Hello，大家好，我哋係由韓國人每日提供最新韓國旅行資訊嘅Creatrip。
好多人都可能會好奇嚟韓國讀書1年，成績會去到咩Level。不過呢樣嘢都好因人而異，今日小編會講嘅內容係根據平均情況而整理出嘅，希望可以俾到大家多一個參考。
嚟韓國讀語學堂1年成績會去到咩Level？
學韓文
學語言呢樣從來都唔可以一步登天，每一步都要循序漸進，所以最先學韓文就係要記母音同子音。
不過對於如果學過日文嘅朋友再學韓文，相對嚟講會更加簡單，因為文法基本上差唔多，而且本身都有分敬語同半語，大家應該會更容易記。
另外而家教緊語學堂嘅老師講到，通常要了解韓語概念、文法同發音嘅話至少需要3個月時間，而語學堂每個學期大約2個月左右，所以大家可以諗一個學期就係一個Level。
語學堂1年
正如小編啱啱講到一個學期=1個Level，假設1年讀咗4個學期，簡單啲嚟睇TOPIK大約會考到Level 4。不過呢個都好睇個人努唔努力，就算讀完4級，有啲人可能只會拎到Level 2，如果平時有勤力啲會溫書嘅話，甚至可以拎到Level 5/6都唔出奇！
溝通
考TOPIK除咗係想知自己韓文Level去到邊之外，仲有係為咗升大學。不過就算考得好成績，又係唔係代表聽得明所有韓文呢？當然唔係啦！如果想提高溝通能力，大家可以參考以下方法：
參加會話班
通常上語學堂一日只會上4個鐘，放咗學冇嘢做最好就係參加一啲會話班，因為書本學到嘅同現實講嘅好多時都唔一樣，如果想口語好啲，參加會話班係最好嘅辦法！
參加學會
有時某啲大學可能仲會開放指定學會俾語學堂學生參加，呢個時候就係識韓國朋友嘅好機會！同韓國人傾多啲，口語順得嚟又會地道啲！
參加校內/校外活動
唔少學校都有為留學生提供語言交流Buddy服務，大家可以申請嚟同韓國人練韓文！呢啲活動通常都會以1對1進行，有咩唔明或者想知都可以問對方，一來可以練習口語，二來仲可以識多個朋友。
最近韓國就係好流行用一個叫「somoim」嘅app，你可以set自己興趣/地區之後搵到志趣相同嘅朋友。好多人有時仲會約出嚟去行山、讀書、語言交流等，唔少上班族都好鍾意用呢個app。另外「frip」同「Udong」都係類似嘅app，有興趣嘅朋友可以download嚟睇吓！
最後，因為每個人學習能力都唔一樣，好難以時間去定自己Level去到邊，最緊要係讀書過程開心，千祈唔好有壓力就可以：）
資料來源：건국대학교 언어교육원、연세대학교 국제교류원
以上係「嚟韓國讀語學堂1年成績會去到咩Level？」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
