Creatrip韓國旅行專用旅遊保險
覺得坊間旅遊保險太貴太複雜？Creatrip韓國旅行專用旅遊保險以最抵嘅價錢，為你提供最全面嘅保障！
Hello，大家好，我哋係由韓國人每日提供最新韓國旅行資訊嘅Creatrip。
平時plan住去一個國家旅行，除咗機票、住宿同簽證之外，仲需要買旅遊保險。市面上嘅旅遊保險保障範圍雖然夠廣，但係有時候又會覺得好似冇咩用，曬咗一筆錢咁。而且申請理賠亦都要喺海外聯絡香港保險公司，或者返到香港之後專登再整，其實都幾麻煩吓... 我哋Creatrip發現咗呢幾個問題之後，決定聯同韓國保險公司一齊為大家打造一份韓國旅行專用保險，等大家可以用最抵嘅價錢，得到最全面嘅保障！
等陣❗
你入手咗Creatrip優惠券禮品包未呢？
買一套就可以喺全個網站用🎉
你而家準備要預約嘅旅遊保險都有7折優惠！
去韓國旅行一定要買旅遊保險？
好多人認為韓國係一個相對上安全嘅國家，所以嚟韓國玩可能都覺得唔需要特登買旅遊保險。但係唔多發生意外同罪案，比較少出現偷竊事件係唔係就叫做「安全」呢？人始終隨時都會突然病，亦都有可能會遇到食物中毒、交通意外等等嘅突發事故。Touchwood如果真喺外國發生啲咁嘅事，其實我哋都需要有返個保障。
但當大家買旅遊保險嘅時候，可能又會有以下兩個煩惱：
1) 價錢
雖然買保險都係為咗未雨綢繆，買份安心，不過大部分風險嘅發生可能性極低，又係唔係真係值得專登用一筆唔少嘅錢去“保障”自己呢？
2) 索償成功率
如果發生意外之後要索償，通常都要喺外國準備好資料帶返香港申請。但係如果出現資料錯漏問題，又冇辦法專登為咗呢筆賠償重新飛返去，所以好多時都會申請失敗，攞唔到賠償金額。
就係因為咁，我哋就係度諗到底點先可以解決到呢兩個問題。到底可唔可以用一個合理價錢提供到所有韓國旅行必需保障之餘，仲可以一次過幫大家整理好需要嘅資料，喺網上提交完之後，直接喺韓國完成審核同賠償程序呢？
經過一番籌備之後，Creatrip決定同韓國本地保險公司聯手推出一份韓國旅行專用保險！希望大家可以用最少嘅金錢買個保障之餘，亦都可以輕鬆快捷咁喺網上完成所有申請程序，令大家嘅旅程不受阻礙嘅同時可以獲得應有嘅保障！
韓國旅行專用旅遊保險 | 簡介
Creatrip韓國旅行專用旅遊保險係一份「以合理價錢提供韓國旅行必需保障嘅旅遊保險」，由韓國達人Creatrip同韓國專業保險公司攜手打造，令你嘅旅程更加安全有保障！
韓國旅行專用旅遊保險 | 優點
1. 價錢夠合理！
項目 | 最高賠償金額 | 自付費用 | ||
| 住院 | 門診 | |||
| 創傷後遺症 | 1,000萬韓元 | 無 | ||
| 實支實付醫療費用 | 受傷津貼 | 1,000萬韓元 | 10萬韓元 | 20％ |
| 疾病津貼 | 500萬韓元 | 5萬韓元 | 20％ | |
| 受傷津貼（非資助醫療費用） | 1,000萬韓元 | 10萬韓元 | 30％ | |
| 疾病津貼（非資助醫療費用） | 500萬韓元 | 5萬韓元 | 30％ | |
| 燒傷診斷費用 | 10萬韓元 | 無 | ||
| 燒傷手術費用 | 10萬韓元 | 無 | ||
| 骨折診斷費用 （不包括牙齒斷裂） | 30萬韓元 | 無 | ||
| 骨折手術費用 | 30萬韓元 | 無 | ||
| 急症室住院費用（急症） | 1萬韓元 | 無 | ||
| 急症室住院費用（非急症） | 1萬韓元 | 無 | ||
| 五大骨折診斷費用 | 30萬韓元 | 無 | ||
| 五大骨折手術費用 | 50萬韓元 | 無 | ||
| 打石膏費用 | 10萬韓元 | 無 | ||
| 食物中毒住院費用（一日） | 1萬韓元 | 無 | ||
| 交通傷害住院費用（一日） | 1萬韓元 | 無 | ||
| 日常生活中遇重罪案件 | 100萬韓元 | 無 | ||
註1）門診治療（可資助）之自行承擔費用為實際費用的20%或₩10,000~20,000（根據醫院而定）之中較大金額
註2）門診治療（非資助）之自行承擔費用為實際費用的30%或₩30,000之中較大金額
註3）實支實付醫療費用賠償為未加入國民健康保險人士的附加保險費用
Creatrip韓國旅行專用旅遊保險嘅保障範圍經過詳盡分析後策劃而成，所有項目都係韓國旅行必需保障，令大家唔需要曬無必要嘅錢。只需要輸入性別、出生日期同旅行日期，就可以計算出保費，方便你同其他保險公司嘅產品進行比價！而且如果有隨行人士一齊飛，只要加埋佢個名，仲可以一次過俾埋錢！
2. 喺韓國可以完成所有保險理賠程序！
可以直接拎完證明之後喺網上索取賠償，唔需要專登上保險公司或者返自己國家/地區先申請，全部程序都可以喺韓國完成，方便快捷！
3. 完全冇語言、溝通問題！
為咗方便大家準備資料，投保之後我哋會提供一份韓中對照嘅《保險索償文件一覽表》，入面清楚列明你需要準備嘅資料，只要直接交俾醫院辦事處，佢哋就會一次過幫你準備好！
韓國旅行專用旅遊保險 | 詳情
可投保日期：抵達韓國前1日嘅00:00
投保日子：最少1日、最多180日
重點保障範圍
- 旅行途中因各種意外而受傷或留有後遺症時
- 因受傷或疾病而需要支付治療費用時
- 旅行途中因疾病（包括傳染病）而需要支付治療費用時
投保方法
- 輸入性別、出生日期、旅行日期之後可以即時付款投保
- 如果有隨行人士，可以直接加埋佢哋嘅名同資料，一併繳交保費
- 俾完保費之後，我哋就會send投保證明書、條款同產品說明書俾你，以作證明及參考
- 投保之後我哋會透過email提供《保險索償文件一覽表》俾你，入面列明你需要準備嘅資料，直接撳入email入面嘅link上傳資料就可以申請理賠
申請理賠及索償
- 只要喺網上提交資料同文件就可以輕鬆申請理賠
- 我哋會根據你嘅情況send一個所需文件嘅list俾你，只要交俾醫院辦事處就會一次過幫你準備好
- 可以直接用韓國醫院提供嘅資料向韓國保險公司申請理賠，省略繁瑣嘅翻譯同審查步驟，索償程序更簡單方便
⚠️ 注意事項
- 任何微整型/整容/紋身等以美容為目的嘅手術同副作用並唔包括喺本保險保障範圍之內
- 申請理賠時由整形外科、韓醫院及牙科所提供嘅資料恕不可用作證明文件
- 投保及申請理賠時，如個人資料出現任何錯漏，可能會影響索償程序，所以投保嘅時候請再三確認所輸入嘅個人資料是否正確
- 喺出發日前可以申請取消同退款，其後恕不設任何退款
- 所有預約以代表申請人為準，如果代表申請人取消預約，其隨行人士之預約亦都會自動取消
Creatrip隆重推出嘅「韓國旅行專用旅遊保險」旨在用最合理嘅價錢為各位旅客提供最全面有效嘅保障，嚟韓國旅行之前想買旅遊保險嘅朋友們不妨可以參考一吓！
以上係「韓國旅行專用旅遊保險」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com