明洞美食 | 小雞紫菜飯捲
韓國傳統街頭小食居然變到咁可愛？帶你去明洞食紫菜飯捲！
Hello，大家好，我哋係由韓國人每日提供最新韓國旅行資訊嘅Creatrip。
講起韓國，唔知道大家第一樣諗起嘅嘢食會係咩呢？小編會即刻諗起辣炒年糕同佢嘅靈魂配搭——紫菜飯捲！其實韓國有好多款紫菜飯捲，而今日要介紹俾大家嘅呢間「小雞紫菜飯捲」賣嘅係韓國人兒時回憶之一嘅迷你紫菜飯捲！
Creatrip Solo Foodie Pass
為咗咁多位獨遊韓國嘅朋友們都可以盡情享受韓國美食，我哋今次同超過10間餐廳合作，為大家帶嚟各種獨家優惠！由全單折扣到免費餐點應有盡有，就算係自己一個嚟韓國玩都可以食得盡興！入面仲包咗一份獨家「韓國一人餐廳地圖」，得買咗優惠券嘅朋友們先可以睇到，仲會不定期更新！
趁開賣做緊早鳥優惠，快啲用優惠價買返套用啦！（小雞紫菜飯捲都有優惠㗎！）
Solo Foodie Pass | ₩5,000 （5000） |
※本頁面所標示嘅價錢以韓幣為準，港幣幣值會因應即時匯率而浮動。
明洞「小雞紫菜飯捲」資訊
- 地址：서울 중구 명동10길 19-3 B1F
- 營業時間：08:00 - 21:00
- 可預約時間：09:00 - 20:00
- 語言：韓文、中文、英文、日文
明洞「小雞紫菜飯捲」推薦理由
- 每日新鮮製造，食得安心又放心。
- 有11款迷你紫菜飯捲同腐皮壽司，超多選擇！
- 所有迷你紫菜飯捲口味都經過長時間研究，款款都一樣咁好味。
- 成間鋪頭裝修非常的骰可愛，影相打卡一流！
- 位於明洞中心，食完仲可以四周圍行吓。
明洞「小雞紫菜飯捲」價錢
選項 | 價錢 | 簡介 |
SET A（2人）  | ₩17,900 | 小雞紫菜飯捲x2、濟州炸豬扒紫菜飯捲x2、吞拿魚沙律腐皮壽司x1、炭火烤牛肉腐皮壽司x1、懷舊辣炒年糕x1、甜辣炸雞（杯裝）x1、飲品x1 |
SET B（3-4人）
| ₩28,000 | 小雞紫菜飯捲x1、濟州炸豬扒紫菜飯捲x1、炭燒牛肉腐皮紫菜飯捲x1、火腿蛋紫菜飯捲x1、吞拿魚沙律腐皮壽司x1、明太子沙律腐皮壽司x1、炭火烤牛肉腐皮壽司x1、鰻魚腐皮壽司x1、懷舊辣炒年糕x1、甜辣炸雞（大）x1、釜山魚糕串x1 |
便當1
| ₩6,900 | 小雞紫菜飯捲x4、吞拿魚沙律腐皮壽司x1、炭火烤牛肉腐皮壽司x1 |
便當2
| ₩9,900 | 小雞紫菜飯捲x1、辣炒泡菜紫菜飯捲x1、火腿蛋紫菜飯捲x1、炭燒牛肉腐皮紫菜飯捲x1、吞拿魚沙律腐皮壽司x1、炭火烤牛肉腐皮壽司x1 |
明洞「小雞紫菜飯捲」退款政策
預約後至到訪3日前取消 | 全額退款 |
到訪2日前取消 | 不設退款 |
明洞「小雞紫菜飯捲」注意事項
- 請最少喺3日前完成預約。
- 如希望加購其他餐點，請喺現場支付所需金額。
- 預約時請確保已選擇正確日期及時間。
- 遲到超過10分鐘預約會自動取消，請準時到達。
- 嚴禁攜帶及進食外來食物。
- 如果想更改預約，或者有任何問題，請send email到help@creatrip.com查詢。
明洞「小雞紫菜飯捲」
STEP 1. | |
STEP 2. | 請填寫所有相關資訊，我哋會喺1-2個工作天內確認預約。 |
STEP 3. | 當日請準時到達，向職員出示預約記錄。 |
STEP 4. | Enjoy！ |
明洞「小雞紫菜飯捲」介紹
今日小編嚟到位於明洞嘅「小雞紫菜飯捲」！
喺門口就可以見到呢隻勁得意嘅雞仔~
餐廳位於B1，大家落樓梯嘅時候記住要小心！
牆邊亦都裝飾得好可愛，四周圍都可以見到雞仔裝飾品~
餐廳裝修以白色同黃色做主調，就好似蛋黃同蛋白咁，同餐廳名好襯！
小編去嘅時候都幾多人，大部份都係附近嘅打工仔，仲唔少日本遊客！
如果需要碟仔同較剪，大家可以喺自助吧攞，水都係喺呢度斟。
每張枱都會餐具盒同紙巾，連紙巾盒都係黃色雞仔樣，真係好cute~
Counter隔離放滿已經整好嘅紫菜飯捲同腐皮壽司，睇落好吸引！聽講呢度嘅飯經過長時間研究而成，唔知會有幾好食呢？
隔離仲可以見到有魚糕同辣炒年糕，叫嘢食嘅時候一直聞到超香~
Counter上面會有韓文餐牌，如果唔識韓文都唔緊要，牆上面有英文Menu！如果想睇中文/日文餐牌都可以問職員攞~ 一場嚟到當然要試盡咁多款嘢食啦，小編最後揀咗SET B。
金峻鉉之前都有喺節目介紹過「小雞紫菜飯捲」，呢個韓國搞笑藝人出名係美食家，令小編好期待！
Counter隔離有個退還架，大家食完之後記住要將餐盤放喺呢度之後先好走啊！
收據上面會有個號碼，大家叫完嘢食就可以喺位坐低等叫number。到你嘅時候，將收據交俾職員之後就可以拎嘢食啦！
SET B ₩28,000
SET B份量好大，唔單止有紫菜飯捲，仲有腐皮壽司、辣炒年糕、甜辣炸雞同魚糕串，夠3-4個人食！
相機食先嘅朋友們仲可以攞呢度嘅吉祥物公仔影返幾張相，小編個人覺得隻公仔好得意XD
懷舊辣炒年糕
小編嘅韓國朋友話呢款辣炒年糕味道同以前細個喺學校門口食嘅辣炒年糕好似，甜甜辣辣，連唔係好食得辣嘅朋友們都會鍾意！
釜山魚糕串
覺得太dry想飲嘢嘅時候，呢碗魚糕湯真係一流！
小雞紫菜飯捲、濟州炸豬扒紫菜飯捲、火腿蛋紫菜飯捲、炭燒牛肉腐皮紫菜飯捲
火腿蛋紫菜飯捲係用火腿、蛋同芝士包住各種蔬菜，非常健康！
炭燒牛肉腐皮紫菜飯捲出面層腐皮有用火炙燒過，所以炭香味好濃！
濟州炸豬扒紫菜飯捲入面嚿炸豬扒比想像中大嚿，同紫菜飯捲都好夾！
吞拿魚沙律腐皮壽司、明太子沙律腐皮壽司、炭火烤牛肉腐皮壽司、鰻魚腐皮壽司
鰻魚腐皮壽司同炭火烤牛肉腐皮壽司男女老少都鍾意，因為鰻魚同牛肉本身都超入味！
吞拿魚沙律腐皮壽司就唔需要多講啦，最經典嘅口味永遠都唔會輸！
甜辣炸雞（大）
炸雞醬汁夠多，甜甜辣辣夠惹味！
食完之後將餐盤放好，就可以起程去下一個地方啦！
想食到地道韓式小食同紫菜飯捲，小編推薦大家嚟「小雞紫菜飯捲」，外賣帶走都得㗎！
明洞「小雞紫菜飯捲」前往方法
喺明洞站（명동역）8號出口行出嚟。
直行，然後喺第一個路口轉左。
直行到第3個路口，然後轉右。
轉入巷仔之後就會見到「小雞紫菜飯捲」嘅招牌。
咁就去到「小雞紫菜飯捲」啦！
以上係明洞「小雞紫菜飯捲」嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com