廣藏市場美食 | 昌信生拌牛肉（2號店）
廣藏市場必食生牛肉+活章魚，包你食到最道地嘅韓國美食！
Hello，大家好，我哋係由韓國人每日提供最新韓國旅行資訊嘅Creatrip。
唔知道大家有冇食過韓國嘅生牛肉呢？相信有好多朋友都曾經喺電視節目或者旅行vlog入面見過人食，自己都會想試，不過始終係生嘢，怕唔新鮮嘅話會肚痾...今日就等小編介紹一間連韓國人都成日去嘅生拌牛肉專門店俾大家啦！
廣藏市場「昌信生拌牛肉（2號店）」資訊
- 地址：서울 종로구 동호로 403-17
- 營業時間：星期二至日 10:00 - 22:00（逢星期一休息）
- 可預約時間：星期二至五 11:00 - 21:00（週末不設預約）
廣藏市場「昌信生拌牛肉（2號店）」推薦原因
- 「昌信生拌牛肉」位於百年傳統市場 —— 廣藏市場，歷史悠久，包你食到最道地嘅生牛肉！
- 可以同時試到生拌牛肉、生牛肉刺身、活章魚，百分百體驗韓國傳統美食。
- 跟餐送嘅白蘿蔔牛肉湯夠曬清爽，有助解膩。
- 仲有機會試到老闆親手整嘅燒酒冰沙！
- 透過我哋提前預約嘅話，可以去到即刻有得食！
廣藏市場「昌信生拌牛肉（2號店）」價錢
| 選項 | 價錢 |
|---|---|
生拌牛肉（200g） | ₩19,000 |
| 雙拼Set （生拌牛肉 + 生牛肉刺身）  | ₩32,000 |
| 三拼Set （生拌牛肉 + 生牛肉刺身 +活章魚）  | ₩42,000 |
魷魚葱煎餅 | ₩13,000 |
綠豆煎餅 | ₩5,000 |
生牛肉蓋飯 | ₩9,000 |
廣藏市場「昌信生拌牛肉（2號店）」退款政策
| 預約後至到訪3日前取消 | 全額退款 |
| 到訪2日前或其後取消 | 不設退款 |
廣藏市場「昌信生拌牛肉（2號店）」注意事項
- 請最少喺3日前完成預約。
- 如希望加購其他餐點，請喺現場支付所需金額。
- 預約時請確保已選擇正確日期及時間。
- 如果遲到超過10分鐘，預約將自動被取消，請準時到達。
- 不得攜帶及進食外來食物。
- 如果想更改預約，或者有任何問題，請send email到help@creatrip.com查詢。
廣藏市場「昌信生拌牛肉（2號店）」預約流程
| STEP 1. | 撳我預約 |
| STEP 2. | 請填寫所有相關資訊。 |
| STEP 3. | 我哋會喺1-2個工作天內確認預約，你可以喺到訪3日前更改或取消預約。 |
| STEP 4. | 體驗當日請準時到達，向職員出示預約記錄。 |
| STEP 5. | Enjoy！ |
廣藏市場「昌信生拌牛肉（2號店）」介紹
今日小編嚟到位於廣藏市場嘅「昌信生拌牛肉」2號店！「昌信生拌牛肉」總共有4間分店，4位老闆都各有風格XD 呢度除咗生牛肉之外，仲有賣綠豆煎餅、葱煎餅等等嘅韓國傳統美食，就算唔食生嘢都一樣可以嚟~
一入到去會見到有超多張枱，所以就算係食飯時間都好快就有位！
呢間餐廳都有唔少外國人幫襯，所以牆上面嘅餐牌有齊中文、英文同日文，大家唔需要擔心睇唔明。
同其他韓國餐廳一樣，筷子、匙羹同紙巾全部都喺枱側邊嘅櫃筒入面。
生拌牛肉（200g）₩19,000
生牛肉蓋飯 ₩9,000
魷魚葱煎餅 ₩13,000
綠豆煎餅 ₩5,000
三拼Set（生拌牛肉 + 生牛肉刺身 + 活章魚）₩42,000
小編叫咗上面呢個三pinSet，入面包生拌牛肉、生牛肉刺身同活章魚。
韓國人食生牛肉上面通常都會有一粒生蛋黃，大家可以先夾少少生牛肉試咗原味先，之後先再同蛋黃撈勻，享受口感更滑、味道更香濃嘅生牛肉！
大家記住要配埋側邊嘅梨絲一齊食啊！除咗可以增加口感同令生牛肉味道更清新香甜，梨亦都含有有助消化嘅酵素，同生牛肉非常夾！
而生牛肉刺身可以直接點醋辣椒醬或者麻油食，再包多塊紫菜就perfect啦~
相信大家睇韓國電視節目都會見過有人食活章魚，呢樣食物對外國人嚟講的確有少少難接受，小編第一次見到都覺得好特別！不過因為活章魚超新鮮，所以非常有咬口同鮮甜，好多人一食就上曬癮！唔講唔知，原來活章魚有解毒、預防成人病等等嘅功效㗎~
食食吓想轉吓新口味，可以飲隨餐附送嘅白蘿蔔牛肉湯，清得嚟味道夠濃郁，用嚟解一解膩就最啱啦！
廣藏市場「昌信生拌牛肉（2號店）」前往方法
喺鐘路5街站（종로5가역）7號出口出。
直行大約60米。
見到市場入口之後行入左邊條通道，轉右入市場。
行前30米左右就會見到「昌信生拌牛肉」嘅招牌。
咁就到啦！
以上係廣藏市場「昌信生拌牛肉（2號店）」嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com
