明洞美食 | OppaDak烤雞
嚟韓國旅行點可以少得炸雞！OppaDak為你提供一個更低油、低膽固醇、高蛋白質嘅選擇！
Hello，大家好，我哋係由韓國人每日提供最新韓國旅行資訊嘅Creatrip。
相信大家嚟韓國，點都會有一餐係炸雞！不過應該都會有唔少朋友唔太鍾意食炸嘢，呢個時候韓國烤雞會係一個唔錯嘅選擇~ 今日小編要介紹嘅係一間烤雞連鎖店「OppaDak烤雞」，喺明洞都有分店！
明洞「OppaDak烤雞」資訊
- 地址：서울 중구 을지로2가 199-40 명동아르누보센텀
- 營業時間：14:00 - 03:00
- 可預約時間：14:00 - 02:00
- 語言：韓文、中文、英文
明洞「OppaDak烤雞」推薦理由
- 呢度嘅烤雞唔用油炸，但仍然可以保留韓國炸雞嘅風味，係一個更健康嘅選擇。
- 可以好似韓劇入面咁食炸雞配啤酒！
- 喺明洞呢個寸金尺土嘅地方仲可以坐喺露天位食嘢，超有氣氛。
- 平時炸雞鋪都係賣罐裝啤酒，不過呢度仲有生啤酒可以飲！
- 提供多種語言餐牌，就算想另外再叫嘢食都唔怕睇唔明。
- 提前預約嘅話可以去到即刻有得食！
- 位於乙支路入口站附近，食完仲可以慢慢行去明洞繼續Shopping！
明洞「OppaDak烤雞」價錢
選項 | 價錢 | 説明 |
|---|---|---|
原味脆皮烤雞  | ₩20,000 | 冇用油炸，只係用焗爐烤出嚟嘅烤雞一樣可以做到外脆內嫩！ |
半半烤雞 （原味脆皮烤雞 + 甜辣脆皮烤雞/蒜香脆皮烤雞）  | ₩22,000 | 原味脆皮烤雞配自選口味，一次可以食到兩款口味！ （甜辣脆皮烤雞、蒜香脆皮烤雞擇一） |
蒜香脆皮烤雞  | ₩21,000 | 原味脆皮烤雞加上香蒜片，香口得嚟夠惹味！ |
芝士粉烤雞  | ₩22,000 | 香甜嘅蜂蜜牛油醬加上芝士粉，甜甜鹹鹹超特別！ |
明洞「OppaDak烤雞」退款政策
| 預約後至到訪3日前取消 | 全額退款 |
| 到訪2日前或其後取消 | 不設退款 |
明洞「OppaDak烤雞」注意事項
- 請最少喺3日前完成預約。
- 如希望加購其他餐點，請喺現場支付所需金額。
- 預約時請確保已選擇正確日期及時間。
- 如果想更改預約，或者有任何問題，請send email到help@creatrip.com查詢。
明洞「OppaDak烤雞」預約流程
| STEP 1. | 撳我預約 |
| STEP 2. | 請填寫所有相關資訊。 |
| STEP 3. | 我哋會喺2個工作天內確認預約，你可以喺到訪3日前更改或取消預約。 |
| STEP 4. | 體驗當日請準時到達，向職員出示預約記錄。 |
| STEP 5. | Enjoy！ |
明洞「OppaDak烤雞」介紹
今日小編帶大家嚟到位於明洞嘅「OppaDak烤雞」！其實佢全名嘅意思係「跌咗落焗爐嘅烤雞」，唔用油炸，但仍然可以保留到韓國炸雞嗰種香口惹味嘅特色！有時候想食炸雞但覺得太邪惡，呢款低脂、低膽固醇、高蛋白嘅烤雞係一個更健康嘅選擇！
「OppaDak烤雞」明洞店最吸引人嘅地方相信就係呢個室外用餐區啦！好似而家咁天氣唔太凍/熱，最啱就係坐喺室外食嘢，氣氛超好~
小編去嘅時候見到個入口咁細，以為餐廳入面應該會冇咩位。
不過原來入面比想像中大好多！呢度總共有佔咗兩間鋪頭，有兩層，好多韓國人都鍾意嚟呢度聚餐！
雪櫃入面擺滿啤酒杯、嘢飲同各種酒類飲品。
而最最最令小編興奮嘅係呢度居然有賣生啤酒！呢度嘅生啤酒更加得到韓國啤酒品牌Cass嘅認可~ 小編飲完之後覺得佢唔太多氣，飲落比較順口之餘夠曬清新！大家如果想試炸雞配啤酒呢個組合，嚟呢度就冇錯啦！
餐牌有齊中文、英文同日文，就算唔識韓文都冇有怕！呢度亦都有另一本專for酒類飲品嘅Menu，酒鬼們千祈唔可以錯過！
呢度每枱都會送醃蘿蔔、酸青瓜、餅乾，仲有兩款醬汁！
原味脆皮烤雞 ₩20,000
半半烤雞（原味脆皮烤雞 + 蒜香脆皮烤雞）₩22,000
雖然冇用油炸，但係都同普通炸雞一樣咁外脆內Juicy！
如果想轉吓口味，大家可以點泰式辣醬或者黃芥末醬！怕漏嘅朋友們亦都可以配醃蘿蔔同酸青瓜食~
蒜香脆皮烤雞以香蒜醬油做調味，加上脆卜卜嘅炸蒜片，香口得嚟夠惹味！
雖然有汁，但係呢款烤雞仍然都係咁脆口，令小編都好驚訝！
想食炸雞但又怕太肥膩，不如就去明洞「OppaDak烤雞」食韓式烤雞啦！
明洞「OppaDak烤雞」前往方法
喺乙支路入口站（을지로입구역）5號出口出。
直行。
第一個路口轉右。
直行。
第三個路口轉左。
離遠可以見到「OppaDak烤雞」嘅招牌。
再行前少少就到啦！
以上係明洞「OppaDak烤雞」嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com