代訂 | 草泥馬樂園 + 南怡島一日遊
一家大細嚟韓國旅行有咩做？不如去同草泥馬玩啦！
Hello，大家好，我哋係由韓國人每日提供最新韓國旅行資訊嘅Creatrip。
相信大家有時候都會想離開石屎森林、親親大自然！今次為大家準備嘅呢個行程將會帶大家去同草泥馬玩，仲會去埋韓國必去景點之一「南怡島」，無論係最近plan住一家大細嚟韓國玩，定係鍾意動物嘅你，都絕對唔可以錯過！
「草泥馬樂園 + 南怡島一日遊」資訊
- 開團日子：逢星期六、日
- 行程時間：07:00 - 19:50
「草泥馬樂園 + 南怡島一日遊」推薦理由
- 可以近距離睇草泥馬，仲可以餵佢哋食嘢，重拾童心！
- 南怡島係韓國其中一個一年四季都非常受韓國人同遊客歡迎嘅觀光勝地，風景超靚！
- 每個景點都會停留一段長時間，唔似其他行程咁需要趕頭趕命，可以慢慢玩，享受悠閒！
「草泥馬樂園 + 南怡島一日遊」價錢
| 成人（13歲或以上） | ₩92,400 （92400） |
| 小童（3~12歲） | ₩88,704 （88704） |
※本頁面所標示嘅價錢以韓幣為準，港幣幣值會因應即時匯率而浮動。
「草泥馬樂園 + 南怡島一日遊」退款政策
| 預約後至出發2日前取消 | 全額退款 |
| 出發1日前或其後取消 | 不設退款 |
「草泥馬樂園 + 南怡島一日遊」行程表
07:00 | 弘大入口站4號出口集合 |
07:30 | 南山藝場巴士換乘停車場集合 |
| 07:40 | 東大門歷史文化公園站10號出口集合 |
| 10:00 | 到達草泥馬樂園 |
| 12:00 | 前往南怡島 |
| 13:00 | 到達南怡島 |
| 17:00 | 返回首爾 |
| 19:00 | 到達東大門歷史文化公園站 |
| 19:10 | 到達明洞樂天百貨公司 |
| 19:50 | 到達弘大入口站 |
「草泥馬樂園 + 南怡島一日遊」注意事項
- 請最少喺2日前完成預約。
- 價錢包括來回交通費用、中/英導遊服務、所有入場費用。
- 價錢唔包括餐飲費用、旅遊保險同個人開支。
- 行程可能會因交通狀況及景點狀況而有所變動。
- 落雨或者落雪會照常出發，不過如遇上惡劣天氣，行程將會改期或取消，屆時將會進行退款。
- 36個月以下幼兒免費，不過唔會額外提供座位。
- 如果會帶輪椅或BB車，請提前send email到help@creatrip.com話俾我哋知。
- 如果有任何疑問，請send email到help@creatrip.com。
「草泥馬樂園 + 南怡島一日遊」預約流程
| STEP 1. | 撳我預約 |
| STEP 2. | 請詳細輸入所有相關資訊， 我哋會喺1-2個工作天內確認預約。 |
| STEP 3. | 請提前10分鐘到達出發地點。 07:00 弘大入口站4號出口
 07:40 東大門歷史文化公園站10號出口  |
| STEP 4. | 出發 |
「草泥馬樂園 + 南怡島一日遊」介紹
南怡島
位於北漢江中央嘅「南怡島」，係江原道最有代表性嘅觀光景點。呢度更加係《冬季戀歌》嘅拍攝場地，吸引好多遊客嚟影相打卡。大家可以喺南怡島得到一本屬於自己嘅“假”護照，好似真係去咗另一個國家玩咁。呢度更加會不定時舉辦表演同活動，除咗睇景仲可以玩，無論幾時去都可以充分感受到南怡島嘅魅力。
草泥馬樂園
位於江原道洪川嘅「草泥馬樂園」係全韓國第一個，亦係最大嘅草泥馬動物園，佔地接近370,000平方米，呢度嘅草泥馬都係喺自由嘅大自然生活！有研究顯示，同動物玩可以解壓之餘，仲可以令人心境變得平靜，加上四周圍超靚嘅大自然景色，嚟到呢度真係可以遠離都市，盡情放鬆！
以上係「草泥馬樂園 + 南怡島一日遊」嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com