廣藏市場美食 | 廣藏飯焦炸雞
全韓國三大炸雞之一喺廣藏市場就食到！出示Solo Foodie Pass後消費滿₩20,000即送飲品！
Hello，大家好，我哋係由韓國人每日提供最新韓國旅行資訊嘅Creatrip。
相信唔少朋友嚟韓國旅行都會去廣藏市場掃街，因為真係超多好嘢食！不過通常上網睇，大部份人都係介紹生牛肉、活章魚、綠豆煎餅，今日就等小編介紹一間賣「飯焦炸雞」嘅鋪頭俾大家啦！
Creatrip Solo Foodie Pass
為咗咁多位獨遊韓國嘅朋友們都可以盡情享受韓國美食，我哋今次同超過10間餐廳合作，為大家帶嚟各種獨家優惠！由全單折扣到免費餐點應有盡有，就算係自己一個嚟韓國玩都可以食得盡興！入面仲包咗一份獨家「韓國一人餐廳地圖」，得買咗優惠券嘅朋友們先可以睇到，仲會不定期更新！
趁開賣做緊早鳥優惠，快啲用優惠價買返套用啦！（廣藏飯焦炸雞都有優惠㗎！）
Solo Foodie Pass | ₩5,000 （5000） |
※本頁面所標示嘅價錢以韓幣為準，港幣幣值會因應即時匯率而浮動。
「廣藏飯焦炸雞」資訊
- 地址：서울 종로구 동호로 403-8
- 營業時間：12:00 - 22:00（Last Order 21:00）
「廣藏飯焦炸雞」推薦原因
- 運用全韓第一個得到專利嘅鹽醃熟成方式處理雞肉，加上老闆20年嘅豐富經驗，包保每一嚿都夠嫩滑夠juicy！
- 所有雞肉都係韓國本地雞，而且絕對唔會用急凍雞！
- 不含任何人工調味料，大家可以百分百感受到韓國蒜頭嘅甜味同香味，令你一試愛上！
- 連每塊飯焦都係自家製，可以食得安心！
- 買埋Creatrip Solo Foodie Pass，只要消費超過₩20,000就可以免費得到一罐飲品！
「廣藏飯焦炸雞」價錢
| Menu | 價錢 | 簡介 |
香蒜飯焦炸雞（有骨/無骨） | ₩21,000 | 運用韓國蒜頭特製醬汁，加上自家製飯焦，夠曬香口！ |
辣椒蔬菜炸雞（有骨/無骨）  | ₩22,000 | 炸漿入面加入辣椒同紫蘇葉，唔需要點醬都夠惹味！ |
香蒜飯焦炸雞杯 | ₩7,000 | - |
※上述價錢及相片只供參考，一切以現場為準。
「廣藏飯焦炸雞」優惠及注意事項
- 消費滿₩20,000後出示Creatrip Solo Foodie Pass，即送一罐飲品。
- 唔需要事先預約。
- 嚴禁攜帶外來食物及飲品。
- Creatrip Solo Foodie Pass優惠券可以喺超過10間餐廳使用，詳情可以撳我睇。
- 如果用優惠券嘅時候有任何疑問，可以send email到help@creatrip.com查詢。
「廣藏飯焦炸雞」介紹
今日小編嚟咗食廣藏市場代表美食——「廣藏飯焦炸雞」！呢間餐廳上過韓國三大電視台嘅節目，而且有好幾個超紅YouTuber都嚟過拍片，真係好受歡迎！
門口擺滿各款Menu，大家可以參考。
新鮮整好嘅炸雞真係睇到都流曬口水...「廣藏飯焦炸雞」連飯焦都係自家製，無論係衛生定味道都有保障！
其實「닭강정」呢款炸雞通常會被譯做甜辣雞丁或者果醬炸雞，係因為出面會裹上一層醬料！
「廣藏飯焦炸雞」可以拎走邊行邊食，亦都可以入去食，如果想喺餐廳食就要上2樓啦！
叫一隻炸雞嘅話個桶大概會係呢個size，仲高過小編手板！
香蒜飯焦炸雞（有骨）₩21,000
香蒜飯焦炸雞（無骨） ₩21,000
辣椒蔬菜炸雞（有骨）₩22,000
香蒜飯焦炸雞杯 ₩7,000
呢度另一個小編最鍾意嘅位係，平時叫無骨炸雞都要加錢，「廣藏飯焦炸雞」無論係有骨炸雞定無骨炸雞都係一樣價錢！
大家記住要download埋我哋張coupon，買滿₩20,000就可以免費得到一罐飲品，記住唔好走寳啦！
「廣藏飯焦炸雞」前往方法
喺鍾路5街站（종로5가역）7號出口出。
直行。
喺第一個路口（廣藏市場東門）轉右。
直行。
「廣藏飯焦炸雞」會喺你嘅右手邊！
以上係廣藏市場「廣藏飯焦炸雞」嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com