東大門按摩 | 情彙藥手
開到凌晨2點嘅韓式按摩中心！臉部經絡、全身按摩都有！
Hello，大家好，我哋係由韓國人每日提供最新韓國旅行資訊嘅Creatrip。
有冇每次去旅行都一定會安排一個按摩行程嘅朋友呢？其實嚟韓國旅行都有好多按摩店可以選擇，而今次小編就打算帶大家去一間位於東大門「hello apM」嘅按摩中心，等大家行街shopping前/後都可以去！
東大門「情彙藥手」資訊
- 地址：서울 중구 장춘단로253 10F
- 營業時間：10:30 - 02:00
- 可預約時間：11:00 - 23:00
- 語言：韓文、中文、日文
東大門「情彙藥手」推薦原因
- 由臉部按摩到全身按摩都有，徹底放鬆身心靈！
- 喺日本超出名，係日本遊客嚟韓國旅行必去按摩店之一！
- 接受預約，亦都有獨立房間，可以安心放鬆享受按摩！
- 職員經驗豐富，而且識講中文同日文，唔需要擔心溝通唔到！
- 位於東大門歷史文化公園站附近，按完摩可以直接落東大門行街！
東大門「情彙藥手」價錢
| 選項 | 所需時間 | 價錢 |
|---|---|---|
| 韓方坐浴療程（艾草療法） | 120分鐘 | ₩143,000 |
| 臉部拉提 + 經絡按摩 | 130分鐘 | ₩187,000 |
| 臉部保濕 + 經絡按摩 | 120分鐘 | ₩143,000 |
| 全身舒緩按摩 | 80分鐘 | ₩121,000 |
| Aqua Peel + 全身按摩 | 120分鐘 | ₩165,000 |
東大門「情彙藥手」退款政策
| 預約後至體驗3日前取消 | 全額退款 |
| 體驗2日前取消 | 不設退款 |
東大門「情彙藥手」注意事項
- 請最少喺3日前完成預約。
- 如希望加購其他服務，請喺現場支付所需金額。
- 預約時請確保已選擇正確日期及時間。
- 如果遲到超過10分鐘，預約將自動被取消，屆時將不設退款。
- 如果想更改預約，或者有任何問題，請send email到help@creatrip.com查詢。
東大門「情彙藥手」預約流程
| STEP 1. | |
| STEP 2. | 請詳細輸入所有相關資訊。 我哋會喺2個工作天內確認預約，然後通知你最終預約時間。 |
| STEP 3. | 請務必準時到達，然後向職員出示預約記錄。 |
| STEP 4. | 享受按摩！ |
東大門「情彙藥手」介紹
今日小編嚟到日本遊客嚟韓國旅行必去嘅按摩店「情彙藥手」！學生同打工仔成日都要長時間坐喺度，而遊客嚟旅行就日日都要行超多路，呢個時候嚟按摩就可以舒緩肌肉疲勞同痛楚啦！呢間按摩中心就喺大家平時嚟東大門行街都一定會去嘅「hello apM」入面，好容易就搵到。
因為呢度真係有好多日本客人，所以鋪頭都有準備好日文單張。呢度嘅按摩師全部都有超過13年以上嘅經驗，而且亦都有好多客人會不斷返嚟幫襯，服務質素有保證！
再行入少少就會見到有兩張韓文海報介紹緊「情彙藥手」嘅招牌療程 ——「骨相福進」同「七福」。
按摩房裝修同擺設都好有韓國傳統風情，就好似返咗朝鮮時代咁。
呢度得1間房，入面有4張床。不過因為呢度只接受預約，唔可以walk-in，所以通常都唔會見到其他客人，大家可以放心。
小編今日做嘅療程係「臉部拉提 + 經絡按摩」，總共需要130分鐘。
首先按摩師會幫你洗臉，然後鋪一層石膏膜上臉，咁做係為咗俾大家比較療程前同後嘅臉部輪廓同大細！而等石膏變硬嘅期間，按摩師會先幫大家做全身按摩。
按摩師會首先向大家確認力度啱唔啱，然後就開始幫大家按腳，過程中如果發現大家某啲部位比較緊，就會集中再按。
按摩師亦都會幫大家拉一拉筋，促進血液循環。
按完之後石膏膜都已經變硬咗，真係好期待Before同After對比會有幾大！
幫臉部做好skin care之後就可以調返轉，趴喺床上面準備按背脊。
按摩師會首先幫大家按肩頸，最神奇嘅係佢可以即刻搵到小編覺得比較酸痛嘅部位，然後再集中按！
按摩師之後就會用手踭幫大家按摩穴位，然後就開始做經絡按摩。坦白講一開始真係有啲痛，不過之後就越嚟越舒服！
然後就會用鍺石按摩全個背脊，按摩師話鍺石又被稱為識呼吸嘅石頭，可以令按摩效果更加好！
之後就會喺背脊上一層韓方面膜，鋪一層紙巾同毛巾之後，再上一層熱熱地嘅黃土膜，然後敷大約10-15分鐘，等緊嘅時候會再按一按腳。
每次敷面膜嘅時候都唔係齋等，而係會捉緊時間幫客人按摩，呢部份小編個人覺得好加分！
敷完之後就可以再瞓返正面，開始臉部按摩啦！按摩嘅時候會順便做埋深層清潔，令敷面膜嘅時候皮膚可以吸收更加多養份。
用蘆薈Gel按摩完之後就會敷一層膠原蛋白面膜，等多15分鐘就完成啦！
最後按摩師會再幫你搽保濕cream，成個療程會喺呢度告一個段落。
小編一開頭都半信半疑，真係做一次按摩塊臉就會變細？用一開頭塊石膏比較返，又真係細咗一隻手指左右嘅size！雖然只係短暫嘅效果，不過如果定期嚟做treatment嘅話唔單止可以令血液循環變好，仲可以促進新陳代謝，咁就冇咁易水腫啦！如果大家想喺韓國體驗按摩，小編極力推薦大家嚟東大門「情彙藥手」！
東大門「情彙藥手」前往方法
喺東大門歷史文化公園站（동대문역사문화공원역）14號出口出。
直行。
過一條斑馬線，繼續直行。
行前少少就會見到「hello apM」喺你左邊。
行入去之後向左邊直行。
跟住升降機指示牌轉左。
搭𨋢上10樓。
出𨋢之後向前行就會見到「情彙藥手」嘅招牌。
咁就去到啦！
以上係東大門按摩「情彙藥手」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com