Hello，大家好，我哋係由韓國人每日提供最新韓國旅行資訊嘅Creatrip。

嚟韓國玩當然要食盡所有本地美食啦~ 除咗燒肉同炸雞之外，香港人嚟韓國旅行最想試嘅韓國美食一定唔少得醬油蟹！喺韓國，醬油蟹又被稱為白飯小偷，小編每次去食都要食幾碗白飯先夠喉XD 今日小編就幫大家精選咗幾間首爾最出名同高質嘅醬油蟹專門店，全部都係喺景點區附近，大家嚟玩之前記住要save低呢篇blog啦！

有其他餐廳想去？👇🏻

2024首爾醬油蟹餐廳總整理

真味食堂_{(진미식당)}

• 地址：서울 마포구 마포대로 186-6
• 營業時間：12:00 - 20:00（Break Time 15:30 - 17:00）、星期日同公眾假期休息
• 前往方法：兒嶺站（애오개역）4號出口行4分鐘

相信好多朋友都有聽過「真味食堂」呢間醬油蟹專門店，佢由2017年到而家每年都入選米芝蓮指南，亦都得到被稱為韓國米芝蓮嘅藍蝴蝶結Blue Ribbon Survey嘅推薦，見到門口癡住咁多張貼紙就知道有幾犀利啦！

🔎韓國米芝蓮餐廳

醬油蟹定食（게장정식）

其實一個人要₩45,000真係唔平，不過跟餐會上好多小菜，而且見到咁靚咁多嘅蟹膏真係即刻覺得超抵！鮮甜嘅蟹肉配上濃郁嘅蟹膏，每一啖都係享受~

🔎「真味食堂」詳細介紹

大瓦房_{(큰기와집)}

• 地址：서울 종로구 북촌로 22
• 營業時間：星期二至日 11:30 - 21:00（Break Time 15:00 - 17:00）
• 前往方法：安國站（안국역）2號出口行3分鐘

「大瓦房」距離安國站2號出口非常近，外觀同招牌非常搶眼，離遠就會見到，無論係平日定weekend嚟都成日大排長龍！

「大瓦房」嘅招牌醬油蟹一份只有一隻，而且價錢相對比較貴。不過呢度嘅醬油蟹有勁多金黃色嘅蟹膏，加埋用藥材釀製嘅醬油，聞落好香。

將蟹膏放喺紫菜上面，再加一啖飯真係好正！呢度嘅醬油唔太鹹，可以食到蟹肉同蟹膏本身嘅鮮甜味，亦都完全唔腥。最後就當然要將啲飯擺落蟹蓋撈蟹膏食啦！

🔎「大瓦房」醬油蟹詳細介紹

花蟹堂_(화해당)

• 地址：서울 영등포구 국회대로62길 15 광복회관
• 營業時間：星期二至六 11:00 - 21:00（Break Time 15:00 - 17:00）
• 前往方法：國會議事堂站（국회의사당역）6號出口行6分鐘

另一間最多香港人去嘅醬油蟹專門店就係位於汝矣島嘅「花蟹堂」啦！

화해당

呢度價位雖然唔低，不過勝在醬油蟹夠高質超鮮甜，而且仲有超多配菜，好味得嚟夠飽肚。雖然呢度唔單止係外國人，連韓國人自己都會提早book枱預約，如果唔係就有可能食唔到！

瑞山醬油蟹_{(서산간장게장)}

• 地址：서울 동대문구 장한로24길 7
• 營業時間：24小時
• 前往方法：長漢坪站（장한평역）3號出口搭巴士

「瑞山醬油蟹」係一間有超過30年歷史嘅醬油蟹專門店，上過好多韓國電視節目，小編每次睇都流曬口水！鋪頭出面有一個放滿新鮮花蟹嘅魚缸，全部睇落都好大隻同新鮮！

鋪頭入面有好多張枱，非常闊落！聽老闆講每日食飯時間呢度全部都會坐滿人，睇嚟真係超受本地人歡迎！入口有一個洗手盆，俾大家可以食飯前後都可以洗手，咁就唔怕食完之後成手都係醬油蟹味，非常貼心~

中size嘅醬油蟹Set包3隻醬油蟹、蟹膏拌飯、大醬湯等等，而且每隻蟹都勁多蟹膏，睇落勁新鮮，非常超值！呢度嘅醬油蟹完全唔會腥，而且亦都唔會太鹹，一咬落去鮮甜嘅蟹肉就會咇曬出嚟，超正！

🔎「瑞山醬油蟹」詳細介紹

順美家幸福醬蟹_{(순미네 행복게장)}

• 地址：서울 중구 을지로43길 38 3F
• 營業時間：10:30 - 22:00
• 前往方法：東大門歷史文化公園站（동대문역사문화공원역）14號出口行3分鐘

「順美家幸福醬蟹」係一間位於東大門嘅醬油蟹放題餐廳，只需要₩30,000就可以無限任食醬油蟹同辣醬蟹，想平平地食到質素夠高嘅醬油蟹建議大家可以嚟呢度！

雖然 「順美家幸福醬蟹」嘅醬油蟹蟹膏比較少，不過呢度嘅醬油係用藥材同各種蔬菜水果釀造而成，而且非常新鮮同衛生！如果大家人喺東大門，又突然想食醬油蟹嘅話，呢間餐廳相信會係大家嘅首選！

🔎東大門美食總整理

弘益醬蟹_{(홍익게장)}

• 地址：서울 마포구 월드컵북로 59
• 營業時間：11:30 - 21:30（Break Time 15:50 - 17:00）
• 前往方法：弘大入口站（홍대입구역）1號出口行13分鐘

位於弘大嘅「弘益醬蟹」係一間醬油蟹無限任食餐廳，因為CP值夠高，所以小編當時平日中午時間去，鋪頭入面已經有好多人！

小編揀嘅Set入面包醬油蟹、醬油蝦，跟餐仲有花蟹湯、紫米飯、蟹籽、小菜、韓式蒸蛋同泡菜煎餅，絕對食得飽！大家可以好似韓國人咁，將紫米飯放落蟹蓋之後，同蟹膏、醬油撈埋一齊，大大啖咁食佢落肚，鮮甜嘅蟹膏味，真係令人食到番尋味。

呢度嘅醬油蝦都唔錯，雖然唔係話好特別，不過都好鮮甜，加埋飯同蟹籽，用紫菜包住一齊食就perfect啦！如果大家追求嘅係大件夾抵食，或者想用比較平嘅價錢食到醬油蟹，小編推薦大家嚟弘大「弘益醬蟹」~

🔎「弘益醬蟹」詳細介紹

阿峴洞醬油蟹_{(아현동간장게장)}

• 地址：서울 마포구 굴레방로 13
• 營業時間：星期一至六 10:00 - 20:30（Break Time 14:00 - 17:00）
• 注意事項：每人最少要叫一份
• 前往方法：阿峴站（아현역）3號出口行4分鐘

「阿峴洞醬油蟹」位於梨大附近，Break Time去到17:00，小編早咗10分鐘到都已經見到有人等開門，晚市一開始唔夠20分鐘就已經坐滿曬人！

INSTAGRAM @AH_GEJANG

因為好多外國遊客都會嚟呢度食醬油蟹，所以餐廳亦都有準備中文、英文、日文同泰文嘅餐牌，唔需要擔心睇唔明。

「阿峴洞醬油蟹」嘅每隻醬油蟹都有經專人親手處理過，唔會腥，亦都好容易就可以吮到啲蟹肉出嚟，包保你可以食曬所有蟹肉！將飯放落超多蟹膏嘅蟹蓋，加多少少醬油撈勻食，真係超鮮甜！

高喜來_(고시레)

• 地址：서울 중구 명동9길 21
• 營業時間：11:00 - 23:55
• 前往方法：乙支路入口站（을지로입구역）5號出口行4分鐘

「高喜來」係一間位於明洞嘅炭火燒肉專門店，有好多韓國人都會慕名而來，嚟食呢度嘅醬油蟹同醬醃牛排骨。

2人Set包2隻醬油蟹同醬醃牛排骨，仲有每人一碟撈咗醬汁嘅生菜同4款小菜。老闆話醃牛排骨嘅醬料係呢度嘅獨家配方，牛排骨肉雖然好厚，但完全唔會覺得韌，甜甜地嘅調味醬料亦都好惹味，加埋肉汁真係一流~

而醬油蟹都非常出色！將醬油蟹同事先提供嘅麻油、紫菜同飯撈勻，鮮甜蟹肉、惹味醬汁、鹹香嘅紫菜真係好夾！大家亦都可以留一兩嚿就咁食，咁就可以食到醬油蟹嘅原汁原味啦！

🔎明洞「高喜來」詳細介紹

韓女士醬油蟹_{(한여사간장게장)}

• 地址：서울 서초구 서초대로46길 9
• 營業時間：12:00 - 21:00（Break Time 14:30 - 17:00）
• 前往方法：瑞草站（서초역）1號出口行2分鐘

네이버 지도

最近最hit嘅首爾醬油蟹專門店，相信就係位於江南瑞草嘅呢間「韓女士醬油螃蟹」啦！金黃色嘅蟹膏真係睇到人流曬口水！（餐廳亦都有賣其他蒸煮類嘅海鮮~）

서울에서 뭐 하지?

呢度嘅醬油蟹真係啖啖肉，輕輕一咬就可以食到超鮮甜蟹肉同蟹膏，唔怪得咁多KOL都推薦！

碧梧桐家_{(벽오동가)}

• 地址：서울 종로구 율곡로3길 74-10
• 營業時間：11:30 - 17:00（逢星期二休息）
• 前往方法：安國站（안국역）1號出口行7分鐘

「碧梧桐家」位於三清洞，沿用傳統韓屋建築風格，行入去就好似去咗某個韓國小鄉村玩咁，氣氛好好。

醬油蟹味道好濃郁，大家可以見到真係啖啖肉，夠新鮮，而且蟹膏完全令人無法抗拒，真係可以食到幾碗飯，醬料更加完全冇用任何味精！跟餐亦都有好多小菜，CP值夠曬高！

🔎「碧梧桐家」詳細介紹

烏達里家_{(오다리집 명동)}

• 地址：서울 중구 명동8나길 28 2F
• 營業時間：10:00 - 23:00
• 前往方法：明洞站（명동역）5號出口行3分鐘

「烏達里家」係一間出名食醬油蟹同醬油蝦嘅餐廳，有好多韓國明星都有幫襯過，喺江南都有分店！不過呢度缺點係因為唔多位，所以好快就會坐滿，需要排隊等。呢間餐廳喺江南都有分店

呢度嘅醬油蟹鮮甜得嚟鹹鹹地，超啱送飯！而且只要叫醬油蟹，跟餐仲會送泡菜湯、紫菜、煎蛋同各種小菜~

🔎明洞美食總整理

元祖馬山小鬍子_{(원조마산콧털네아구찜)}

• 地址：서울 서초구 신반포로47길 118 A동
• 營業時間：00:00 - 24:00
• 前往方法：新沙站（신사역）4號出口行3分鐘

「元祖馬山小鬍子」位於江南新沙附近，曾經上過唔少韓國節目，味道有保證！除咗醬油蟹，仲有各種海鮮料理，特別係花蟹類嘅嘢食都出名！

每隻蟹都超飽滿又多膏，真係令人睇到流曬口水！

🔎「元祖馬山小鬍子」詳細介紹

世宗醬油蟹_{(세종 간장게장)}

• 地址：서울 중구 퇴계로 145
• 營業時間：07:00 - 21:30（Break Time 15:00 - 17:00）
• 前往方法：明洞站（명동역）10號出口行1分鐘

「世宗醬油蟹」係明洞其中一間好受外國人歡迎嘅餐廳，一入到去就見到牆上面貼滿客人嘅留言同幾位日本明星嘅簽名，仲有超nice嘅老闆幫大家準備嘢食~

雖然價錢唔算平，不過全部嘢食都好高質！大家有機會嚟明洞，或者住宿就喺明洞嘅話，不妨可以嚟「世宗醬油蟹」享受韓式美食！去之前記住要download埋我哋嘅coupon，免費攞1罐飲品！

🔎「世宗醬油蟹」詳細介紹

咸草醬蟹_{(함초간장게장)}

• 地址：서울 중구 명동8가길 27 B1F
• 營業時間：11:30 - 22:00
• 前往方法：明洞站（명동역）8號出口行2分鐘

「咸草醬蟹」係一間醬油蟹老字號，呢度嘅醬油蟹係用鹹草醬油醃製而成，同出面嘅醬油蟹好唔同，每日都吸引唔少韓國人同遊客嚟食！

每隻醬油蟹都有好多膏！而且平時去食其他醬油蟹，有時候得個蟹身有肉，蟹腳會好削，但「咸草醬蟹」每隻蟹腳入面蟹肉都好飽滿！

🔎「咸草醬蟹」詳細介紹

以上就係小編精挑細選出嘅2024首爾醬油蟹推薦餐廳，大家plan行程嘅時候可以參考呢篇blog！如果有需要，無論係頭先介紹嘅餐廳，定有其他想去嘅餐廳，都可以撳呢度搵我哋幫手訂枱，咁就可以盡情享受韓國美食啦！

如果有更多想知嘅內容，都可以隨時留言或者dm話俾我哋知：）

Instagram：creatrip.hk

Facebook：Creatrip 帶你認識韓國每一面

韓國代購