首爾站「囕盈豚」介紹
未開鋪已經超多人排隊？有韓國三大燒肉店之稱嘅「囕盈豚」，好食秘訣原來係...
Yuting Chou
a year ago
Hello，大家好，我哋係由韓國人每日提供最新韓國旅行資訊嘅Creatrip。
飛韓國又點可以唔食返幾餐燒肉呢？雖然是旦一間都好好味，但既然嚟到當然唔可以錯過被譽為韓國三大燒肉店之一嘅「囕盈豚」啦！佢未開門已經超多人排隊，對食有要求嘅朋友就要繼續睇落去啦！
首爾站「囕盈豚」介紹
囕盈豚(남영돈)
- 地址：서울 용산구 한강대로80길 17
- 營業時間：平日 16:00 - 22:00、週末 12:00 - 21:00
由淑大入口站6號出口行3分鐘就會去到，相當之近，只睇外觀真係好難想像佢係一間燒肉店。
「囕盈豚」嘅「囕」原來有擺入口 + 充滿豬肉香味嘅意思！入到去有種日式風格，原本以為冇咩位，點知佢大到分咗兩個區。
「囕盈豚」開咗鋪30幾年，佢哋會用傳統炭火去燒，啲肉食落都會有陣炭香味。
小菜同調味料都有好幾款俾大家揀同點嚟食。另外仲會送一大碗泡菜湯，味道好濃郁，唔會太鹹，同肉一齊食好夾！
落完單之後，職員就會開始幫大家燒，完全唔需要落手，只要等食就可以！不過有啲微美中不足嘅係呢度油煙有啲大，食完成身會有一陣燒肉味。
豬頸肉（항정살）₩20,000/1人份
小編叫咗一份豬頸肉同豬頰肉~ 豬頸肉食落好多汁，同醃魷魚一齊食，唔單止可以食到豬肉嘅肉汁，同時仲食到海鮮嘅鮮味，口感非常特別。
豬頰肉（가브리살）₩18,000/1人份
而豬頰肉食落比豬頸肉更加滑，有種入口即融嘅感覺，同泡菜一齊食可以去除啲油膩感。
蒸蛋（계란찜）₩7,000
如果覺得只食肉有啲單調，可以加多個蒸蛋，食完會更有飽肚感。
呢間燒肉店長期都超多人去排隊，如果大家之後經過不如就去試吓啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk