Hello，大家好，呢度係由韓國人每日提供最新韓國旅行資訊嘅Creatrip。
嚟韓國唔食燒肉真係對唔住自己！不過有時買嘢洗大咗，想食燒肉又怕貴？就等小編推薦幾間只需₩10,000以下就可以食到燒肉嘅餐廳俾大家啦！
首爾CP值超高燒肉店
1. 弘大Donjose（홍대 돈조세）
- 地址： 서울 마포구 연남동 동교로 254
- 營業時間： 16:30 - 02:00
- 價錢：韓國本地五花肉（국내산 삼겹살）₩9,500、進口五花肉（수입산 삼겹살）₩7,500
「Donjose」位於延南洞，係弘大附近一間超出名嘅燒肉店，一人份嘅燒肉₩10,000都唔洗，所以一到夜晚就超多人排隊去食！
雖然價錢好平，但冇諗過佢嘅五花肉都好厚身，啖啖肉更滿足！
將五花肉、泡菜同蒜頭一齊放上爐一齊燒到金黃色就可以食啦！
平時韓國人食燒肉嘅時候都好鍾意叫埋大醬湯同水冷麵一齊食，唔單止可以去除油膩感，同時仲可以更加飽肚。
呢度仲有Bar俾大家拎小菜，想食幾多就食幾多！呢間舖頭每日開到凌晨2點，夜晚突然之間肚餓，咁啱又住弘大附近都可以去「Donjose」醫肚。
2. 麻浦燒肉場（마포구이마당 서교직영점）
- 地址： 서울 마포구 월드컵북로 49
- 營業時間： 16:00 - 22:30
- 價錢：冷凍五花肉（냉동삼겹살）₩9,000、冷凍帶皮五花肉（냉동오겹살）₩12,000、厚切豬大腸（통막창）₩12,000、厚切梅頭豬（통목살）₩12,000
Naver
Naver
「麻浦燒肉場」係當地居民超鍾意去嘅燒肉店之一，唔單止因為呢度嘅冷凍五花肉好味，同時佢哋嘅大蔥泡菜因為太出名而吸引唔少人去食。
Naver
Naver
Naver
Naver
雖然大家去到通常都會食冷凍五花肉，但如果想食厚切嘅燒肉，小編會推薦大家食佢哋嘅梅頭豬或者帶皮五花肉，一樣都係CP值超高！另外唔少韓國人仲會加₩3,000食佢哋嘅水芹菜（미나리），同肉一齊食超好味！
Naver
Naver
食完燒肉之後又點可以唔叫多個炒飯食呢？燒肉嘅油配上佢哋秘製嘅泡菜一齊炒飯食，真係令人忍唔住食完一啖又一啖！
3. 東豆川鍋蓋燒五花肉（동두천 솥뚜껑 삼겹살）
- 地址： 서울 강남구 역삼1동 테헤란로1길 20 2F
- 營業時間： 11:45 - 24:00
- 價錢：新鮮五花肉（생 삼겹살）+ 熟成厚切五花肉（숙성 생 통삼겹）+ 熟成厚切梅頭豬（숙성 생 통목살）₩30,000
想一次過食到唔同款嘅燒肉，去「東豆川鍋蓋燒五花肉」就冇錯啦！人均₩10,000就可以食到好飽！
Naver
平時燒肉嘅時候大家可能都只係燒一燒正反兩面之後就剪開細細塊，但係嚟到呢度，建議大家由豬皮開始燒，燒到塊皮金黃色之後再燒埋其餘嗰幾面再剪開，咁樣可以鎖住更多肉汁！
自助Bar有提供多款小菜，想食幾多就拎幾多！
Naver
「東豆川鍋蓋燒五花肉」喺合井、鐘閣站附近都有分店，平時夜晚都多人排隊，如果大家有興趣可能要早少少去。
4. 心動五花肉（설레임 삼겹살 신촌점）
- 地址： 서울 서대문구 연세로 5가길 31
- 營業時間： 12:00 - 02:00
- 價錢：心動五花肉（설레임 삼겹살）₩7,900、 加油梅頭豬（파이팅 목살）₩7,900、力量調味排骨（파워양념갈비）₩10,000、新村豬皮（신촌껍데기）₩6,500
Naver Blog
「心動五花肉」 位於新村，係一間好受大學生歡迎嘅餐廳。
好多地方賣嘅冷凍五花肉都係好薄，但呢度厚度啱啱好，只要燒得好，佢嘅味道絕對可以媲美厚切豬肉！
Naver
呢度同樣有提供多款小菜，另外推薦大家一定要加埋佢哋嘅什錦菇拼盤！
Naver
加上佢開到凌晨2點，去食宵夜fit曬！
以上呢幾間燒肉店人均都係₩10,000，相當之平，同時CP值又高，希望大家會鍾意啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
