Hello，大家好，我哋係由韓國人每日提供最新韓國旅行資訊嘅Creatrip。
想出國留學第一樣要做就係決定去邊個國家/地區，就算想學好英文，歐洲國家咁大，就算統一係用英文溝通，但文法/發音都會有唔同。韓國其實都一樣，好多人以為語學堂只得首爾有，但其實釜山都有好幾間，今日就等小編幫大家整理出喺呢兩個城市學嘅話會有咩唔同啦！
喺首爾/釜山讀語學堂差異喺邊？
如果只係睇課程，基本上係冇咩大分別，每間學校語學堂正規課程都係固定10星期，一星期上20個鐘。
| 地區 | 大學 | 學費 |
| 首爾 | 首爾大學（上午班） | 平均 ￦1,944,000 |
| 西江大學（上午班） | ￦1,976,400 | |
| 延世大學 | ￦1,911,600 | |
| 高麗大學 | ￦1,890,000 | |
| 梨花女子大學 | ￦1,890,000 | |
| 韓國外國語大學 | ￦1,782,000 | |
| 釜山 | 釜山大學 | ￦1,512,000 |
| 釜山外語大學 | ￦1,436,400 | |
| 釜山加圖立大學 | ￦1,296,000 | |
| 靈山大學校 | ￦1,382,400 |
※ 未包入學費同書簿費。
※ 已包Creatrip手續費。
只係睇圖表，大家就可以睇得出首爾語學堂平均學費係189萬韓元，而釜山語學堂平均係140萬韓元，足足相差接近50萬韓元！加上釜山留學生相對冇咁多，可以練到韓文嘅機會可能更加多。
首爾同釜山差異
教育
截至2022年，韓國大學排名TOP 20大學中有16間都係喺首都圈，所以唔少韓國中學生準備考大學入學試（類似香港DSE）嘅時候都會以讀首爾嘅大學為目標。
經濟
如果想慳租最好就係住宿舍，但如果抽唔到就要自己去搵屋。首爾房價大約係釜山兩倍，經濟負擔自然就會增加。另外首爾物價都比釜山高，聽講喺首爾地區就讀大學嘅學生，每月平均洗費就要￦600,000。
文化
可能唔少人嚟韓國讀書都係受到Kpop影響，嚟到一定要睇一次演唱會。釜山同首爾一樣有唔少戲劇同音樂劇睇，不過首爾相對可能會多啲選擇。
交流
想快啲學好韓文，識韓國朋友就係最好方法之一！無論係首爾定釜山多啲練口語韓文自然會好！
生活
首爾相比釜山人口多，每日返工同放工時間搭地鐵都會變成沙甸魚， 不過返學應該唔算好大問題，因為通常都會揀住喺學校附近。首爾嘅優勢係佢係一個經濟樞紐同韓國人生活中心，而釜山嘅優勢係佢係一個沿海城市，想隨時睇海放鬆身心揀呢度就冇錯。
無論係首爾定釜山讀語學堂，兩個地方都各有優點，大家可以揀一個適合自己嘅城市去學習，留低一個難忘回憶：）
資料來源：University Guru、한국유학종합시스템
以上係「喺首爾/釜山讀語學堂有咩唔同？」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
