Hello，大家好，呢度係由韓國人每日提供最新韓國旅行資訊嘅Creatrip。

好多年輕人都鍾意去主題樂園玩，難得去到當然要租返套校服扮學生，影返幾張靚相留念啦！今日要介紹嘅「感性校服」係韓國校服租借鋪之中最出名嘅連鎖店，當中大邱就有一間分店位於大家都會去嘅E-WORLD附近！

大邱「感性校服（E-WORLD店）」資訊

• 地址：대구 달서구 두류동 147-13
• 營業時間：平日 10:00 - 21:00、週末 10:00 - 21:30
• 可預約時間：10:00 - 20:00
• 語言：韓文、中文、英文、日文

大邱「感性校服（E-WORLD店）」推薦原因

• 韓國最出名校服租借鋪之一，所有校服都係請著名設計師設計，全部著起都好靚！
• 「感性校服」喺韓國有7間分店，鋪頭入面有超多影相位，超出名嘅粉紅色課室就喺呢度，仲有得影人生四格！
• 「感性校服」係孕育出超多idol嘅翰林藝高嘅專屬校服公司，亦都有上過電視節目，有好多韓星都著過！
• 有超過1,000套以上嘅校服任君選擇，更加提供中、英、日文服務，就算唔識韓文都唔洗擔心！
• 徒步行1分鐘就可以去到大邱著名主題公園E-WORLD，超方便！

大邱「感性校服（E-WORLD店）」價錢

大邱「感性校服（E-WORLD店）」退款政策

大邱「感性校服（E-WORLD店）」注意事項

• 接受當日預約，你亦可以喺60日前進行預約，預約會即時成立（即日預約唔接受取消及退款）。
• 可以由開門時間開始租借，請務必喺閂門時間前歸還校服。
• 女性校服size：上衣 33-88、下衣 33-99
• 男性校服size：上衣S(90)-4XL(120)、下衣26-38
• 如果當日冇歸還校服，每日將會額外收取₩5,000/人嘅費用（需要喺現場俾錢）。
• 租借校服時每3個人就需要用一張身份證同₩10,000按金做抵押（唔可以碌卡）。
• 額外加購項目：校褸 ₩5,000/件（需要喺現場俾錢）
• 可以放低比較輕便嘅行李，不過不設大型行李保管服務。
• 最多可以試2套唔同款式嘅校服（同一款試唔同size不在此限），如果試超過2套就需要額外支付費用。
• 旺季時如果遲到超過10分鐘，可能需要排隊等候。
• 如果整唔見咗或者校服污糟咗，有可能需要現場支付賠償費用。
• 現場俾錢可以用現金或者信用卡（手續費統一）。
• 營業時間可能會因天氣或者E-WORLD開放時間而有所變動，去之前建議先向店鋪查詢。
• 預約時請確保已選擇正確日期及時間。
• 同一時段最多可以有10個人預約。
• 如果想更改預約，或者有任何問題，請send email到help@creatrip.com查詢。

大邱「感性校服（E-WORLD店）」預約流程

大邱「感性校服（E-WORLD店）」介紹

今日要介紹俾大家嘅係韓國最出名嘅校服租借鋪頭之一嘅「感性校服」！呢度嘅校服以英國校服設計為基礎，在此之上加以各種變化，所有設計都睇落高級之餘夠Fashionable！「感性校服」更加提供韓國idol風格、哈利波特校服等各種主題校服，梗有一款啱你心水！

鋪頭入面都裝修得好靚好夢幻，每個角落影相都好靚！當然唔少得喺鏡前面自拍啦~

「感性校服」有超過1,000套校服，選擇夠多，幫家人、朋友同另一半揀返套好睇嘅校服啦！

雖然客人多，但係鋪頭仍然好乾淨企理，而且仲有識講中文、英文同日文嘅職員在場，唔需要擔心語言問題，夠曬方便！

「感性校服」最出名嘅當然就係各種Photo Zone啦！呢度可以話係融合校服租借鋪同拍攝場地嘅複合空間，著住校服影相就好似返返去學生時代咁，夠曬青春！

當然唔少得要著住校服去附近E-WORLD玩啦！E-WORLD入面都有好多啱影相打卡嘅地方，吸引超多後生仔女嚟~ 相信以後呢啲相將會成為大家嘅美好回憶！

唔少韓星同KOL都有喺度借過校服，想同韓星襯返一套話咁易！

另外鋪頭有提供中/英/日 3種語言簡介，去之前可以先參考一下。

大邱「感性校服（E-WORLD店）」前往方法

感性校服（大邱E-WORLD店）| 撳我預約

 網上付款Q&A

以上係大邱「感性校服（E-WORLD店）」嘅介紹，有任何問題請先詳讀呢篇文章。

如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。

如果有更多想知嘅內容，都可以隨時留言或者dm話俾我哋知：）

 Instagram：creatrip.hk

 Facebook：Creatrip 帶你認識韓國每一面 

 韓國代購

Mail：help@creatrip.com