Hello，大家好，我哋係由韓國人每日提供最新韓國旅行資訊嘅Creatrip。
唔知大家鍾唔鍾意去按摩呢？去按摩無妨都係想消除疲勞、舒筋活絡，等肌肉可以放鬆吓！今日小編就打算介紹一間位於明洞嘅按摩店「Art De La Peau」俾大家，跟住小編一齊去體驗吓啦！
撳我睇價錢&預約資訊👇🏻
明洞「Art De La Peau」基本資訊
- 地址：서울 중구 명동7가길 20 3F
- 營業時間：10:00 - 22:00
明洞「Art De La Peau」實地探訪
今日小編帶大家嚟到位於明洞嘅「Art De La Peau」按摩專門店，呢度嘅設施先進，致力為客人提供最高級嘅按摩服務！
鋪頭左邊係諮詢同等候區。
大堂更加放有「Cheongdam 30」嘅化妝品，「Cheongdam 30」係由THE THIRD MIND STUDIO嘅化妝師Victoria Ahn創辦嘅化妝品牌子，有好多幫韓星化妝嘅地方都係用呢個牌子嘅product！另外另一邊嘅架上面就有「ERENACELL」嘅女性私密部位護理精華，照顧女性由內到外嘅需要。
經過走廊行入去首先會見到2人室，無論係同屋企人、朋友定另一半嚟都非常適合！
而隔離就有個儲物櫃，大家換完衫就可以將隨身物品放喺度保管。今日小編要體驗嘅療程係「K-Beauty水光護理療程」同「全身香薰精油光子療程」！如果大家都係打算做呢兩款療程嘅話就要注意，因為呢兩個療程要著嘅衫唔一樣，所以中途要再換一次衫~
「全身香薰精油光子療程」係透過將遠紅外線傳達到人體深處，排出體內毒素、透過提升體溫達至燒脂效果，只要做一次都可以睇到有明顯效果！而且過程當中仲可以聞住令人超relax嘅香薰精油味~正式開始之前職員會先幫大家進行體重分析同測試體脂肪量，做完treatment之後就可以直接比較！
入到去之後職員就先幫小編熱敷對眼，然後瞓入部機度，一開頭會覺得暖暖地，最後5分鐘左右會越嚟越熱，不過都唔算出得多汗，全程用咗大約20分鐘。
做完之後再check多咗次體重同體脂肪量，小編覺得可以免費check呢兩樣嘢都係「Art De La Peau」服務嘅優點之一~
跟住就會出返大堂，職員會幫大家比較Before & After嘅數字，而且因為解釋得好仔細，令對呢方面認識唔多嘅小編都可以聽得明！
左邊係療程前，而右邊係療程後嘅數字，當中上面用紅色框住嘅數字係肌肉量，下面就係體脂肪量。因為小編本身體重唔太重，所以差別唔算太大，不過都可以睇到做一次treatment就增加咗0.8kg嘅肌肉同減少咗2.6%嘅體脂肪量！
小編之後就去咗換衫，然後嚟到足浴區，準備做下一個療程。
連計時嘅沙漏都咁靚，令小編都忍唔住同其他客人一樣喺呢度影咗幾張相~
浸完腳之後職員帶咗小編入4人房，正式開始第2個療程！
首先會清潔臉部同去角質。
然後就會做Aqua Peel，吸走毛囊蟲、黑頭同其他老廢角質，呢個療程最啱有暗瘡問題嘅朋友們做！
下一個步驟就係進行色素美白護理。
之後就會幫塊臉補一補濕。
下一個步驟就係Ultra HIFU拉提啦！透過打超聲波，令筋膜層收縮，改善肌膚下垂問題，提升臉部皮膚彈力。呢個步驟嘅感覺會比較明顯，而且因為小編皮膚本身比較敏感，所以做完之後紅咗，不過好快就褪返紅，大家完全唔需要擔心！
療程師下一步會幫大家按摩膊頭、肩胛骨同頸，feel到真係有放鬆返！
之後就會做臉部按摩，平時真係好少會有機會做到！
下一步就係做水光護理，因為會將超聲波打到肌膚深層，所以鎮靜效果會加倍！
下一步係做Fraxel分段激光，呢個療程有效縮小毛孔、促進疤痕再生同改善色素沉澱問題。
「Art De La Peau」護膚療程會用到ovaco嘅產品，呢個牌子係由美國、德國同韓國嘅TDS專家共同研發，質素有保證！
之後會敷埋石膏面膜，促進新陳代謝同血液循環，令皮膚睇落更透亮有彈性！
敷15分鐘之後就會整走塊石膏，然後幫你搽護膚品、防曬同BB Cream，成個療程就大功告成啦！
Before
After
做完療程之後皮膚的確變得白滑咗，而且都冇一開始咁紅！
換好衫出到嚟就會見到你塊石膏面膜同一罐飲品等緊你，大家可以用marker裝飾塊石膏XD
如果大家都想體驗韓國按摩同美容，非常推薦大家嚟「Art De La Peau」！
明洞「Art De La Peau」前往方法
喺乙支路入口站（을지로입구역）5號出口出。
直行。
喺第一個路口轉右。
直行大約150米。
喺第三個路口轉右。
轉右之後就會見到「Art De La Peau按摩」嘅黃色招牌。
行入大廈，上3樓就到啦！
撳我預約👇🏻
以上係明洞「Art De La Peau」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Mail：help@creatrip.com
