明洞美食 | 高喜來
嚟到韓國又想食燒肉，又想食醬油蟹？「高喜來」一次過滿足你兩個願望！
Hello，大家好，我哋係由韓國人每日提供最新韓國旅行資訊嘅Creatrip。
唔知道大家嚟韓國玩有咩一定會食㗎呢？小編認為韓國烤肉同醬油蟹係其中兩款唔可以錯過嘅韓國美食！而今日要介紹嘅呢間餐廳居然可以同時食到呢兩款Menu，仲要全部都夠高質！一齊睇吓間餐廳喺邊啦~
明洞「高喜來」資訊
- 地址：서울 중구 명동9길 21
- 營業時間：11:00 - 00:00
- 可預約時間：13:00 - 23:00
明洞「高喜來」推薦理由
- 可以同時食到醬醃牛排骨同醬油蟹，一舉兩得。
- 事先預約嘅話可以一到就即刻有得食！
- 位於乙支路入口站附近，食完可以順便去明洞行街。
- 係明洞其中一間最多韓國人去嘅餐廳，無論係味道定衛生都有保證！
- 透過我哋預約，仲可以食到Creatrip獨家Set Menu，用最抵價錢食燒肉+醬油蟹！
明洞「高喜來」價錢
現金券 | ₩30,000 （30000） |
明洞「高喜來」Creatrip 獨家 Set Menu
| 2人Set [醬油蟹（2隻）+ 醬醃牛排骨] | ₩125,000 |
明洞「高喜來」退款政策
| 預約後至到訪3日前取消 | 全額退款 |
| 到訪2日前或其後取消 | 不設退款 |
明洞「高喜來」注意事項
- 請最少喺3日前完成預約，你亦可以喺60日前進行預約。
- 預約時請確保已選擇正確日期及時間。
- 預約時所支付嘅金額為訂金，到訪當日將會收取扣除訂金後最終消費金額。
- 對蟹敏感人士預約前請三思。
- 食醬油蟹嘅時候需要搣走蟹鰓同嘴。
- 花蟹蟹殼堅硬，食嘅時候需要小心。
- 如果想更改預約，或者有任何問題，請send email到help@creatrip.com查詢。
明洞「高喜來」預約流程
| STEP 1. | |
| STEP 2. | 請填寫所有相關資訊。 |
| STEP 3. | 預約會即時成立，你可以喺到訪3日前更改或取消預約。 |
| STEP 4. | 體驗當日請準時到達，向職員出示預約記錄。 |
| STEP 5. | Enjoy！ |
明洞「高喜來」介紹
今日小編帶大家嚟到位於明洞嘅炭火燒肉專門店「高喜來」！連韓國人都覺得呢度嘅醬油蟹同醬醃牛排骨好食，好多人都會慕名而來。而今次我哋成功同呢間餐廳合作，獨家推出「醬油蟹+醬醃牛排骨」Set，等大家可以一次過食曬兩款Menu，大飽口福！而且預約完之後去仲可以即刻開餐，唔洗等咁耐~
餐廳總共有兩層，兩層都有好多位，而且每張枱都夠大夠闊落。
兩層都有幾間房，無論係兩個人定一大班人一齊嚟都完全冇問題！
上主菜之前職員會首先幫大家上4款小菜同每人一碟撈咗醬汁嘅生菜，酸酸甜甜、非常解膩。
2人Set：2隻醬油蟹 + 醬醃牛排骨 ₩115,000
呢個就係Creatrip獨家Set Menu啦！坐低冇耐就上好菜，可以開餐！
老闆話醃牛排骨嘅醬料係呢度嘅獨家配方，令小編好期待到底有幾好食啊！
同樣地呢度嘅醬油蟹都係用自家配方醃成，同其他餐廳唔同！
首先先嚟燒肉啦！職員會幫手將肉放上烤盤，餐廳冇咁忙嘅時候仲會全程幫手燒添！
因為係牛肉，所以唔需要燒到完全熟曬就食得！呢度嘅牛排骨肉雖然好厚，但完全唔會覺得韌，甜甜地嘅調味醬料亦都好惹味，加埋肉汁真係一流~
食耐咗覺得有啲漏嘅時候，就可以連埋頭先嗰碗生菜一齊食，仲唔洗好似平時咁要用手包，食落方便好多！
小編每次食燒肉都一定會連埋泡菜（辛奇）一齊食，呢個配搭真係冇得輸！
跟住就到另一個重頭戲 —— 醬油蟹啦！
老闆示範咗一次俾小編睇要點整醬油蟹拌飯！首先將蟹殼入面嘅蟹膏同醬汁放落飯碗，然後落少少麻油撈一撈，再將其他蟹肉都放埋落去撈就得啦！
麻油同紫菜嘅香味，加埋鮮甜蟹肉同惹味醬汁真係好夾，小編勁快就食完一碗XD 大家亦都可以留一兩嚿就咁食，咁就可以食到醬油蟹嘅原汁原味啦！
明洞「高喜來」前往方法
喺乙支路入口站（을지로입구역）5號出口出。
向左邊直行。
過馬路。
直行。
第一個路口轉右。
直行。
行多陣就會見到「高喜來」個招牌。
咁就到啦！
對面亦都有一個用沿用韓屋設計嘅入口。
以上係明洞「高喜來」嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com
