廣安里美食 | 李夏亭醬蟹
韓國著名飲食節目PICK！釜山無添加醬油蟹超鮮甜，令人一試愛上！
Hello，大家好，我哋係由韓國人每日提供最新韓國旅行資訊嘅Creatrip。
最近外國人最鍾意嘅韓國美食一定唔少得醬油蟹！可能一開頭大家都會怕，不過一食就會上癮~ 今日就等小編介紹一間喺釜山嘅醬油蟹餐廳俾大家啦！
撳我睇Menu&預約詳情👇🏻
廣安里「李夏亭醬蟹」基本資訊
- 地址：부산 수영구 광서로10번길 46
- 營業時間：11:00 - 21:00
廣安里「李夏亭醬蟹」實地探訪
今日小編要介紹嘅餐廳係位於釜山水營站徒步3分鐘距離嘅「李夏亭醬蟹」，呢度嘅醬油蟹冇添加任何味精、糖同糖漿，可以食到蟹本身嘅鮮甜！「李夏亭醬蟹」更加獲獎無數，有信心保證！
一入到去就會見到牆上掛滿好多證書同藝人簽名！
隔離仲有個櫃係賣鼓油，如果食完覺得好味都可以喺度買返支！
餐廳入面有坐地板同坐枱嘅位。
平時去韓國餐廳食飯好少會鋪枱布，但呢度一落完單就會幫大家鋪，相當衛生。
醬油蟹定食2人份（₩50,000）
小編叫咗2人份，份量相當之多。
啲飯睇落好鬆軟同亮澤，同醬油蟹一齊食真係可以食多幾碗飯。
配菜方面有沙律醬蓮藕、橡子涼粉、菠菜等等。
大醬湯味道煮得啱啱好，唔會太過鹹。
為咗食得方便啲，大家可以先將醬油蟹分一半。
將蟹肉同蟹膏唧落碗飯到，再加鋪頭嘅秘製醬汁撈埋一齊食。
蟹殼可以加啲飯撈埋食。
呢度用嘅蟹都係韓國國產母蟹，所以品質會更加高，價錢嚟講唔算好平，但只要食過一次就會覺得係值！
醬油蝦、醬油蟹、辣醬蟹全部都係呢度嘅招牌Menu，大家一定要用啲汁撈飯食！
呢度仲有醬油鮑魚同醬醃大蝦，亦都有其他韓國美食任君選擇，相信大家一定可以食到超滿足！另外透過我哋預約，每枱更加會送一罐嘢飲，大家唔好錯過啦！
釜山「李夏亭醬蟹」前往方法
水營站（수영역）8號出口出。
直行。
喺第一個街口轉左直行。
一直直行。
十字路口之後轉左。
一直直行。
之後就會見到李夏亭醬蟹喺左手邊。
撳我預約👇🏻
以上係廣安里「李夏亭醬蟹」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com