釜山自助照相館 | Because Friends（西面店、廣安里店）
超特別懷舊閣樓攝影棚！釜山原來有咁hip嘅自助影相鋪？
Hello，大家好，我哋係由韓國人每日提供最新韓國旅行資訊嘅Creatrip。
無論係首爾定其他城市，韓國真係有好多concept超特別嘅影相鋪，每間都各有特色！而今日小編要介紹嘅呢間自助照相館「Because Friends」西面店分別有兩款主題，吸引唔少韓仔韓妹去影相！
釜山「Because Friends」資訊
西面店
- 地址：부산 부산진구 전포대로 186번길 47
- 營業時間：星期一、三至日 11:00 - 20:00（逢星期二休息）
- 可預約時間：星期一、三至日 11:00 - 19:30
廣安里店
- 地址：부산 수영구 남천바다로33번길 47 6F
- 營業時間：星期一、三至日 11:00 - 20:00（逢星期二休息）
- 可預約時間：星期一、三至日 11:00 - 19:30
釜山「Because Friends」推薦原因
- 在場唔會有攝影師，可以自由撳掣影相，影出最似自己嘅個人照！
- 有閣樓同特別主題房，超特別！
- 「Because Friends」獨有色調，影出嚟張張都好似雜誌相咁！
- 呢個價錢仲包埋修圖服務，夠曬實惠！
- 兩間分店都位於地鐵站附近，交通夠方便！
釜山「Because Friends」價錢
| 選項 | 價錢 |
閣樓拍攝+修圖（2人） [包沖晒2張相（5x7）、修2張圖]  | ₩50,000 (50000) |
| 特別主題房拍攝+修圖（2人） [包沖晒2張相（5x7）、修2張圖]  | ₩60,000 (60000) |
※上述金額為2人價錢，如果需要加人數，請喺現場支付額外費用
※1人拍攝仍需支付2人價錢，嬰兒、寵物亦當1人計
※閣樓拍攝：拍攝時間15分鐘、揀相時間15分鐘 + 1~2小時修圖
※特別主題房拍攝：拍攝時間20分鐘、揀相時間15分鐘 + 1~2小時修圖
釜山「Because Friends」退款政策
| 預約後至體驗3日前取消 | 全額退款 |
| 體驗2日前取消 | 不設退款 |
釜山「Because Friends」評論優惠活動
| 填寫Creatrip評論 |   | 免費沖晒一張小型相（隨機1張修圖後照片） |
釜山「Because Friends」注意事項
基本注意事項
- 請最少喺2日前完成預約，你亦可以喺60日前進行預約。
- 請務必準時到達。
- 預約時間係開始拍攝嘅時間，請大家提早5-10分鐘到拍攝場地準備。
- 遲到嘅話拍攝時間將會變少；如果遲到超過10分鐘，預約將自動被取消，屆時將不設退款。
- 上述金額為2人價錢，如果需要加人數，請喺現場支付額外費用。
- 1人拍攝仍需支付2人價錢，嬰兒、寵物亦當1人計。
- 寵物冇限品種、大小或體重，只要可以控制到就可以。
- 特別主題房每隔3個月會轉一次主題。
- 如果想額外加購其他項目，建議當日先確認好實物之後決定，然後喺現場支付所需費用。
- 修圖時間大約需要1-2小時（可能會因現場狀況而有所變動）。
- 如預約16:30或其後時段，你會喺下一日先拎到晒好嘅相。
- 照相館會幫客人將晒好嘅相保管1個月，請喺1個月內領取。
- 修圖後電子版本會send去你預約嘅時候輸入嘅email。
- 如有任何疑問，或者需要更改預約，請send email到help@creatrip.com查詢。
拍攝注意事項
- 用完拍攝道具之後請放回原位。
- 影相嘅時候如果撳得太快可能會lag機，每撳一次請等3秒再影下一張。
- 請唔好擅自移動相機及其他裝備，亦無法改變拍攝角度。
- 如果太用力拉扯遙控，可能會整跌部相機。
- 如果相機出現任何損毀，Because Friends有權向你收取賠償費用。
釜山「Because Friends」預約流程
- 請確保已選擇正確選項，並詳細輸入所有相關資訊及付款
- 我哋會喺1-2個工作天內確認預約，如果需要更改日期/時間我哋會另外通知你
- 體驗當日請準時到達，向職員出示預約記錄
- 開始影相！
撳我預約👇🏻
釜山「Because Friends」閣樓拍攝參考圖片
釜山「Because Friends」介紹
今日小編帶大家嚟到位於釜山西面嘅自助照相館「Because Friends」！西面分店同弘大分店一樣，都有2款拍攝主題，大家可以根據個人喜好揀！
鋪頭出面同入面都有一隻巨型熊啤啤歡迎緊你~ 大家不妨可以同佢哋影相打卡！
而家好多照相館都會有Photo Zone俾客人影相打卡，「Because Friends」都唔例外！大家可以將成品放喺呢個懷舊風嘅背景影相留念~
大家記住提早5~10分鐘嚟揀道具同執一執樣（揀道具比想像中需要更多時間）！
今日小編會影曬閣樓同特別主題房！小編首先去嘅係閣樓房，大家要注意如果影相當日有落雨或者落雪，就需要除鞋行入去，以免整到周圍都污糟曬。
上到閣樓房就會見到左邊有貼一張注意事項，當中特別需要留意嘅係撳完掣之後要等3秒先會正式影到，如果撳得太快部機可能會停。另外影相嘅時候唔可以掂其他機器，相機角度亦都係固定嘅，唔可以擅自郁。
職員會幫大家set好timer，之後就可以正式開始影相啦！
大家每影一張相之後都可以即時check到成果，張相有冇對到焦、表情同動作怪唔怪都可以即刻睇到！
而小編去嘅時候特別主題係沙地房！喺呢度影相嘅時候都一樣，職員會先同你講解注意事項，然後幫你Set好timer，之後就可以開始！
小編因為係自己一個人去影，覺得有少少尷尬，所以就拎咗隻熊啤啤入嚟一齊影XD 如果係同朋友一齊嚟嘅話就可以有更加多發揮空間啦！
鋪頭入面有兩部電腦，影完之後就可以喺出面揀相啦~
大家有15分鐘可以揀相，最後會send兩張P好圖嘅相俾大家，如果大家想要返原圖就需要額外俾錢，鋪頭會喺3日內send俾大家。
揀好就可以寫喺呢張紙上面，職員會標示好要填嘅資料同位置。
小編每個主題都可以揀兩張，如果有超過兩張想職員幫你P嘅相，大家都可以額外俾錢整。另外因為鋪頭會send電子檔俾大家，所以記住要寫啱email地址啊！揀完之後將張紙俾職員，然後職員就會同你講大約要過幾耐再嚟拎相（小編當日要等2-3個鐘），大家可以喺西面行住等！
等咗2個鐘頭，返去鋪頭之後，職員會先將修圖後版本show俾大家睇，再問大家有冇地方想再修改，然後就會幫大家晒出嚟。
大概等多5-10分鐘就可以攞到最終成品啦！記住要去頭先介紹嗰個Photo Zone影相留念啊~
沙地拍攝+修圖 ₩50,000
閣樓拍攝+修圖 ₩50,000
另外而家喺Creatrip網站留低你嘅評論，仲可以免費沖晒一張小型相，大家千祈唔好錯過啦！
釜山「Because Friends」前往方法
西面店
廣安里店
金蓮山站（금련산역）3號出口出。
向出口反方向行。
見到轉角位之後轉右。
直行。
見到十字路口之後過馬路，然後向左行。
直行。
第二個路口轉右。
直行。
第一個路口轉左。
行大約20米之後會見到呢棟建築左邊喺你左邊。
上到6樓就到「Because Friends」啦！
撳我預約👇🏻
以上係釜山自助照相館「Because Friends」嘅介紹，有任何問題請先詳閱呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com