Hello，大家好，我哋係由韓國人每日提供最新韓國旅行資訊嘅Creatrip。
唔知道大家平時同friend出街有咩做呢？通常都係食飯、行街、去Cafe，覺得冇咩新意？不如試吓參加各種體驗工作坊啦！而家韓國越嚟越多呢種簡單一日工作坊，而今日小編要介紹嘅就係最近超hit嘅「巨型毛冷袋」工作坊啦！
江南「Yaniyan巨型毛冷袋工作坊」資訊
- 地址：서울 강남구 논현로152길 37
- 營業時間：星期一至五 12:00 - 21:00、星期六及日 11:00 - 17:00
- 可預約時間：平日 12:00 - 19:00、星期六及日 11:00 - 16:00（預約時段以1小時為單位）
- 語言：韓文、英文、簡單中文
江南「Yaniyan巨型毛冷袋工作坊」推薦原因
- 有專人指導，就算有唔明嘅地方都可以輕鬆解決！
- 可以喺室內舒舒服服咁整返個獨一無二嘅毛冷袋，啱曬天氣太熱/凍嘅夏天同冬天嘅時候去！
- 同朋友約出街唔再只係食飯行街，夠曬特別！
- 透過我哋預約嘅話可以免費得到一杯飲品（凍美式咖啡）！
- 整完一次仲想再整嘅話，可以即場買冷線返屋企！
江南「Yaniyan巨型毛冷袋工作坊」價錢
| 秋冬毛冷袋 | ₩53,500 |
| 春夏毛冷袋 |
※上述金額為中間size毛冷袋價錢（如果揀整大size，需要俾多₩10,000）。
江南「Yaniyan巨型毛冷袋工作坊」退款政策
| 預約後至體驗3日前取消 | 全額退款 |
| 體驗2日前取消 | 不設退款 |
江南「Yaniyan巨型毛冷袋工作坊」注意事項
- 請最少喺1日前完成預約。
- 同一時段預約人數上限為8人。
- 工作坊所需時間為60分鐘（根據所選設計可能需要更多/少時間）。
- 請務必準時到達。
- 如果想另外買冷線，請喺現場自行俾錢買。
- 預約時請確保已選擇正確日期及時間。
- 如果想更改預約，或者有任何問題，請send email到help@creatrip.com查詢。
江南「Yaniyan巨型毛冷袋工作坊」預約流程
| STEP 1. | |
| STEP 2. | 請詳細輸入所有相關資訊同揀毛線顏色。 我哋會喺2個工作天內確認預約，然後通知你最終預約時間。 [秋冬款]  [春夏款]  |
| STEP 3. | 請務必準時到達，然後向職員出示預約記錄。 |
| STEP 4. | 開始上堂！ |
江南「Yaniyan巨型毛冷袋工作坊」介紹
今日小編同朋友嚟到「Yaniyan」參加巨型毛冷袋工作坊！聽老師講唔單止韓國人，連外國人都會嚟玩，真係好期待啊！
枱上面同角落頭張櫈上面擺住好多款袋，細袋大袋都有，而且顏色都好鮮艷，搞到小編都好想快啲整返個！
工作台對面亦都放有各種顏色嘅冷線，大家可以根據自己喜好揀。
正式開始整之前，老師會先向大家簡單介紹冷線，然後再俾大家揀款。一場嚟到，梗係要整返個平時都可以孭嘅袋啦（不過整大啲嘅款嘅話會需要更多時間）！
揀好顏色同款式之後就準備好可以開始啦！呢嚿就係小編今日要用到嘅全新冷線~
老師每個步驟都會仔細解釋，所以好容易就理解要點整，過程亦都好有趣！
如果整整吓唔知點整下一步或者有咩問題，都可以隨時叫老師幫手！
同小編一齊去嘅朋友因為揀咗比較細嘅款，所以好快就整好，小編就用咗比較耐XD 整完最後一行之後，一開始小編都覺得呢個唔似一個袋，不過只要將入面反返出嚟就會成型㗎啦，真係好神奇！
最後收尾步驟會同老師一齊完成~
呢個就係小編整嘅巨型毛冷袋啦！雖然係第一次整，不過唔會太難，而且整完之後超有滿足感XD
整完之後小編終於明白點解最近咁多人都會自己買冷線織袋！「Yaniyan」都另外有準備冷線俾大家買返屋企，有興趣嘅話不妨可以買返屋企整多幾個~
江南「Yaniyan巨型毛冷袋工作坊」前往方法
以上係江南DIY體驗「Yaniyan巨型毛冷袋工作坊」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
