大邱照相館 | 花開照相館
影低你最燦爛耀眼嘅瞬間！喺大邱都有超潮照相館！
Hello，大家好，我哋係由韓國人每日提供最新韓國旅行資訊嘅Creatrip。
相信有唔少朋友嚟韓國玩都會想影返張證件相或者個人形象照，今日小編就打算為大家介紹一間位於大邱嘅人氣照相館 —— 「花開照相館」！
大邱「花開照相館」資訊
- 地址：대구 중구 동성로 3길 5 B1
- 營業時間：星期二至日 10:00 - 19:00
- 可預約時間：星期二至日 10:00 - 18:00（預約時段以1小時為單位）
- 語言：韓文、英文
大邱「花開照相館」推薦原因
- 影相空間夠大，可以自由發揮！
- 只接受預約，可以同攝影師1:1進行拍攝。
- 去大邱旅行嘅時候可以順便留低一個美好回憶！
- 徒步5分鐘就可以行到去半月堂站，影完相可以去東城路行街同玩！
大邱「花開照相館」價錢
| 選項 | 價錢 | 簡介 |
彩色證件相 | ₩45,000 | 修1張圖 - 上半身相（4x6吋相框） + 6張證件相 + 電子檔 |
個人形象照  | ₩70,000 | 修1張圖 - 4x6吋相框 + 1張5x7吋相 + 2張卡片size相+ 電子檔 |
Dreaming形象照  | ₩80,000 | |
花開形象照  | ₩100,000 | 修2張圖 - 4x6吋相框 + 1張5x7吋相 + 1張4x6吋相 + 2張卡片size相+ 電子檔 |
大邱「花開照相館」退款政策
| 預約後至體驗3日前取消 | 全額退款 |
| 體驗2日前取消 | 不設退款 |
大邱「花開照相館」注意事項
- 接受當日預約。
- 過程大約需要1小時（拍攝+修圖）。
- 因為呢度嘅拍攝會以1:1形式進行，所以每個時段只接受1位客人預約。如果想同朋友一齊影，請預約2個連續時段（例：如果想預約12:00兩個人影證件相，請同時預約12:00同13:00兩個時段）
- 請務必準時到達。
- 冇提供任何妝髮服務，大家亦可以自行帶道具進行拍攝（如果係影花開形象照，可以喺現場租道具花）。
- 為呈現更自然嘅效果，建議大家著素色衫，妝髮亦都唔好太濃太誇張。
- 預約時間係開始拍攝嘅時間，請大家提早15分鐘到拍攝場地準備。
- 如果太早到，你可能需要喺出面等，以免妨礙其他客人。
- 如果遲到超過10分鐘，預約將自動被取消，屆時將不設退款。
- 為保持場地乾淨，入到拍攝場地需要換上拖鞋，影全身相嘅時候亦唔可以著嚟嘅時候著嘅鞋（可以另外帶新鞋）。
- 如果想更改預約，或者有任何問題，請send email到help@creatrip.com查詢。
大邱「花開照相館」預約流程
| STEP 1. | |
| STEP 2. | 請填寫所有相關資訊，我哋會喺2個工作天內確認預約，然後通知你最終預約時間。 |
| STEP 3. | 當日請準時到達，向職員出示預約記錄。 |
| STEP 4. | 開始拍攝！ |
大邱「花開照相館」介紹
今日小編要介紹嘅照相館係位於大邱嘅「花開照相館」。「花開照相館」係一間佔地超過165平方米嘅影相鋪，住大邱嘅朋友們都一定有聽過！而且呢間影相鋪就喺半月堂站附近，行5分鐘就到！
彩色證件相
呢款係最基本嘅證件相，無論係整CV、護照、簽證都可以用到！不過因為每個國家/地區嘅證件相規格都唔一樣，所以建議大家事先check清楚嗰size！
如果係影「彩色證件相」，攝影師會幫你修1張圖，亦都包一張上半身4x6吋相（連相框）同6張證件相，電子檔會用email send俾你（所以記住要寫啱email地址啦！）。
個人形象照
比起證件相，影「個人形象照」嘅時候可以自由擺pose，如果有想要嘅風格大家都可以同攝影師講！
Dreaming形象照
「Dreaming形象照」最特別嘅係可以自己揀燈光顔色，影出嚟會有idol形象照嘅感覺，喺其他照相館好少見到會有呢種concept！大家如果唔知用咩色好，隨時都可以問專業攝影師意見！
花開形象照
「花開形象照」係「花開照相館」嘅招牌風格，大家可以揀鍾意嘅花做道具，影返輯清純少女風嘅形象照！
大邱「花開照相館」前往方法
喺半月堂站（반월당역）10號出口出。
直行。
行到T字路口之後轉左。
直行大約60m。
見到T字路口之後轉右。
直行大約20m就會見到左邊有個綠色招牌。
沿著樓梯行落去就到「花開照相館」啦！
以上係大邱「花開照相館」嘅介紹，有任何問題請先詳閱呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com