插班轉入韓國大學
想插班轉入韓國大學可以點做?小編教你需要交咩資料同流程!
Hello,大家好,我哋係由韓國人每日提供最新韓國旅行資訊嘅Creatrip。
有好多人嚟到韓國讀完語學堂之後都想升上大學,不過因為準備資料複雜,好多時都會覺得好徬徨... 為咗大家都可以升到心儀嘅大學,而家就等小編教大家要點做啦!
插班轉入韓國大學
好多人可能喺香港畢完業,或者做咗幾年嘢之後都想繼續讀書而決定出國留學。而韓國都係一個好多人會考慮嘅國家,甚至有啲人可能讀完語學堂會想升讀埋大學。今日小編就以梨花女子大學做例子,教大家點樣申請、需要交咩資料等。(其他學校基本上流程/資料都會差唔多,不過建議大家都係去返學校官網參考返會比較好)
入學時間表
插班生一年有2次入學機會,分別係3月同9月,如果想入學至少要提前6個月做好準備。
以下係申請梨花女子大學2023年9月入學嘅時間表:
程序 | 時間 |
網上入學申請 | 2023.3.3 13:00 - 4.13 17:00 |
提交文件(親自或郵寄) | 2023.3.3 13:00 - 4.18 17:00 |
公佈錄取通知及獎學生 | 2023. 6. 16 之前 |
繳交學費 | 2023. 7 ~ 8月中 詳情將會以email通知 |
頒發標准入學證書 |
*入學申請係由開學5個月前開始,所以建議至少6個月前要準備好文件。
招生科目
韓國各大學網站上面都會列明好哂所有學院招生指南,梨花女子大學可以撳我參考。
報名資格
1. 國籍
只要父母其中一方係外國人都唔可以申請,如果唔係要等父母取消/喪失咗韓國國籍之後先可以申請。
2. 學歷
資格 | ||
插班生 | 插班學期前喺原本就讀嘅4年制大學已讀滿2年(4個學期,唔計Winter/Summer Sem),同時學分需要達到畢業要求嘅1/2或以上(3年制大學就需要有2/3或以上)嘅人士 | ※GED等國內外認證考試、家庭教育、網上課程等學歷都唔會被承認。 |
開學前已獲得專門大學學院專業學士學位之人士 |
※兩個資格只要符合其中一個就可以。
※以下只要其中一項或以上符合就可以:
- TOPIK 4級或以上
- 完成梨花女子大學語學堂正規課程4級或以上人士
- TOEFL(PBT 550、iBT 80), IELTS 6.0 或 新TEPS 326以上人士
- 以韓語或英語完成所有高中或大學教育課程人士
- 被大學認定具有以上水平韓語或英語能力人士
請注意:所有本科新生或轉校生,畢業前必須取得TOPIK 4級以上及英語能力達到指定要求。
招生人數
梨花女子大學最特別之處係唔限制招生人數,所以如果平時努力啲,入學嘅機會就會大增。
報名方法
大學會根據申請者提交嘅文件,綜合評估學術能力、語言能力等方面嚟評估,海外居民如有需要可以透過網上進行面試。
報名費用
報名費用(₩150,000)可以喺網上申請時支付,由申請人自行承擔;而網上入學申請費用就由梨花女子大學承擔。報名完唔可以更改或取消,而且報名費用不設退還,所以喺報名前請考慮清楚。
繳交資料
以下資料係必須繳交,詳細內容請參考梨花女子大學網站。
資料 | 備註 |
入學申請表1份 |
|
入學申請表補充資料及獎學金申請表 1份 |
|
預計畢業證明、成績表【正本】 |
※如果以4年制大學Year 2或以上身份申請,需要提交以下文件:
|
[注意事項]
| |
語言資格證明文件2份 【正本1份,副本1份】 |
|
申請人及父母護照各1份 (國籍證明文件)【副本】 |
|
申請人及父母親屬關係證明文件1份 【正本或公證本】 |
|
注意事項
- 提交完網上入學申請表後,請郵寄或親自提交文件。
- 可以學校官網查看格式,但必須喺完成網上申請後列印並提交。
- 如果唔係韓文/英文文件,需翻譯後再公證。
- 提交嘅申請文件將不設退還。
- 所有文件必須按照文件種類順序提交(請自行參考學校官網)。
- 如果缺少或未喺指定日期提交文件,可能會被排除審查範圍之外。
- 除咗以上列明嘅文件之外,可能仲需要額外提交其他資料。
海外學校學歷證明材料提交指南
韓國以外海外學校獲得嘅各種證明文件,必須喺提交文件期限內完成以下驗證程序後提交。
學術驗證所需文件 | 必須 | |
4年大學制預計讀完Year2或以上 | 大學Year2或以上/在學證明 | 海牙認證或領事認證 |
大學成績表 | ||
中學畢業證書 | ||
預計大學畢業 | 預計大學畢業證書 | |
大學成績表 |
以上就係報名韓國大學轉學流程同所需文件,希望大家可以成功!
參考資料:이화여자대학교 모집요강
以上係「插班轉入韓國大學」嘅介紹,有任何問題請先詳讀呢篇文章。
如果睇完之後有任何問題,或者我哋語意、標示唔清嘅話,麻煩請send email告知,以方便我哋改進 。
如果有更多想知嘅內容,都可以隨時留言或者dm話俾我哋知:)
Instagram:creatrip.hk
Mail:help@creatrip.com