明洞按摩 | SHILLA Esthetic
原來明洞就有一間專門按摩美容院！透過Creatrip預約仲可以享有優惠價！
Hello，大家好，我哋係由韓國人每日提供最新韓國旅行資訊嘅Creatrip。
無論飲食幾定時，亦都有定期做運動，點解皮膚都好似冇變好？如果你都有一樣嘅煩惱，就要睇今日呢篇blog啦！今日小編要介紹嘅係位於明洞嘅 「SHILLA Esthetic」美容院，呢度有提供韓式臉部經絡按摩、收縮毛孔療程、美白療程等等嘅服務，令你可以享受超舒服按摩嘅同時達至美容效果！
明洞 「SHILLA Esthetic」資訊
- 地址：서울 중구 명동8가길 52 2F
- 營業時間：10:00 - 22:00
- 可預約時間：10:00 - 21:00
- 語言：韓文、日文
明洞 「SHILLA Esthetic」推薦理由
- 「SHILLA Esthetic」嘅獨家療程「SHILLA Care」可以幫你由頭到腳放鬆同消除疲勞！
- 呢度要預約先可以進行體驗，而且有獨立療程室，安心又放心。
- 位於明洞站附近，做完療程充滿電之後可以即刻去shopping！
- 透過我哋預約更加可以享有優惠價，以最抵價錢享受優質服務。
明洞 「SHILLA Esthetic」價錢
| 選項 | 價錢 | 療程內容 | |
| 臉部護理 | 基本護膚療程 （1小時） |
| 足浴 → 頭皮按摩 → 面部清潔 → 面部深層清潔 → 身體按摩（背肩胛骨、上胸部）→ 副乳按摩 → 頸部淋巴按摩 → 面部護膚 → 舒緩鎮靜面膜 → 配合肌膚類型面膜 → 最終收尾步驟 |
| 毛孔&美白療程 （1.5小時） |
| 足浴 → 15分鐘後背按摩（頸部、斜方肌、肩胛骨）→ 頭皮按摩 → 面部清潔 → 面部去角質 → 副乳按摩 → 臉部拉提按摩 → 頸部淋巴按摩 → 維他命C精華 →維他命面膜 → LED光療 → 最終收尾步驟 | |
| 抗衰老療程 （1.5小時） |
| 足浴 → 15分鐘有機香薰精油按摩（頸部、斜方肌、肩胛骨）→ 頭皮按摩 → 面部清潔 → Aqua Peel毛孔管理療程 → 副乳按摩 → 韓式臉部經絡按摩 → 頸部淋巴按摩 → 蜂膠精華（加強肌膚屏障）→ 德國製100%膠原蛋白面膜 → LED光療 → 最終收尾步驟 | |
| 全身護理 | SHILLA Care療程 （2.5小時） |
| 足浴 → 後背按摩 → 石療 → 提臀按摩 → 後腿按摩 → 腳底按摩 → 腳部去角質 → 臉部按摩 → 臉部超聲波療程（提升肌膚彈性及緊緻度）→ 配合肌膚類型面膜 → 腹部按摩 → 溫熱石膏面膜 → 瘦腿按摩 → 腳底按摩 → 最終收尾步驟 |
| 淋巴管理療程 [包含臉部] （1.5小時） |
| 足浴 → 全身淋巴管理按摩 → 臉部淋巴管理按摩 → 瘦腿按摩 → 頭皮按摩 → 最終收尾步驟 | |
| 舒緩香薰石療 [唔包含臉部] （1.5小時） | ₩160,000 （HKD 938.88） | 足浴 → 全身有機香薰精油按摩 → 石療 → 腿部按摩 → 腳底按摩 → 頭皮按摩 → 最終收尾步驟 |
明洞 「SHILLA Esthetic」退款政策
| 預約後至體驗3日前取消 | 全額退款 |
| 體驗2日前取消 | 不設退款 |
明洞 「SHILLA Esthetic」注意事項
- 請最少喺體驗2日前完成預約。
- 如希望加購療程，請喺現場支付所需金額。
- 預約時請確保已選擇正確日期及時間。
- 同時段最多可以有6個人預約。
- 如果想更改預約或有任何疑問，請send email到help@creatrip.com查詢。
明洞 「SHILLA Esthetic」預約流程
| STEP 1. | 撳我預約 |
| STEP 2. | 請輸入所有相關資訊。 |
| STEP 3. | 我哋會喺2個工作天內確認預約。 你只可以喺體驗3日前更改或取消預約。 |
STEP 4. | 請務必準時到達， 到達之後向職員出示預約資訊。 （遲到10分鐘或以上預約會自動被取消） |
| STEP 5. | 享受按摩療程！ |
明洞 「SHILLA Esthetic」介紹
今日小編嚟到位於明洞嘅「SHILLA Esthetic」！呢度嘅院長持有美容師執照，亦都有超過12年經驗，旗下所有療程師全部都有經過專業訓練，提供優質按摩同美容服務，更加有日本職員在場幫手。跟住小編一齊去睇吓啦！
有好多日本KOL同明星都有嚟過「SHILLA Esthetic」做treatment同按摩，有曬信心保證！
鋪頭中間有化妝台同工具俾客人可以用，非常貼心。
「SHILLA Esthetic」被選定為2022韓國KCIA消費者產業美容部門優秀機構，隔離仲有院長嘅美容師執照，有曬信心保證！
價錢牌有齊中文、英文同日文，唔洗怕睇唔明！而且仲有日本人職員在場，所以有好多日本遊客會嚟呢度按摩~
成間鋪頭都非常整潔，仲可以睇到有各種美容儀器。
呢度係多人房，每張床之間都有塊簾，私隱度高！呢度提供嘅被都夠厚同軟熟，真係好舒服~
呢度亦都有單人房，就算係自己去都唔洗擔心會尷尬！
開始之前要先去換衫。
小編今次去做咗個毛孔&美白療程，一開始職員就帶咗小編去足浴室浸腳同按摩。足浴室就喺化妝台隔離，足浴水入面放滿香茅精油，令人身心都得以放鬆~ 仲可以一邊飲住熱茶，一邊浸腳，真係超relax！
做完足浴之後就正式入療程室做treatment啦！療程師首先喺小編背脊搽精油，然後開始按摩頸、斜方肌、肩胛骨等等嘅部位。呢次係小編第一次去按摩，一開頭唔習慣嘅時候覺得好痛，不過之後越按覺得越舒服！
之後療程師就幫小編按摩頭皮，然後做埋面部清潔同副乳按摩。
然後就出動到呢部叫AQUA LAB嘅機器，佢可以做到拉提效果之外，仲可以溶解同吸走毛孔入面嘅老廢角質同污糟嘢，有助消除黑頭同毛囊蟲！小編皮膚本身比較敏感，所以一開始做嘅時候塊面就即刻變紅咗，不過做完之後好快就褪咗紅。一望鏡真係好驚艷，就算喺屋企敷清潔mask都整唔走嘅黑頭都吸走曬！
之後療程師就幫小編搽咗補濕同維他命C精華，因為濃度比較高，所以效果都相對地明顯！
等緊護膚品吸收嘅時候療程師都無浪費時間，幫小編按摩咗膊頭。
亦都有左右兩邊咁轉個頭，拉一拉頸部嘅筋。
抹走多餘嘅精華之後就會用熱毛巾敷一敷後頸同膊頭，暖暖地好舒服。
然後再用超聲波機器將頭先搽嘅精華推至肌膚深層，加快吸收。
跟住仲會做埋提升皮膚彈力同美白效果嘅treatment。
最後敷咗塊面膜，配合埋LED機，令效果加倍之餘仲可以改善毛孔同泛紅問題。
LED光療大約需要20分鐘，呢個時候會同時做埋有助促進血液循環嘅氣壓腿部按摩。好似小編咁第一次做嘅朋友們一開始可能會覺得好緊好唔舒服，不過做完之後真係會覺得放鬆曬！
最後療程師會幫大家搽埋精華、Cream同防曬。
再拉一拉手臂同腿部嘅筋就大功告成啦！
因為鋪頭入面有化妝台，走之前大家可以補返個妝（化妝品要自備）！全個過程大約用咗1個半鐘，做完出嚟淨係用普通相機影都會覺得皮膚好好~ 不過當然啦，呢啲療程要定期去做效果先會更加明顯！但係小編淨係做咗一次都覺得效果比想像中好，而且服務超細心，相當滿意！
「SHILLA Esthetic」除咗有臉部管理療程，仲有腹部、腿部等體型管理療程，所以好多新娘子都會喺婚禮前嚟呢度按摩~ 呢度更加有專為新娘而設嘅療程添！
院長話有好多韓國人喺度做完一次treatment之後就直接做埋會員，定期嚟按摩，小編今次去完完全明白點解！推薦大家可以旅行最後一日嚟舒緩疲勞，為韓國旅程畫下一個完美句號！
明洞 「SHILLA Esthetic」 前往方法
喺明洞站（명동역）10號出口出。
直行。
第一個路口轉左。
繼續直行之後第一個路口轉左。
「SHILLA Esthetic」喺你左手邊第二棟大廈入面。
搭𨋢上2樓就到啦！
以上係明洞「SHILLA Esthetic」嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com