Hello，大家好，我哋係由韓國人每日提供最新韓國旅行資訊嘅Creatrip。

醬油蟹又被叫做白飯小偷，好多外國人嚟韓國都想試食！今日小編就諗住介紹一間上過好多電視節目嘅醬油蟹餐廳俾大家，連MAMAMOO華莎都食到lamlam脷！

東大門「瑞山醬油蟹」資訊

• 地址：서울 동대문구 장한로24길 7
• 營業時間：24小時
• 可預約時間：24小時

東大門「瑞山醬油蟹」推薦理由

• 呢度嘅醬油蟹用新鮮西海花蟹同秘製醬油醃製而成，勁鮮甜！
• 每隻蟹都超多蟹膏，而且蟹肉彈牙、鮮味濃郁，令人一試愛上。
• 醬油蟹肉再加埋蛋黃撈飯食真係冇得輸！
• 整體調味唔會太鹹，無論男女老少都啱食。
• 24小時營業，想幾時食都得！
• 事先預約嘅話可以一到就即刻有得食！

東大門「瑞山醬油蟹」價錢

東大門「瑞山醬油蟹」退款政策

東大門「瑞山醬油蟹」注意事項

• 請最少喺3日前完成預約。
• 如希望加購其他餐點，請喺現場支付所需金額。
• 預約時請確保已選擇正確日期及時間。
• 「瑞山醬油蟹」隔離有另一間醬油蟹餐廳，請睇清楚鋪頭名。
• 如果對蟹敏感，建議唔好預約。
• 食醬油蟹嘅時候需要搣走蟹鰓同嘴。
• 花蟹蟹殼堅硬，食嘅時候需要小心。
• 如果想更改預約，或者有任何問題，請send email到help@creatrip.com查詢。

東大門「瑞山醬油蟹」預約流程

東大門「瑞山醬油蟹」介紹

今日小編嚟到韓國超出名嘅「瑞山醬油蟹」！呢間醬油蟹專門店上過好多韓國電視節目，小編每次睇都流曬口水！

오분순삭

特別係見到MAMAMOO華莎食得咁滋味，真係令小編勁期待！

鋪頭出面有一個放滿新鮮花蟹嘅魚缸，全部睇落都好大隻！

「瑞山醬油蟹」已經有超過30年歷史，可以屹立咁多年，相信佢哋嘅食物質素一定有保證！

入口有一個洗手盆，俾大家可以食飯前後都可以洗手，咁就唔怕食完之後成手都係醬油蟹味，非常貼心~

鋪頭入面有好多張枱，非常闊落！聽老闆講每日食飯時間呢度全部都會坐滿人，睇嚟真係超受本地人歡迎！

再行入少少仲會有幾張大枱，大家想同一大班friend食飯都冇問題！

廚房都好乾淨企理，完全唔需要擔心有任何衛生問題。

今日嘅主角醬油蟹終於登場啦！真係每隻蟹都勁多蟹膏，睇落勁新鮮，終於知道點解呢度會咁出名啦！

「瑞山醬油蟹」嘅醬油蟹完全唔會腥，而且亦都唔會太鹹，一咬落去鮮甜嘅蟹肉就會咇曬出嚟，超正！

Set Menu仲包一個蟹膏拌飯同大醬湯，非常超值！而且味道都非常唔錯，大家記住要食到一粒飯一嚿蟹肉都唔好剩啊！

「瑞山醬油蟹」另一個有優點係有好多小菜~ 大家可以試勻咁多款傳統韓式小菜，送飯食一流！

呢度亦都可以叫外賣或者打包走，如果有需要可以同職員講。

東大門「瑞山醬油蟹」前往方法

喺長漢坪站（장한평역）3號出口行出嚟。

直行，然後喺左邊巴士站搭2233、2112、2416或者2233號巴士。

喺長安洞三星CHEREVIL（장안동삼성쉐르빌아파트）站落車。

轉入左邊路口。

直行，「瑞山醬油蟹」會喺你嘅左邊。

瑞山醬油蟹 | 撳我預約

 網上付款Q&A

以上係東大門「瑞山醬油蟹」嘅介紹，有任何問題請先詳讀呢篇文章。

如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。

如果有更多想知嘅內容，都可以隨時dm話俾我哋知：）

 Instagram：creatrip.hk

 Facebook：Creatrip 帶你認識韓國每一面

 韓國代購

Mail：help@creatrip.com