弘大Party Room | Party Room Charlotte
想book個地方搞生日Party、Bridal Shower？不如去弘大「Party Room Charlotte」啦！
Hello，大家好，我哋係由韓國人每日提供最新韓國旅行資訊嘅Creatrip。
以前大家慶祝生日或者其他特別日子，可能都只係會去餐廳食餐飯，不過近呢幾年就好興book一間party room慶祝！如果你身處韓國，又咁啱遇上大日子，不妨都可以透過我哋預約，同朋友、家人、另一半共度美好時光！
弘大「Party Room Charlotte」資訊
- 地址：서울 마포구 동교로38길 42-5 3F
- 營業時間：24小時
- 可預約時間：24小時
- 語言：韓文、中文、英文
弘大「Party Room Charlotte」推薦原因
- 提供超過20款裙同飾物，仲有各種燈飾，唔需要自己再另外準備！
- 現場有投影機，喇叭更加係Marshall牌，視覺聽覺雙重享受！
- 除咗Party Room，仲包埋露台，大家可以自由使用室內外空間！
- 弘大入口站行5分鐘就到，交通夠方便！
弘大「Party Room Charlotte」價錢
| 2小時使用券 （提供裙、飾物、燈飾 + 休息區） | [基本配套] 3個Photo Zone（Barbie、Party、植物牆）、室外露台、洗手間 [拍攝用品] 攝影燈、三腳架環形燈、Party燈飾、慶祝投影、專業三腳架 [妝髮用品] 直髮夾、風筒、圓筒梳、髮捲、全身鏡、皇冠、6款頭箍、髮夾、珍珠頸鏈 [活動用品] 藍牙喇叭、投影機（YouTube/Netflix）、掛旗、字母氣球、跳舞樹公仔、花束 [餐飲/休憩用品] 雪櫃、微波爐、餐具（匙羹、叉、刀、碟）、杯（紅酒杯、燒酒杯、啤酒杯）、紅酒開瓶器、外套衣架、2張梳化床、櫈、6-8人用枱、毛氈、咕𠱸、急救藥物 | |
| 3小時使用券 （提供裙、飾物、燈飾 + 休息區） | ||
| 4小時使用券 （提供裙、飾物、燈飾 + 休息區） | ||
| 全日使用券 （15:00 - 22:00） | ||
| 2日1夜使用券 （15:00 - 翌日10:00） |
※2、3、4小時使用券：預約時請選擇check-in時間（例：如希望預約14:00 - 16:00，請揀2小時使用券，然後預約時間揀14:00）
※全日、2日1夜使用券：預約時間請選擇15:00
※因為天黑之後室內要開燈，所以影相會冇咁靚，如果需要影相，建議大家10:00 - 18:00到訪。
弘大「Party Room Charlotte」退款政策
| 預約後至到訪7日前取消 | 全額退款 |
| 到訪6日前取消 | 不設退款 |
弘大「Party Room Charlotte」注意事項
- 請最少喺3日前完成預約。
- 請務必準時到達。
- 最多可容納4個人。
- 可以用中文同英文溝通，其他語言將會使用翻譯機為你服務。
- 本場地為禁煙區，如果因為食煙而發生意外或出現任何問題，店鋪有權索取賠償。
- 所有道具使用後請放回原位，亦請自行進行垃圾分類，否則可能會向你索取清潔費。
- 著裙嘅時候小心唔好整污糟，影完相之後/食嘢之前請換返自己衫。
- 小心唔好整爛所有道具同裝備，否則可能會向你索取賠償。
- 所選時間為check-in同check-out時間（包含準備、執手尾時間），並非你開始影相嘅時間。
- 禁止使用火機、gas爐等易燃物品，亦請注意安全，如發生任何安全事故，「Party Room Charlotte」將不負任何責任。
- 透過email send俾你嘅相喺一段時間後就會被刪除，收到之後請儘快下載。
- 如有任何疑問，或者需要更改預約，請send email到help@creatrip.com查詢。
弘大「Party Room Charlotte」預約流程
| STEP 1. | |
| STEP 2. | 請詳細輸入所有相關資訊。 我哋會喺2個工作天內確認預約，然後通知你最終預約時間。 |
| STEP 3. | 請務必準時到達，然後向職員出示預約記錄。 |
| STEP 4. | Enjoy！ |
弘大「Party Room Charlotte」介紹
今日小編要介紹嘅係位於弘大入口站3號出口附近嘅「Party Room Charlotte」！唔少人都會喺生日、紀念日嚟呢度慶祝，亦都會租嚟搞Bridal Shower（新娘婚前派對）！
呢度室內有幾個Photo Zone，室外仲有個露台，更加提供各種拍攝同Party用品，如果淨係諗住嚟影相，空手嚟都冇問題~ 相信大家一定可以影到唔少靚相！
佢哋會喺預約時間前send一份使用指南俾大家，所以記住要check email啦！入到去之後要換室內拖鞋，跟住樓梯行上去就會入到Party Room場地。
Party Room入面有齊雪櫃、微波爐、杯、餐具等等，如果需要食嘢都唔洗擔心！不過如果用咗餐具同杯，就記住要洗乾淨先好走啦！
Party Room裝修簡約，以白色為主調，影相效果夠好，加埋燈飾同道具就更加有mood啦！
另外呢度更加會提供聖誕用品、公主道具、生日Party用品、燈飾、頭箍等等，大家可以自由使用。
「Party Room Charlotte」嘅最大優點之一係會提供由高級婚紗鋪製作嘅裙俾大家影相嘅時候著！
另外當然唔少得呢個室外露台啦！日頭去會有種喺大自然享受野餐嘅感覺，夜晚天黑之後就會變得更浪漫~
好多人去「Party Room Charlotte」都係租嚟搞Bridal Shower，準新娘子可以趁呢個難得機會同朋友聚一聚，玩返夠本，記住要喺呢張擺滿花球嘅枱前面影返幾張相留念啦！
弘大「Party Room Charlotte」前往方法
喺弘大入口站（홍대입구역）3號出口出。
過對面馬路。
直行大約20米。
行入中間條小路。
直行入巷仔。
第一個路口轉左。
直行。
第一個路口轉右。
直行。
見到三分叉路之後，行入左邊條路。
跟住會即刻見到一條巷仔，轉入去。
向前行就會見到呢棟大廈。
上到2樓就到「Party Room Charlotte」啦！
以上係弘大「Party Room Charlotte」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com