東大門按摩 | Quick Body Healing Center
專業運動按摩&精油按摩！東大門歷史文化公園站行5分鐘就到！
Hello，大家好，我哋係由韓國人每日提供最新韓國旅行資訊嘅Creatrip。
好多朋友出門旅行都會想去揼骨，今日小編去嘅呢間按摩中心就出名做精油按摩同運動按摩，好多韓國人都會專程幫襯！
東大門「Quick Body Healing Center」資訊
- 地址：서울 중구 장충단로 263 14F
- 營業時間：11:00 - 02:00
- 可預約時間：11:00 - 23:00
- 語言：韓文、中文、日文
東大門「Quick Body Healing Center」推薦原因
- 透過做精油按摩同運動按摩，放鬆身心靈！
- 喺日本超出名，係日本遊客嚟韓國旅行必去按摩店之一！
- 接受預約，亦都有獨立房間，可以安心放鬆享受按摩！
- 職員經驗豐富，而且識講中文同日文，唔需要擔心溝通唔到！
- 位於東大門歷史文化公園站附近，按完摩可以直接落東大門行街！
東大門「Quick Body Healing Center」價錢
選項 | 所需時間 | 價錢 | 簡介 |
|---|---|---|---|
運動按摩（腳部） | 60分鐘 | ₩55,000 | 透過按腳底、小腿、大腿，塑造腿部線條 |
運動按摩（全身） | 60分鐘 | ₩60,000 | 按摩部位：頭部、頸部、肩部、背部、手部、手臂、腹部、腿部 |
高級按摩 | 90分鐘 | ₩80,000 | 腳部按摩（45分鐘）+ 全身按摩（45分鐘），促進血液循環、消除疲勞 |
千禧按摩 | 120分鐘 | ₩110,000 | 全身按摩，促進血液循環、消除疲勞 |
運動按摩（全身）+ 精油按摩（下半身）+ 腳部按摩 | 90分鐘 | ₩90,000 | - |
精油腳部按摩 | 60分鐘 | ₩60,000 | |
精油全身按摩 | 60分鐘 | ₩70,000 | |
精油全身按摩 + 腳部按摩 | 90分鐘 | ₩90,000 | 運用可以進行排毒同放鬆嘅香薰精油進行按摩 |
傳統韓國全身按摩 | 60分鐘 | ₩70,000 | 頭皮、頸部 + 肩部 + 改善腰痛&下半身浮腫 |
傳統韓國全身按摩（治療痛症 + 矯正骨盆） | 90分鐘 | ₩90,000 | 頭皮/頸部 + 肩部 + 改善腰痛 + 矯正骨盆 OR 30分鐘腳部按摩 |
傳統韓國全身按摩（治療痛症 + 矯正骨盆 + 腳部按摩） | 120分鐘 | ₩120,000 | 頭皮/頸部 + 肩部 + 改善腰痛 + 矯正骨盆 OR 30分鐘腳部按摩 |
東大門「Quick Body Healing Center」退款政策
| 預約後至體驗3日前取消 | 全額退款 |
| 體驗2日前取消 | 不設退款 |
東大門「Quick Body Healing Center」注意事項
- 請最少喺3日前完成預約。
- 如希望加購其他服務，請喺現場支付所需金額。
- 預約時請確保已選擇正確日期及時間。
- 如果遲到超過10分鐘，預約將自動被取消，屆時將不設退款。
- 如果想更改預約，或者有任何問題，請send email到help@creatrip.com查詢。
東大門「Quick Body Healing Center」預約流程
| STEP 1. | |
| STEP 2. | 請詳細輸入所有相關資訊。 我哋會喺2個工作天內確認預約，然後通知你最終預約時間。 |
| STEP 3. | 請務必準時到達，然後向職員出示預約記錄。 |
| STEP 4. | 享受按摩！ |
東大門「Quick Body Healing Center」介紹
今日小編嚟到傳聞按摩超舒服嘅「Quick Body Healing Center」！學生同打工仔成日都要長時間坐喺度，而遊客嚟旅行就日日都要行超多路，呢個時候嚟按摩就可以舒緩肌肉疲勞同痛楚啦！呢間按摩中心喺東大門歷史文化公園站行5分鐘就到，好容易就去到。
入到鋪頭之後，首先要換室內拖鞋。
「Quick Body Healing Center」由1999年開始營業，出名到上過好多日本雜誌，可能因為咁，小編去嘅時候真係有好多日本客人！
儲物櫃同更衣室分為男女兩間，入到去換好衫、放好個人物品就可以出嚟。
按摩房入面有6張床，每張床隔離都有塊窗簾，確保客人私隱。
小編今日做咗「運動按摩（上身）+ 精油腳部按摩」，按摩師一邊按嘅時候都會問你平時有冇邊度痛或者想加強按摩力度。
小編其實平時唔會點去按摩，因為怕痛所以就同按摩師講想佢按細力啲，如果大家按按吓覺得痛都可以同按摩師講！按摩師會首先輕輕力按，搵出你身體邊部份嘅肌肉比較綳緊，然後再細心咁幫你按鬆佢。
小編返工成日都要用電腦，所以有少少烏龜頸，按摩師都有專登幫小編按一按條頸，又真係幾舒服！
跟住按摩師就幫小編按咗膊頭，雖然已經好細力，不過因為小編膊頭真係太緊，所以一開頭都痛到叫咗出嚟XD 但係好神奇嘅係按耐咗之後可能因為肌肉鬆返，所以會冇咁痛，反而仲覺得好舒服！
跟住就按埋手臂、腰部，每個部位都按得好仔細。
跟住就開始做精油腿部按摩，因為太舒服，小編都差啲瞓著咗。平時小編成日都要坐喺度，小腿好容易腫，血液循環都唔太好，不過按完之後真係舒服好多！
按摩師跟住就會用一條熱毛巾冚住，一邊按，一邊將精油抹走。坊間好多按摩店都唔會抹走精油，有時候會好油笠笠，所以小編幾鍾意呢個步驟！
然後按摩師就叫小編正面瞓好，按埋前面。
按摩師話咁樣按可以促進血液循環！
最後就要坐直，然後按摩師就會幫你拉筋！小編因為平時膊頭會痛，所以按摩師亦都有再幫小編按幾下。
按摩過程中已經覺得好舒服，按完之後真係會覺得成個人鬆咗好多，連陪小編去嘅朋友都話覺得小編睇落好舒服好放鬆！如果大家想喺韓國體驗按摩，小編極力推薦大家嚟東大門「Quick Body Healing Center」！
東大門「Quick Body Healing Center」前往方法
喺東大門歷史文化公園站（동대문역사문화공원역）14號出口出。
直行。
過一條斑馬線，繼續直行。
見到「Migliore」之後向大廈左邊行，你會見到有個入口。
行入去，然後搵可以去到14樓嘅𨋢，上14樓。
出𨋢之後會見到有指示牌。
向電梯左邊方向行，然後轉右。
向前行就會見到入口。
咁就去到「Quick Body Healing Center」啦！
Quick Body Healing Center | 撳我預約
以上係東大門按摩「Quick Body Healing Center」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com