設備同用品都係全新，整體裝修都俾人一種新淨嘅感覺。
老師已經獲得韓國化妝師牌照同個人色彩診斷牌照，而且因為佢本身係美妝YouTuber，所以喺呢方面會有更深一層嘅見解！
小編同時報咗Personal Colour診斷同化妝班，坐低之後首先要填一張問卷，內容大概係問你對Personal Colour有冇任何認識、之前有冇接受過診斷、覺得自己係邊Type，平時多數會著咩色衫等等。雖然建議大家唔好化妝嚟，不過如果避免唔到要化妝，現場都有準備好卸妝產品俾大家。
之後老師就會向大家簡單講解Personal Colour嘅原理同理論，然後就會用皮膚測色儀進行皮膚測試，透過準確數字瞭解自己嘅皮膚。
之後就同平時個人色彩診斷一樣，首先用一塊白布包住頭髮，然後喺你身上放唔同顔色嘅布料做比較。
透過呢個過程，老師會幫你搵出你屬於邊Type嘅色調，小編都係而家先知道，原來顔色真係會影響到一個人嘅形象、眼耳口鼻同臉型，超神奇！
之後老師就會幫你整理出你最襯/唔襯邊幾款顔色，佢亦都有補充話，其實大家唔需要太執著於自己最襯咩色，唔一定每日都只可以著呢隻顔色嘅衫或者化呢隻顔色嘅妝，大家可以同最基本嘅幾款顔色進行配搭，最重要係掌握要點活用呢個診斷結果！
老師仲會推薦最啱你嘅髮色俾你，之後想染頭髮都可以參考。
最後就可以攞自己平時用開嘅化妝品出嚟，老師會幫你睇啱唔啱你用，仲會推薦幾款化妝品俾大家，咁大家就可以跟住買啦。
之後就去到化妝班環節，老師會先幫大家分析臉型、眼耳口鼻同膚色，然後推薦幾款化妝品俾大家。之後更加會推薦啱你嘅化妝方法，更加會即場親身示範俾大家睇！
平時小編最唔識畫眉毛同眼線，所以老師都有專登講得仔細啲，小編都學到唔少嘢。
因為老師每一步都會解釋得好仔細，所以之後自己化妝都可以活學活用。
呢個就係最後成果啦，真係比小編平時自己化嘅妝更加自然同襯返自己。
所有課程結束之後，老師會再幫大家整理一次今日Personal Colour診斷結果同化妝班嘅時候講過嘅內容，大家返到去可以參考返呢幾張紙~ 如果對Personal Colour或者韓式化妝有興趣，大家都不妨可以嚟「zinib color」體驗吓！
弘大「zinib color」前往方法
弘大入口站（홍대입구역）3號出口出。
直行。
第三個路口轉左。
直行。
呢棟大廈會喺你嘅右邊。
上4樓就到「zinib color」啦！
以上係弘大「zinib color 個人色彩診斷」嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com
