明洞按摩 | Happy Skin
旅行玩到太攰想放鬆身心？明洞站附近專業按摩美容中心幫到你！
Hello，大家好，我哋係由韓國人每日提供最新韓國旅行資訊嘅Creatrip。
都市人壓力大，隨時會搞到身體壞曬，出現慢性疲勞同淋巴阻塞。呢個時候就算做運動都未必work，咁就要去搵按摩專家幫手舒緩症狀啦！ 今日要介紹嘅「Happy Skin」除咗有提供按摩服務，仲有埋美容護膚療程可以揀~ 嚟到韓國旅行不妨搵日嚟呢度relax返吓啦！
明洞「Happy Skin」資訊
- 地址：서울 중구 명동8가길 33 가나빌딩 7F
- 營業時間：平日 10:30 - 22:00、週末 10:00 - 22:30
- 語言：韓文、日文
明洞「Happy Skin」推薦理由
- 院長有超過25年經驗，旗下所有療程師全部都有經過專業訓練，提供超舒服按摩服務。
- 呢度要預約先可以進行體驗，而且有獨立療程室，安心又放心。
- 位於明洞站附近，做完療程充滿電之後可以即刻去shopping！
- 透過我哋預約更加可以享有優惠價，以最抵價錢享受優質服務。
明洞「Happy Skin」價錢
| 選項 | 價錢 | 療程內容 | |
| 臉部護理 | 基本 （60分鐘） | ₩64,000 | 足浴 → 面部清潔 → 面部深層清潔 → 去角質 → 補水面膜 → 身體按摩（背肩胛骨、上胸部）、頸部淋巴按摩 → 面部按摩 → 軟膜 → 最終收尾步驟 |
| 臉部拉提 （80分鐘） | ₩80,000 | 足浴 → 後肩頸香薰按摩 → 肩部指壓 → 面部清潔 → 面部深層清潔 → 去角質 → 蒸汽療程 → 頭皮按摩 → 舒緩鎮靜面膜 → 身體按摩（背肩胛骨、上胸部）、頸部淋巴按摩 → 面部輪廓&拉提按摩 → 石膏面膜 → 最終收尾步驟 | |
| 暗瘡調理療程 （80分鐘） | ₩120,000 | 足浴 → 後肩頸香薰按摩 → 肩部指壓 → 面部清潔 → 面部深層清潔 → 去角質 → 蒸汽療程 → 頭皮按摩 → 美白超聲波療程 → Aqua毛孔療程 → 舒緩鎮靜面膜 → 身體按摩（背肩胛骨、上胸部）、頸部淋巴按摩 → 瘦臉按摩 → 軟膜 → 最終收尾步驟 | |
| 黃金療程 （90分鐘） | ₩240,000 | 足浴 → 後肩頸香薰按摩 → 肩部指壓 → 面部清潔 → 面部深層清潔 → 去角質 → 蒸汽療程 → 頭皮按摩 → 身體按摩（背肩胛骨、上胸部）、頸部淋巴按摩 → 瘦臉按摩 → 24K黃金眼膜 → 24K黃金精華 → 24K黃金軟膜 → 24K黃金精華 → 最終收尾步驟 | |
| 全身護理 | 香薰按摩 （60分鐘） | ₩64,000 | 足浴 → 背部+肩部+腰部香薰按摩 → 指壓 → 骨盆指壓 → 腿後淋巴香薰按摩 → 腳部指壓 → 頭皮指壓 → 最終收尾步驟 |
| 天然黃金香薰按摩 （60分鐘） | ₩80,000 | 足浴 → 背部+肩部+腰部香薰按摩 → 指壓 → 骨盆指壓 → 腿後淋巴香薰按摩 → 腳部指壓 → 頭皮指壓 → 最終收尾步驟 （使用天然黃金香薰精油） |
明洞「Happy Skin」退款政策
| 預約後至體驗3日前取消 | 全額退款 |
| 體驗2日前取消 | 不設退款 |
明洞「Happy Skin」注意事項
- 請最少喺體驗2日前完成預約。
- 如希望加購療程，請喺現場支付所需金額。
- 預約時請確保已選擇正確日期及時間。
- 同時段最多可以有6個人預約。
- 如果想更改預約或有任何疑問，請send email到help@creatrip.com查詢。
明洞「Happy Skin」預約流程
| STEP 1. | 撳我預約 |
| STEP 2. | 請輸入所有相關資訊。 |
| STEP 3. | 我哋會喺2個工作天內確認預約。 |
| STEP 4. | 請務必準時到達， |
| STEP 5. | 享受按摩療程！ |
明洞「Happy Skin」介紹
今日小編嚟到位於明洞嘅「Happy Skin」！呢度嘅院長有超過25年經驗，旗下所有療程師全部都有經過專業訓練，提供優質按摩同美容服務。
鋪頭入面有好多相框同裝飾品，仲有一個火爐型嘅燈，望住都覺得好療癒！
行到鋪頭最入面就會見到足浴室，大家可以睇到有牆隔開，私隱度高！
呢度有兩間諮詢&等候室，坐喺度等一陣之後職員仲會攞杯茶俾你飲，即刻放鬆曬~
明洞「Happy Skin」被選定為2022韓國KCIA消費者產業美容部門優秀機構，有曬信心保證！
呢度亦都有兩間更衣室俾客人換衫。
呢啲全部都係做treatment嘅時候會用到嘅精華。
呢間係3人療程室，雖然空間唔大，不過幾啱同朋友一齊嚟~ 而且燈光都唔會太光太掁眼，成個感覺令人覺得好舒服！
而呢間就係2人療程室，聽職員講有好多情侶都會一齊嚟！
價錢牌有齊中文、英文同日文，唔洗怕睇唔明！而且院長仲識講日文，所以有好多日本遊客會嚟呢度按摩~
院長話有好多韓國人喺度做完一次treatment之後就直接做埋會員，定期嚟按摩，證明效果夠曬好！「Happy Skin」就位於明洞，交通方便，推薦大家可以旅行最後一日嚟舒緩疲勞，為韓國旅程畫下一個完美句號！
明洞「Happy Skin」前往方法
喺明洞站（명동역） 8號出口行出嚟，然後直行。
轉入第一個路口。
直行。
第一個路口轉右。
直行。
你會見到左邊有「Happy Skin」嘅招牌。
行入GANA BUILDING。
搭𨋢上7樓。
咁就去到「Happy Skin」啦！
以上係明洞「Happy Skin」嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com