弘大自助照相館 | Because Friends

Hello，大家好，我哋係由韓國人每日提供最新韓國旅行資訊嘅Creatrip。

無論係首爾定其他城市，韓國真係有好多concept超特別嘅影相鋪，每間都各有特色！而今日小編要介紹嘅呢間自助照相館「Because Friends」弘大店分別有兩款主題，吸引唔少韓仔韓妹去影相！

弘大「Because Friends」資訊

• 地址：서울 마포구 동교로27길 25 2F
• 營業時間：星期一、三至日 11:00 - 20:00（逢星期二休息）
• 可預約時間：星期一、三至日 11:00 - 19:30

弘大「Because Friends」推薦原因

• 在場唔會有攝影師，可以自由撳掣影相，影出最似自己嘅個人照！
• 有閣樓主題房同特別主題房，超特別！
• 「Because Friends」獨有色調，影出嚟張張都好似雜誌相咁！
• 呢個價錢仲包埋修圖服務，夠曬實惠！
• 位於弘大入口站附近，可以喺弘大邊行街邊等拎相！

弘大「Because Friends」價錢

選項	價錢
閣樓拍攝+修圖（2人） [包沖晒2張相（5x7）、修2張圖]	₩50,000 (50000)
特別主題房拍攝+修圖（2人） [包沖晒2張相（5x7）、修2張圖]	₩60,000 (60000)

※上述金額為2人價錢，如果需要加人數，請喺現場支付額外費用
※1人拍攝仍需支付2人價錢，嬰兒、寵物亦當1人計
※閣樓拍攝：拍攝時間15分鐘、揀相時間15分鐘 + 1~2小時修圖
※特別主題房拍攝：拍攝時間20分鐘、揀相時間15分鐘 + 1~2小時修圖

弘大「Because Friends」退款政策

弘大「Because Friends」評論優惠活動

填寫Creatrip評論

免費沖晒一張小型相（隨機1張修圖後照片）

弘大「Because Friends」注意事項

基本注意事項

• 請最少喺2日前完成預約，你亦可以喺60日前進行預約。
  
• 請務必準時到達。
• 預約時間係開始拍攝嘅時間，請大家提早5-10分鐘到拍攝場地準備。
• 遲到嘅話拍攝時間將會變少；如果遲到超過10分鐘，預約將自動被取消，屆時將不設退款。
• 上述金額為2人價錢，如果需要加人數，請喺現場支付額外費用。
• 1人拍攝仍需支付2人價錢，嬰兒、寵物亦當1人計。
• 寵物冇限品種、大小或體重，只要可以控制到就可以。
• 特別主題房每隔3個月會轉一次主題。
• 如果想額外加購其他項目，建議當日先確認好實物之後決定，然後喺現場支付所需費用。
• 修圖時間大約需要1-2小時（可能會因現場狀況而有所變動）。
• 如預約16:30或其後時段，你會喺下一日先拎到晒好嘅相。
• 照相館會幫客人將晒好嘅相保管1個月，請喺1個月內領取。
• 修圖後電子版本會send去你預約嘅時候輸入嘅email。
• 如有任何疑問，或者需要更改預約，請send email到help@creatrip.com查詢。

拍攝注意事項

• 用完拍攝道具之後請放回原位。
• 影相嘅時候如果撳得太快可能會lag機，每撳一次請等3秒再影下一張。
• 請唔好擅自移動相機及其他裝備，亦無法改變拍攝角度。
• 如果太用力拉扯遙控，可能會整跌部相機。
• 如果相機出現任何損毀，Because Friends有權向你收取賠償費用。

弘大「Because Friends」預約流程

1. 請確保已選擇正確選項，並詳細輸入所有相關資訊及付款
2. 我哋會喺1-2個工作天內確認預約，如果需要更改日期/時間我哋會另外通知你
3. 體驗當日請準時到達，向職員出示預約記錄
4. 開始影相！

撳我預約👇🏻

弘大「Because Friends」閣樓拍攝參考圖片

弘大「Because Friends」介紹

今日小編帶大家嚟到位於弘大嘅自助照相館「Because Friends」！同釜山分店一樣，弘大分店都分別有2款拍攝主題任君選擇~ 鋪頭整體以黃色同木調為主調，俾人一種懷舊同溫暖嘅感覺。

鋪頭入面仲有2隻巨型熊啤啤，呢隻放喺全身鏡前面嘅公仔仲可以用做拍攝道具！

而家好多照相館都會有Photo Zone俾客人影相打卡，「Because Friends」都唔例外！大家可以將成品放喺呢個懷舊風嘅背景影相留念~

大家記住提早5~10分鐘嚟揀道具同執一執樣（揀道具比想像中需要更多時間）！

今日小編會影曬閣樓同特別主題房！小編首先去嘅係閣樓房，大家要注意如果影相當日有落雨或者落雪，就需要除鞋行入去，以免整到周圍都污糟曬。

上到閣樓房就會見到左邊有貼一張注意事項，當中特別需要留意嘅係撳完掣之後要等3秒先會正式影到，如果撳得太快部機可能會停。另外影相嘅時候唔可以掂其他機器，相機角度亦都係固定嘅，唔可以擅自郁。

職員會幫大家set好timer，之後就可以正式開始影相啦！

大家每影一張相之後都可以即時check到成果，張相有冇對到焦、表情同動作怪唔怪都可以即刻睇到！

而小編去嘅時候特別主題係沙地房！喺呢度影相嘅時候都一樣，職員會先同你講解注意事項，然後幫你Set好timer，之後就可以開始！

小編因為係自己一個人去影，覺得有少少尷尬，所以就拎咗隻熊啤啤入嚟一齊影XD 如果係同朋友一齊嚟嘅話就可以有更加多發揮空間啦！

鋪頭入面有兩部電腦，影完之後就可以喺出面揀相啦~

大家有15分鐘可以揀相，最後會send兩張P好圖嘅相俾大家，如果大家想要返原圖就需要額外俾錢，鋪頭會喺3日內send俾大家。

揀好就可以寫喺呢張紙上面，職員會標示好要填嘅資料同位置。

小編每個主題都可以揀兩張，如果有超過兩張想職員幫你P嘅相，大家都可以額外俾錢整。另外因為鋪頭會send電子檔俾大家，所以記住要寫啱email地址啊！揀完之後將張紙俾職員，然後職員就會同你講大約要過幾耐再嚟拎相（小編當日要等2-3個鐘），大家可以喺弘大行住等！

等咗2個鐘頭，返去鋪頭之後，職員會先將修圖後版本show俾大家睇，再問大家有冇地方想再修改，然後就會幫大家晒出嚟。

大概等多5-10分鐘就可以攞到最終成品啦！記住要去頭先介紹嗰個Photo Zone影相留念啊~

沙地拍攝+修圖 ₩50,000

閣樓拍攝+修圖 ₩50,000

另外而家喺Creatrip網站留低你嘅評論，仲可以免費沖晒一張小型相，大家千祈唔好錯過啦！

弘大「Because Friends」前往方法

喺弘大入口站（홍대입구역）2號出口出。

向左邊一直直行。

行到T字路口之後過馬路，然後向右行。

直行。

喺第一個路口轉左。

直行。

行入左邊第三個路口。

行入呢棟大廈。

上2樓。

咁就去到「Because Friends」弘大店啦！

撳我預約👇🏻

以上係弘大自助照相館「Because Friends」嘅介紹，有任何問題請先詳閱呢篇文章。

如果睇完之後有任何問題，或者我哋語意、標示唔清嘅話，麻煩請send email告知，以方便我哋改進。

如果有更多想知嘅內容，都可以隨時留言或者dm話俾我哋知：）

Instagram：creatrip.hk

Facebook：Creatrip 帶你認識韓國每一面

韓國代購

Mail：help@creatrip.com