廣藏市場美食 | 朴家生拌牛肉
想食到最新鮮最正宗嘅生牛肉同活章魚？不如嚟「朴家生拌牛肉」啦！
Hello，大家好，我哋係由韓國人每日提供最新韓國旅行資訊嘅Creatrip。
廣藏市場有好多出名嘅嘢食，其中一樣就係好多外國人見到都會怕嘅生牛肉！相信有好多朋友都曾經喺電視節目或者旅行vlog入面見過人食，但係始終係生嘢，所以一定要去新鮮度有保證嘅餐廳！今日就等小編介紹一間連韓國人都成日去嘅生拌牛肉專門店俾大家啦！
「朴家生拌牛肉」資訊
- 地址：서울 종로구 종로32길 9
- 營業時間：09:00 - 22:00
- 可預約時間：星期一至五 09:00 - 21:00（週末不設預約）
「朴家生拌牛肉」推薦原因
- 位於百年傳統市場 —— 「廣藏市場」，歷史悠久，包你食到最道地嘅生牛肉！
- 可以同時試到生拌牛肉、活章魚，百分百體驗韓國傳統美食！
- 生牛肉紫菜包飯係「朴家生拌牛肉」嘅招牌Menu，嚟到一定要試！
- 透過我哋預約嘅時候唔洗指定Menu，可以到時候去現場再自己揀，仲可以免費得到1罐飲品！
「朴家生拌牛肉」價錢
| 現金券 | ₩10,000 (10000) |
※價錢包括每枱1罐飲品。
「朴家生拌牛肉」Menu
| 選項 | 價錢 |
生牛肉紫菜包飯 | ₩11,000 |
生牛肉拌飯 | ₩11,000 |
生牛肉 | ₩19,000 |
韓牛煎餅 | ₩25,000 |
生牛肉&活章魚 | ₩32,000 |
「朴家生拌牛肉」退款政策
| 預約後至到訪3日前取消 | 全額退款 |
| 到訪2日前取消 | 不設退款 |
「朴家生拌牛肉」注意事項
- 請最少喺3日前完成預約，你亦可以喺60日前進行預約。
- 預約時請確保已選擇正確日期，當日只要喺營業時間內到場就得。
- 嚴禁攜帶外來食物及飲品。
- 如果想更改預約，或者有任何問題，請send email到help@creatrip.com查詢。
「朴家生拌牛肉」預約流程
| STEP 1. | 撳我預約 |
| STEP 2. | 請填寫所有相關資訊，我哋會喺1-2個工作天內確認預約。 |
| STEP 3. | 當日請向職員出示預約記錄。 |
| STEP 4. | Enjoy！ |
「朴家生拌牛肉」介紹
今日小編帶大家嚟到位於廣藏市場嘅生牛肉餐廳「朴家生拌牛肉」！喺鍾路5街站7號出口行5分鐘就到，好容易就搵到！
喺門口就可以睇到Menu，大家入去之前可以先睇定~ 而門口左邊更加有個水箱，入面有好多生猛嘅章魚，叫完會即劏，夠曬新鮮！
原來呢度更加係NETFLIX原創節目嘅拍攝場地之一，唔怪得咁多人都慕名而來啦！
大家仲可以見到門口右邊有個職員喺度整緊生牛肉，製作過程透明，衛生有幾好有目共睹。
因為小編係預約咗之後先去，上到去發現職員已經幫小編準備好所有Menu，唔洗等好耐就可以開餐！
平時食開嘅生牛肉拌飯得幾條生牛肉，完全唔夠喉。不過「朴家生拌牛肉」嘅生牛肉拌飯有超多生牛肉，亦都有各種蔬菜，大家可以可以根據口味加辣椒醬落去撈勻食~
講起「朴家生拌牛肉」，一定唔少得呢款生牛肉紫菜包飯，幾乎每枱都有一碟！紫菜包飯大過平時見到嘅size，每一嚿上面都有生牛肉，睇到都流曬口水！
食之前大家首先要將生蛋黃同醬汁撈勻。
生牛肉本身有經過調味，加上秘製醬汁同紫蘇葉嘅香味，超特別！
接住落嚟呢款係生牛肉+活章魚，同樣食之前要將生蛋黃同生牛肉撈勻，撈緊嘅時候側邊嘅活章魚都仲郁緊，證明真係新鮮劏！
「朴家生拌牛肉」調味唔太濃，所以建議大家可以點麻油+鹽嚟食，會更加香！
最後呢款韓牛煎餅雖然比平時嘅牛肉煎餅貴，不過因為用嘅係韓牛，所以完全唔會韌，配埋辣拌葱絲真係一流~
如果之前未食過生牛肉，小編推薦大家可以嚟「朴家生拌牛肉」食最新鮮嘅生牛肉同活章魚，保證大家一定唔會後悔！
「朴家生拌牛肉」前往方法
喺鍾路5街站（종로5가역）7號出口出。
直行。
喺第一個路口（廣藏市場東門）轉右。
直行到十字路口。
轉右。
行前少少就會見到「朴家生拌牛肉」嘅招牌。
咁就去到啦！
以上係廣藏市場「朴家生拌牛肉」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
