廣藏市場美食 | 朴家綠豆煎餅（2號店）
嚟到廣藏市場必食！韓國傳統美食綠豆煎餅你又食過未？
Hello，大家好，我哋係由韓國人每日提供最新韓國旅行資訊嘅Creatrip。
廣藏市場係韓國最歷史悠久嘅傳統市場之一，想食最正宗嘅韓國美食嚟呢度就一定冇錯！如果問韓國人嚟到呢度必食嘅嘢食係咩，佢哋會講嘅其中一樣嘢食一定係「綠豆煎餅」！今日就等小編介紹一間連韓國人都成日去嘅綠豆煎餅專門店俾大家啦！
「朴家綠豆煎餅（2號店）」資訊
- 地址：서울 종로구 동호로 403-16
- 營業時間：08:00 - 22:00（每月第3個星期三休息）
- 可預約時間：星期一至五 08:00 - 21:00（週末不設預約）
「朴家綠豆煎餅（2號店）」推薦原因
- 呢度嘅綠豆煎餅用每日新鮮石磨綠豆整成，新鮮又好味。
- 除咗煎餅，呢度仲有賣生牛肉、紫菜包飯、辣炒年糕等等，大家可以根據自己口味叫嘢食！
- 呢度亦都有賣煎餅嘅靈魂伴侶——韓國米酒，仲有各種韓國傳統酒任君選擇！
- 透過我哋預約嘅時候唔洗指定Menu，可以到時候去現場再自己揀，仲可以免費得到1罐飲品！
「朴家綠豆煎餅（2號店）」價錢
| 現金券 | ₩10,000 (10000) |
※價錢包括每枱1罐飲品。
「朴家綠豆煎餅（2號店）」Menu
| 選項 | 價錢 |
海鮮綠豆煎餅 | ₩10,000 |
豬肉綠豆煎餅  | ₩10,000 |
什錦煎餅（大） | ₩15,000 |
海鮮葱煎餅 | ₩15,000 |
韓牛煎餅 | ₩25,000 |
朴家三拼Set（綠豆煎餅 + 豬肉冷切肉片 + 生醃蠔） | ₩22,000 |
※2023年7月價錢
「朴家綠豆煎餅（2號店）」退款政策
| 預約後至到訪3日前取消 | 全額退款 |
| 到訪2日前取消 | 不設退款 |
「朴家綠豆煎餅（2號店）」注意事項
- 請最少喺3日前完成預約，你亦可以喺60日前進行預約。
- 預約時請確保已選擇正確日期，當日只要喺營業時間內到場就得。
- 嚴禁攜帶外來食物及飲品。
- 如果想更改預約，或者有任何問題，請send email到help@creatrip.com查詢。
「朴家綠豆煎餅（2號店）」預約流程
| STEP 1. | 撳我預約 |
| STEP 2. | 請填寫所有相關資訊，我哋會喺1-2個工作天內確認預約。 |
| STEP 3. | 當日請向職員出示預約記錄。 |
| STEP 4. | Enjoy！ |
「朴家綠豆煎餅（2號店）」介紹
今日小編帶大家嚟到位於廣藏市場嘅綠豆煎餅餐廳「朴家綠豆煎餅」嘅2號店！喺鍾路5街站7號出口行2分鐘就到，好容易就搵到！
門口可以見到好多食物模型，全部都睇落好正！聽韓國人講，2號店嘅辣炒年糕都好食，大家嚟到記住要試啦！
門口仲有店員不斷煎緊餅，真係超香，好多人都會行行吓俾呢個香味吸引到停低XD
隔離仲有廣藏市場必食小食之一嘅迷你紫菜包飯！
呢間餐廳曾經上過各大韓國電視節目同NETFLIX，鋪頭入面亦都有唔少明星簽名，證明真係好受歡迎！
「朴家綠豆煎餅」2號店總共有3層，夠多位，而且裝修好有韓劇入面見到嘅餐廳嗰種mood~
食煎餅當然唔少得要飲韓國傳統米酒啦！呢度有好多款米酒可以揀，如果大家都想入鄉隨俗挑戰吓，就記住叫返支啦！（韓國傳統米酒度數唔算高，而且甜甜地，比較易入口！）
呢度仲有食物專用升降機，等大家可以即刻食到新鮮整好嘅嘢食！
坐好之後店員就會先上一碟醃洋葱，食煎餅覺得漏嘅時候食解膩一流，而且同所有煎餅都好夾！
終於上齊啦！跟住小編一齊睇吓有咩食啦！
韓牛煎餅雖然比平時嘅牛肉煎餅貴，不過因為用嘅係韓牛，所以完全唔會韌，配埋辣拌葱絲真係一流~
朴家三拼Set入面有綠豆煎餅、豬肉冷切肉片同生醃蠔，建議大家先食咗熱辣辣嘅綠豆煎餅先，外脆內軟真係好正，記住要點頭先嗰個醃洋葱嘅汁啊！
另外大家亦都可以將三款嘢食一啖擺曬落口，口感同味道都超豐富，係喺其他餐廳食唔到嘅味！
另外什錦煎餅入面有辣椒煎餅、明太魚煎餅、牛肉煎餅、蝦煎餅、韭菜煎餅、煎肉餅等等，幾乎所有韓國煎餅都有齊！不過提提大家，食明太魚煎餅嘅時候記住要小心有骨！
如果想體驗韓國傳統飲食文化，又鍾意飲返兩杯嘅話，推薦大家去「朴家綠豆煎餅」！
「朴家綠豆煎餅（2號店）」前往方法
喺鍾路5街站（종로5가역）7號出口出。
直行。
喺第一個路口（廣藏市場東門）轉右。
直行大約40米。
右邊就會見到「朴家綠豆煎餅（2號店）」嘅白色招牌！
以上係廣藏市場「朴家綠豆煎餅（2號店）」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com