景福宮韓服 | Ari韓服
由Personal Colour專家幫你揀最啱你嘅韓服!透過Creatrip預約仲可以享有優惠價!
Hello,大家好,我哋係由韓國人每日提供最新韓國旅行資訊嘅Creatrip。
景福宮附近真係有超多韓服租借鋪頭,有時候都唔知道有咩唔同,但又怕求其揀一間會中伏... 我哋Creatrip為咗幫大家解決呢個煩惱,精挑細選咗好幾間有品質保證之餘又夠抵嘅韓服租借鋪頭,而其中一間就係今日要介紹嘅「Ari韓服」啦!
景福宮「Ari韓服」資訊
- 地址:서울 종로구 자하문로 20 3F
- 營業時間:10:00 - 20:00(逢星期二休息)
- 可預約時間:10:00 - 18:00(逢星期二休息)
- 語言:[星期一至五] 英文、日文,[星期六至日] 中文、英文、日文
景福宮「Ari韓服」推薦原因
- 「Ari韓服」著重於顔色配搭,全部韓服都係自家製,有超過100種高級韓服設計任君選擇!
- 在場有Personal Colour專家,幫你搵出啱你嘅韓服。
- 距離景福宮站只有5分鐘,地理位置方便。
- 著住韓服可以免費入場景福宮,除咗可以體驗韓國文化,仲可以影到一輯靚相!
- 透過Creatrip預約仲可以用優惠價租到高質韓服!
景福宮「Ari韓服」Creatrip獨家優惠
傳統韓服、分叉裙韓服、高級唐衣 | 免費編髮服務、髮飾、手袋、內襯裙、流蘇配飾、鞋、儲物櫃 |
主題韓服 | 免費編髮服務、手袋、內襯裙 |
※免費編髮服務髮型包括公主頭、韓國傳統髮帶編髮及高髻;王妃髮型及女官髮型需要另外俾錢
※免費髮飾包括韓國傳統髮帶、頭箍及髮夾
景福宮「Ari韓服」價錢
選項 | 租借時間 | 價錢 |
主題韓服 | 1.5小時 | ₩19,000 (HKD 55.89) |
2.5小時 | ₩26,000 (HKD 76.48) | |
4小時 | ₩33,000 (HKD 97.07) | |
全日 | ₩50,000 (HKD 147.07) | |
傳統韓服 | 1.5小時 | ₩35,000 (HKD 102.95) |
2.5小時 | ₩40,000 (HKD 117.66) | |
4小時 | ₩45,000 (HKD 132.37) | |
全日 | ₩60,000 (HKD 176.49) | |
分叉裙韓服 [女士專用] (薄紗個人色彩上衣、漸變分叉裙、漸變紗裙/傳統韓服裙) | 1.5小時 | ₩55,000 (HKD 161.78) |
2.5小時 | ₩60,000 (HKD 176.49) | |
4小時 | ₩65,000 (HKD 191.19) | |
全日 | ₩80,000 (HKD 235.32) | |
高級唐衣 [女士專用] (傳統宮廷唐衣、傳統韓服裙、宮廷特別髮型) | 1.5小時 | ₩85,000 (HKD 250.02) |
2.5小時 | ₩90,000 (HKD 264.73) | |
4小時 | ₩95,000 (HKD 279.44) | |
全日 | ₩110,000 (HKD 323.56) |
現場額外加購項目(即場付款)
毛毛披肩、玉戒指 | ₩10,000 |
王妃髮型、女官髮型 | ₩20,000 |
髮簪 (非王妃髮型時) | ₩10,000 |
簇頭里頭飾 (非王妃髮型/女官髮型時) | ₩10,000 |
景福宮「Ari韓服」拍攝服務價錢
選項 | 時間 | 價錢 |
韓服拍攝 | 1小時30分鐘 (1人) | ₩100,000 (HKD 588.29) |
※每加一個人費用為₩100,000。
※會影100張相以上,但只會幫手修5張相。
※如果有4位或以上人士參與拍攝,將會安排2位攝影師。
※韓服需要另外租借。
景福宮「Ari韓服」退款政策
預約後至體驗3日前取消 | 全額退款 |
體驗2日前取消 | 50%退款 |
體驗1日前取消 | 不設退款 |
景福宮「Ari韓服」注意事項
租借韓服
- 請最少喺3日前完成預約。
- 租借韓服時包括:
價錢包括 一般編髮服務、手袋、內襯裙(其他項目根據選項而有所不同) 需另外加購 特別編髮、特別配飾、毛毛披肩 化妝服務 無 攝影服務 有、撳我用優惠價預約 - Ari韓服提供S~XL嘅韓服,2XL以上嘅韓服係限定款,建議提前查詢再去現場睇。
- 如希望加購其他商品,請喺現場支付所需金額。
- 如果去到現場想更換韓服款式,請去到現場補差額(會以正價收)。
- 如果整污糟或者整爛咗,Ari韓服有權要求你賠償清潔費或者全額製作費用。
- Ari韓服唔提供兒童韓服。
- Ari韓服禁止小童出入。
- 女士韓服上身會係半透明透視裝,體驗當日請著白色短袖衫或者打底。
- 預約時請確保已選擇正確日期及時間。
- 租借韓服時唔需要交訂金或者放低任何物品當作擔保。
- 冇得事前決定著邊款韓服,請喺現場即場揀。
- 如果需要現場俾錢,用信用卡付款都唔需要俾附加稅。
- 如果想更改預約,或者有任何問題,請send email到help@creatrip.com查詢。
拍攝服務
- 請最少喺3日前完成預約。
- 如果揀拍攝服務,Ari韓服會先同攝影師聯絡再確認訂單。
- 正本相同基本調色相會喺當日即刻收到,但修圖需要等2至3日。
- 會影100張相以上,但只會幫手修5張相,最後會send大約20張原圖同最終修圖成果去你email。
- 每加一個人費用為₩100,000。
- 如果有4位或以上人士參與拍攝,將會安排2位攝影師。
- 韓服需要另外租借。
- 如果想更改預約,或者有任何問題,請send email到help@creatrip.com查詢。
景福宮「Ari韓服」預約流程
STEP 1. | 撳我預約|租借韓服 撳我預約|拍攝服務 |
STEP 2. | 請填寫所有相關資訊。 |
STEP 3. | 租借韓服預約會即時成立, 拍攝服務預約會喺1至2個工作天成立, 你可以喺體驗3日前更改或取消預約。 |
STEP 4. | 體驗當日請準時到達,向職員出示預約記錄。 |
STEP 5. | 開始體驗! |
景福宮「Ari韓服」參考圖片
主題韓服
主題韓服設計會用比較多繡花同金箔裝飾,設計比高級韓服更加華麗搶眼!
傳統韓服
呢度嘅傳統韓服還原舊時韓國人日常裝扮,色彩鮮艷、剪裁特別!
分叉裙韓服
分叉裙韓服係Ari韓服最受歡迎嘅韓服,色調比較柔和,而且漸變色更加營造一種優雅文靜嘅感覺!如果揀呢款韓服,現場仲會有專家幫你揀最襯你Personal Colour嘅款式添!
高級唐衣
唐衣係朝鮮時代王妃等級嘅女性先可以著嘅衫,Ari韓服嘅唐衣設計華麗,加上精緻嘅金箔裝飾,感覺夠高貴典雅。
景福宮「Ari韓服」介紹
今日小編帶大家嚟到位於景福宮嘅「Ari韓服」!景福宮站3號出口行5分鐘就到,地理位置非常方便~
入口擺滿咗好多韓國傳統鞋,大家可以俾₩5,000租返對嚟著(需要現場俾錢)。
入到去就會見到好多好靚嘅韓服,漸變設計、花花圖案、傳統韓式風格全部都有。小編個人覺得呢度嘅韓服設計同其他鋪頭唔太一樣,幾特別!
入口附近有兩排主題韓服(有金邊、閃粉嘅韓服),而其他全部都屬於係高級韓服(比較典雅嘅韓服)。影相嘅時候比起主題韓服,高級韓服會靚啲,顔色都會比較靚。
化妝枱上面有價錢牌,如果本身預約咗主題韓服,嚟到之後想轉做高級漢服嘅話,就要跟住呢個價錢牌補返個差價啦。
職員會喺化妝枱幫客人Set頭,大家可以叫職員推薦啲啱你嘅飾物俾你~
呢啲髮帶全部都西老闆親手整嘅,顔色又靚又高質。
相信「Ari韓服」最特別之處就係現場會有Personal Colour專家幫大家做個人色彩診斷啦!專家會幫大家揀最啱你嘅顔色,大家就可以參考呢個意見,去揀返件最啱自己嘅韓服!如果嚟到發現職員幫緊其他客人,大家可以一邊等,一邊睇咗韓服款式先。
「Ari韓服」嘅主力商品係高級韓服,配埋右後方嘅內襯紗裙會令韓服睇落更豐盈有氣質!(需要額外俾錢)
因為呢度嘅韓服全部都係自家製,所以顔色同設計都非常特別!
大家著完衫之後就可以出嚟揀袋(免費提供)。
比較可惜嘅係男士韓服只有一排,不過顔色選擇都多,如果係同另一半一齊嚟嘅話,都可以襯返套情侶裝~
行入少少會係儲物櫃同整假髮髻嘅地方。
呢部衣車就係老闆用嚟整韓服同髮帶嘅工具啦!
更衣室需要上半層,總共有5格,空間非常鬆動。
主題韓服
高級韓服
「Ari韓服」嘅Personal Colour服務令大家可以揀到最啱自己嘅韓服,自然影相都靚啲!另外因為「Ari韓服」冇提供兒童韓服,所以亦都唔會有小朋友在場,職員就自然會有多啲時間去照顧每一位客人~ 有興趣就記住撳下面條link預約啦!
景福宮「Ari韓服」前往方法
喺景福宮站(경복궁역)3號出口行出嚟。
向出口反方向直行。
向前行大約180米就會見到有棟外牆係紅色嘅大廈。
呢個就係「Ari韓服」嘅招牌啦!
行入大廈。
上3樓就到「Ari韓服」啦!
另外如果有任何疑問都可以直接用Whastsapp或Line搵佢哋。
以上係景福宮「Ari韓服」嘅介紹,有任何問題請先詳讀呢篇文章。
如果睇完之後有任何疑問,或者我哋語言、標示唔清嘅話,麻煩請send email告知,以方便我哋改進。
如果有更多想知嘅內容,都可以隨時dm話俾我哋知:)
Instagram:creatrip.hk
Mail:help@creatrip.com