Hello，大家好，我哋係由韓國人每日提供最新韓國旅行資訊嘅Creatrip。
嚟到韓國想整返個韓式髮型，但係周街都係髮型屋唔知去邊度好？今次不如就跟小編一齊去一間喺明洞做咗好耐生意嘅高級髮型屋「Ye-Lead」睇睇啦！（透過Creatrip預約仲可以享有優惠價添！）
撳我睇價錢&預約資訊👇🏻
明洞髮型屋「Ye-Lead」基本資訊
- 地址：서울 중구 명동8가길 26 3F
- 營業時間：星期一至六 10:30 - 20:30
明洞髮型屋「Ye-Lead」實地探訪
小編今日帶大家嚟到位於明洞嘅「Ye-Lead」髮型屋！呢度最出名嘅係用高級品牌MILBON嘅產品做頭髮護理treatment，好多韓國人都會專程嚟做！
明洞「Ye-Lead」裝修以木調為主調，整體俾人一種舒服放鬆嘅感覺。
中間張長枱上面有染髮顔色嘅Sample，而且因為唔係平時一本本書個種類型，所以大家可以大概知道長頭髮染嘅時候會係咩效果！
行入少少仲會有多幾個位，呢個corner嘅裝修以白色為主調，俾人一種乾淨高級嘅感覺。
而鋪頭最入面嘅係洗頭嘅地方，總共有3個位。位同位之間都隔得幾開，而且燈光比較柔和，大家可以舒服咁洗頭~
呢度可以話係「Ye-Lead」嘅打卡位！呢個corner運用各種綠色植物裝飾，仲有一塊大嘅全身鏡，大家可以剪完頭髮之後喺度影返幾張靚相！
平時染/電得太多頭髮都會令髮質受損，呢個時候就當然要做返頭髮護理救返頭上面堆雜草啦！「Ye-Lead」用嘅產品來自一個知名日本美髮品牌 —— MILBON，效果相當好！
呢度唔單止頭髮護理treatment出名，亦都有唔少客人會專程嚟染頭髮！而且因為在場有修讀完MASTER COLOR CRAFT課程嘅COLOR MASTER，所以就算唔知染咩色都好，COLOR MASTER都會根據你嘅膚色、臉型、著衫style等等推薦啱你嘅髮色，包你可以整到個滿意嘅髮型！
明洞髮型屋「Ye-Lead」前往方法
喺明洞站（명동역）8號出口出。
直行，喺第一個路口轉左。
直行。
第一個路口轉右。
直行，經過4棟大廈之後就會見到「Ye-Lead」嘅招牌。
上3樓就到啦！
撳我預約👇🏻
以上係明洞髮型屋「Ye-Lead」嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時留言或者dm話俾我哋知：）
Mail：help@creatrip.com