明洞「樂天百貨公司總店」介紹
Creatrip x 樂天百貨公司總店獨家優惠！唔好錯過各種優惠券同服務啦！
Hello，大家好，我哋係由韓國人每日提供最新韓國旅行資訊嘅Creatrip。
相信唔少朋友們嚟韓國玩都會行街掃貨，當中一定唔少得去百貨公司，貨夠新又齊全，世界各地各種名牌都買到啊嘛~ 今次小編就打算帶大家去位於明洞嘅「樂天百貨公司總店」行返轉，聽講最近呢度有一個全新推出嘅服務！而家download埋我哋嘅coupon仲有獨家優惠，千祈唔好錯過啦！
明洞「樂天百貨公司總店」資訊
- 地址：서울 중구 남대문로 81
- 營業時間：星期二至四 10:30 - 20:00、星期五至日 10:30 - 20:30（※8月21日休息）
明洞「樂天百貨公司總店」推薦原因
- 唔單止有著名韓國本地品牌，仲有超多來自世界各地嘅名牌，應有盡有！
- 全新推出外國人專用VIP貴賓服務，而家更加做緊迎新優惠！
- 只要消費滿指定金額，就可以得到各種優惠券！
- 除咗可以瘋狂購物，百貨公司入面仲有展覽睇，亦都可以享受各種美食，仲可以去埋AVENUEL名品館同Young Plaza！
- 位於明洞站附近，可以同時去埋明洞玩！
- Creatrip獨家優惠！ 只要喺雪花秀消費滿₩100,000，就可以免費得到5款「禦時緊顏參養系列」護膚品嘅試用裝！
明洞「樂天百貨公司總店」Creatrip獨家優惠
| 喺雪花秀消費滿₩100,000 | 即送免費大容量試用裝 （禦時緊顏參養水 25ml, 禦時緊顏參養乳 25ml, 禦時緊顏參養精華 5ml, 禦時緊顏參養眼霜 3ml, 禦時緊顏參養乳霜 5ml） |
明洞「樂天百貨公司總店」外國人專用優惠券
| 消費滿100/200/300/500/1,000萬韓幣 | 即送95折優惠券 |
| 購買200萬韓幣或以上外國品牌鐘錶及珠寶 | 即送93折優惠券 |
※ 外國人專用優惠券可以喺9/F優惠活動場地換領。
※ 優惠券唔適用於韓國酒、美食、小食、美食街及部份外國名牌商品（詳情請參考以下圖片）。
明洞「樂天百貨公司總店」外國人專用貴賓服務推廣活動
| 加入貴賓服務會員之顧客 | 送95折優惠券 *需消費滿10/30/60萬韓幣或以上，根據消費金額提供相應優惠券 |
| 送2張咖啡換領券 *每張換領券可換2杯咖啡 *只限於AVENUEL名品館6樓VIP Bar使用 |
※貴賓室只限當日消費滿₩1,000,000以上之顧客入場。
※貴賓室服務包括提供各種優惠券、貴賓室內小食及飲品、行李保管服務、休息區、退稅服務等。
明洞「樂天百貨公司總店」介紹
外國人專用貴賓服務
專為外國人設計的禮賓服務位於樂天百貨店明洞本店地下一樓，並於8月份完工，內部設施舒適整潔。
只需跟著地下一樓的禮賓服務指示牌走就可以了。
禮賓服務的入場條件是當天購物金額達到100萬韓元以上的顧客。
禮賓服務內部展示了由國立博物館文化財基金會提供的，以韓國傳統圖案設計的茶杯和韓國傳統畫作等商品。
內部還設有自助服務機，方便使用。
樂天百貨公司總店（各樓層商店位置）
今日小編帶大家嚟到位於明洞嘅「樂天百貨公司總店」！樂天百貨公司係韓國三大百貨公司之一，一直以嚟都深受韓國人同外國遊客愛戴。呢度唔單止有超多牌子入駐，而且更加有藝術展覽、美食街等各種設施，除咗行街都仲有好多嘢可以做！
每間鋪頭都裝修得好靚，更加有各種特色展品，淨係四周圍行都可以睇得開心！
有啲鋪頭更加會幫客人用韓國傳統包裝去包禮物，要用嚟送禮都夠得體！
小編首先落到B1/F行咗轉，呢層有賣鞋、手袋、化妝品/護膚品、珠寶，美食街都係喺呢層！
有好多韓國本地名牌化妝品都有進駐「樂天百貨公司」，喺B1/F呢度都可以搵到唔少，香港人都鍾意用嘅「雪花秀（Sulhwasoo）」都有！大家入去行吓，亦都可以試用各款產品！
相信「雪花秀」呢個brand大家應該都識，好多人都會買一set護膚品返去送俾人。
而家只要撳下面嗰掣下載我哋嘅贈品券，然後喺雪花秀消費滿₩100,000，就可以免費得到5款「禦時緊顏參養系列」護膚品嘅試用裝！
行行吓仲見到呢度有小編最近好鍾意嘅香水牌子「Tamburins」！
呢隻馬可以話係「Tamburins」嘅象徵，因為好逼真，而且仲識郁，所以吸引唔少人停低腳步睇。
呢度有賣Hand Cream、洗手液、沐浴露、香水膏，仲有之前疫情嘅時候超受歡迎嘅香水酒精搓手液，每款香味都非常特別！
特別係因為而家「Tamburins」嘅代言人係BLACKPINK Jennie，所以令更多外國人認識呢個牌子！好多遊客嚟到韓國都會買返幾件產品返去自用或者送俾人。
跟住就一齊去「FOOD AVENUE」美食街睇吓有咩食啦！
「FOOD AVENUE」唔單止係一個food court咁簡單，仲有賣各種新鮮食材、加工/急凍食品、健康食品、酒類等等，有得食仲有得行！
香港人鍾意嘅「OSULLOC」都有入住呢間百貨公司，大家食完返可以嚟食返杯綠茶雪糕或者買返杯嘢飲~
大家仲可以喺度買到茶包禮盒，買之前仲可以先試飲，咁就唔怕會中伏啦。
「OSULLOC」禮盒包裝靚，而且味道有保證，小編當日都見到有好多韓國人嚟咗買！
「FOOD AVENUE」入面亦都有唔少美食Pop-up Store，小編去嘅時候咁啱遇到Knotted Donut嘅Pop-up Store！不過因為係期間限定，所以大家如果有機會去，記住要好好把握機會啦！
連釜山最出名嘅麵包鋪「OPS」都有入駐「樂天百貨公司」，因為呢度嘅麵包係以法國傳統方式發酵而成，所以味道香濃口感夠好，小編見到有齊咁多款麵包即刻雙眼發曬光XDD
另外呢度亦都有各種韓國傳統零食、客製化蛋糕、朱古力批等等，超多嘢可以睇同食！
小編行咗咁耐勁肚餓，最後決定喺呢間總店喺全州韓屋村嘅刀削麵專門店食飯！
呢度有賣刀削麵、辣拌冷麵等等，唔止味道夠好，更加出名大份夾抵食！
小編同朋友分別叫咗招牌刀削麵同夏日限定嘅豆漿麵。刀削麵湯頭辣辣地，加埋蛋花、野芝麻粉同紫菜碎，好香口同濃味。
大家可能對豆漿麵比較陌生，呢款冷麵以超濃稠嘅豆漿做湯底，加埋彈牙嘅麵，夏天食真係透心涼！如果覺得味道比較淡，小編建議可以配埋辣蘿蔔泡菜食~
另外呢度亦都有提供行李寄存服務，B1/F會有專人服務，而7/F都有一個好大嘅儲物櫃，大家有需要嘅話可以將行李放喺呢兩個地方。
「樂天百貨公司」每層都有超多韓國本地同來自世界各地嘅時裝品牌，有時候仲會搞優惠，見到就唔好錯過啦！
另外10/F至12/F係免稅店，大家去之前可以參考。
落返嚟1樓，大家會見到喺名牌館隔離有一個可以整退稅嘅地方，掃完貨之後帶齊收據同護照就可以嚟退稅啦！而隔離就有一條通道可以行到去「AVENUEL」，跟住小編一齊去睇吓啦！
AVENUEL
「AVENUEL」名品館係一個可以一次過行曬有進駐「樂天百貨公司」嘅名牌鋪頭嘅區域，鍾意買名牌嘅你一定唔可以錯過！
呢度1樓有賣各種外國名牌，2樓係外國鐘錶&珠寶，而3樓就有賣外國珠寶同精品，更加有一條通往百貨公司嘅通道。而由4樓開始就有各種生活精品鋪，仲有戲院，Corso Como同Nike等等嘅鋪頭都有進駐。
而家喺「樂天百貨公司」購買200萬韓幣或以上外國品牌鐘錶及珠寶，即可得到一張93折優惠券，大家要把握機會啦！
YOUNG PLAZA
跟住小編就行到位於「AVENUEL」名品館隔離嘅「YOUNG PLAZA」，相信大家都對呢度唔陌生！比起百貨公司，呢度聚集唔少中低價品牌，所以好多後生仔女都鍾意嚟呢度行！
1樓有Kakao Friends、VANS、LUSH、Nemone等等嘅鋪頭，好多嘢行！
而K-POP Fans就絕對唔可以錯過位於B1/F嘅K-POP專區啦！
「Jump Up」係一間經常同各大娛樂公司合作搞活動嘅精品鋪，而「M-starshop」就係一間K-POP專輯專賣店！鋪頭出面有好多塊大型touch screen，大家可以撳掣換相，如果見到鍾意嘅相仲可以撳like添！
香港都有分店嘅「POP MART」呢度都有！大家可以買到各種可愛模型，小編都睇到眼花繚亂，好多款都想買XD
另外「YOUNG PLAZA」2樓有賣年輕休閒服裝（中庭仲有間Cafe），3樓係年輕休閒服裝同內衣，而由4樓開始就有休閒服裝、運動服裝、無印良品、UNIQLO等等嘅鋪頭，大家可以買盡佢！
（優惠need final check）
明洞「樂天百貨公司總店」前往方法
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com