明洞美食 | 明洞亭

一場嚟到韓國想食返餐高質韓定食？不如去「明洞亭」啦！

Jiyoon Kim

a year ago

Hello，大家好，我哋係由韓國人每日提供最新韓國旅行資訊嘅Creatrip。

想百分百體驗韓國傳統飲食文化，小編推薦大家一定要試一次韓定食！韓定食就好似一個Set Menu咁，包括前菜、主菜、小菜同甜品，全部都係傳統韓國料理~ 不過平時嚟旅行都好少會專登去食韓定食，一嚟唔多人介紹，二嚟韓定食都有返咁上下價錢... 今日小編就搵到一間連韓國人都超推薦嘅韓定食餐廳 ——「明洞亭」，一齊睇吓有咩食啦！

明洞「明洞亭」資訊

地址：서울 중구 삼일대로299
營業時間：11:30 - 21:30（Break Time 15:00 - 17:00）
可預約時間：星期一至五 12:00 - 14:00、17:00 - 20:00

明洞「明洞亭」推薦理由

每組客人都會有單獨一間房，私隱度夠高！
「明洞亭」選用最新鮮食材，烹調出又好睇又好食嘅韓國傳統料理。
餐廳沿用傳統韓屋設計，大家可以著住韓服嚟影相，做返日古代韓國人！
職員識講中文、英文、日文，唔洗擔心溝通唔到。
位於明洞站附近，食完飯可以直接去明洞散步同行街！

明洞「明洞亭」價錢

Menu	價錢	簡介
海神餐	₩85,000/人	適合想食高級海鮮料理嘅你！南瓜粥、季節沙律、涼拌海蜇、三文魚扒、韓式宮廷炒粉絲、三色煎餅、韓式烤肉、五色薯仔丸子、生牛肉、炸蝦、五色蒸大蝦、九節坂、蒸花蟹、韓式燉牛排骨配鮑魚、大醬湯、白飯、各種小菜、傳統茶及甜品
貴賓餐	₩65,000/人	適合想食多款高級韓式料理嘅你！南瓜粥、季節沙律、涼拌海蜇、三文魚扒、韓式宮廷炒粉絲、三色煎餅、韓式烤肉、五色薯仔丸子、生牛肉、炸蝦、五色蒸大蝦、九節坂、韓式燉牛排骨配鮑魚、大醬湯、白飯、各種小菜、傳統茶及甜品
明洞套餐	₩43,000/人	適合想用超值價錢試勻咁多款韓式料理嘅你！南瓜粥、季節沙律、涼拌海蜇、三文魚扒、韓式宮廷炒粉絲、三色煎餅、韓式烤肉、五色薯仔丸子、生牛肉、炸蝦、大醬湯、白飯、各種小菜、傳統茶及甜品

※同枱所有客人需要叫同一款Menu（例：如果2個人去，唔可以1個食海神餐，1個食貴賓餐，需要統一叫1款）

明洞「明洞亭」退款政策

預約後至到訪3日前取消	全額退款
到訪2日前或其後取消	不設退款

明洞「明洞亭」注意事項

請最少喺3日前完成預約。
每枱只可以叫一款Menu。
如希望加購其他餐點，請喺現場支付所需金額。
預約時請確保已選擇正確日期及時間。
唔可以著住韓服食飯，只可以喺食飯前/後喺走廊同房入面影相。
請小心唔好整污糟韓服。
如果想更改預約，或者有任何問題，請send email到help@creatrip.com查詢。

明洞「明洞亭」預約流程

STEP 1.	撳我預約
STEP 2.	請填寫所有相關資訊。
STEP 3.	我哋會喺1-2個工作天內確認預約，你可以喺到訪3日前更改或取消預約。
STEP 4.	體驗當日請準時到達，向職員出示預約記錄。
STEP 5.	Enjoy！