弘大香水工房 | PARFUM 9
弘大香水工房「PARFUM 9」，嚟整返支獨一無二嘅香水啦！
Hello，大家好，我哋係由韓國人每日提供最新韓國旅行資訊嘅Creatrip。
正所謂香氣可以代表一個人，根據你用咩香水，其他人對你嘅印象都會大大不同！不過要搵自己鍾意嘅香水真係唔簡單，呢個時候不如自己親自整返支100%符合個人喜好、獨一無二嘅香水啦！
弘大香水工房「PARFUM 9」資訊
- 地址：서울 마포구 홍익로5길 25 2F
- 營業時間：12:00 - 21:00
- 可預約時間：12:00 - 20:00
- 所需時間：1小時
- 語言：韓文、中文、英文、日文
弘大香水工房「PARFUM 9」推薦原因
- 所有香味都係由高質歐洲進口香料調配而成，品質有保證！
- 調香師經驗豐富，可以幫你整出最滿意嘅香水！
- 整完之後會用禮物盒幫你包裝好，仲有Photo Zone可以影相留念！
- 只要好好保存，最耐可以用2年！
- 體驗後喺Creatrip網站填寫評論，即送1支價值₩13,000嘅居室多用途噴霧！
弘大香水工房「PARFUM 9」價錢
| 香水製作班（50ml） | ₩39,000/人 |
弘大香水工房「PARFUM 9」退款政策
| 預約後至體驗4日前取消 | 全額退款 |
| 體驗3日前取消 | 不設退款 |
弘大香水工房「PARFUM 9」評論優惠活動
填寫Creatrip評論 |   | 即送1支居室多用途噴霧（價值₩13,000） *同你整嘅香水同款香味 *除室內除臭，亦都可以噴喺衫上面 |
弘大香水工房「PARFUM 9」注意事項
- 請最少喺1日前完成預約。
- 為令體驗更佳，建議提早10分鐘到達。
- 請務必準時到達。
- 如希望加購其他商品，請喺現場支付所需金額。
- 預約時請確保已選擇正確日期及時間。
- 如果想更改預約，或者有任何問題，請send email到help@creatrip.com查詢。
弘大香水工房「PARFUM 9」預約流程
| STEP 1. | |
| STEP 2. | 請詳細輸入所有相關資訊。 我哋會喺2個工作天內確認預約，然後通知你最終預約時間。 |
| STEP 3. | 請務必準時到達，然後向職員出示預約記錄。 |
| STEP 4. | 開始上堂！ |
弘大香水工房「PARFUM 9」香水製作流程
| STEP 1. 填寫製作卡 | 職員會俾一張製作卡你，請填寫基本資料同你平時鍾意嘅香味 |
| STEP 2. 試聞香水 & 揀香水樽 | 試聞陳列喺鋪頭嘅香水，然後揀你支香水想用咩味做基底，揀埋香水樽，然後寫喺製作卡上面 |
| STEP 3. 試聞單一香氣 & 調配香水 | 試聞各種香調嘅單一香氣，搵出同你頭先揀嘅香水基底最夾嘅組合，調配出屬於你嘅香味 |
| STEP 4. 製作香水 & 包裝 | 製作香水，完成後放入禮物盒同紙袋 |
弘大香水工房「PARFUM 9」介紹
今日小編嚟到位於弘大嘅香水工房「PARFUM 9」！PARFUM有香味、香水嘅意思，而9係個位數入面最大嘅數字，所以「PARFUM 9」呢個名寓意大家可以調配出最優質同完美嘅香水。
鋪頭裝修非常簡潔高貴，門口左邊呢個櫃上面放滿曬空嘅香水樽，令小編印象勁深刻。
嚟到之後職員會首先俾張香水製作卡大家，開始之前大家需要先寫好自己嘅個人資料同填問卷，然後就可以去試聞香水啦！
鋪頭中間有一張放滿各種香水嘅試香枱！相信大家平時應該都有幾款鍾意用/用開嘅香水，「PARFUM 9」以獨家比例調配出同各種名牌香水相似嘅香味，大家可以一邊聞，一邊揀自己鍾意咩味。
試香嘅時候打開個蓋聞就得，然後如果有鍾意嘅香味，或者想用嚟整香水嘅香味，就可以寫喺頭先張香水製作卡上面。然後去到張枱嘅最後面，會另外有4支香水，大家需要喺當中揀1款，同樣寫埋落張卡度，就可以正式去調配香水啦！
調配香水工序會喺後面張工作枱度進行，有勁多款味，睇到小編眼花繚亂。
香水分為前調、中調同後調，前調香味通常20-30分鐘就會散，中調香味大部份以花香同香草味為主，而後調香味留香時間最長。而呢個架上面嘅樽仔分別就係前、中、後調（由上之下）嘅單一香味啦！
大家需要喺每一層揀2款香味，俾個小Tips大家，如果你一聞覺得係酒精味，咁就代表同自己唔夾！一次過要聞咁多款香水個鼻都真係會麻痹，呢個時候聞一聞側邊嘅咖啡豆會好好多~
揀好之後就可以將佢哋嘅名寫喺香水製作卡上面，然後調香師就會幫你喺當中揀幾款。
之後大家就可以每款都加一滴落個膠樽仔度，然後再用試香紙聞一聞，將你嘅意見話俾調香師知（例如想邊隻味再出啲、會唔會太濃/淡等等）。
調香師會根據你嘅意見幫你調校比例再整Sample，而小編總共整咗4支，不過最後都係揀返第一款XD
之後就可以正式整落香水樽啦！調香師會喺製作卡上面寫低每款要落幾多gram，大家只要跟住整就可以，建議要盡量跟住個數字整，如果唔係最終成品可能會同Sample有偏差。
去到呢步我哋要做嘅工序就完成啦！大家可能會問，點解個樽咁空，連1/3都冇嘅？
因為調香師會再幫你加Fine Fragrance Oil香油~ 調香師話呢款香油得到RIFM同IFRA認證，係最高級嘅香油嚟！
揀埋貼紙就終於整好啦！大家最後可以再聞多次，不過因為啱啱整好，所以會有少少酒精味。調香師話擺4日左右就可以用啦！
提提大家，而家只要喺Creatrip網站填寫評論，就會送1支價值₩13,000嘅居室多用途噴霧！呢支噴霧會同你整嘅香水係同款香味，除咗室內除臭，亦都可以噴喺衫上面，無論係屋企定衫都可以香噴噴~
最後仲會俾個禮物盒同紙袋你裝住帶走。
「PARFUM 9」香水工房入面有4個Photo Zone，大家可以根據自己支香水嘅特色揀嚟影。
因為係自己一手一腳整出嚟，所以小編好滿意最後成果，而家日日都係噴呢支香水返工XD 如果大家都有興趣整返支屬於自己嘅香水，推薦大家嚟弘大「PARFUM 9」！
弘大香水工房「PARFUM 9」前往方法
喺弘大入口站（홍대입구역）9號出口出。
向出口左邊方向行。
第一個十字路口轉右。
直行。
過馬路，然後向箭嘴方向直行大約30米就會見到有個藍色招牌。
行入大廈，上2樓就到「PARFUM 9」啦！
以上係弘大香水工房「PARFUM 9」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com