讀完語學堂點駁上大學？-韓國（Creatrip）

Hello，大家好，我哋係由韓國人每日提供最新韓國旅行資訊嘅Creatrip。

唔少人讀語學堂除咗係想學好韓文之外，其實仲會想駁上大學，今日就等小編教教大家可以點做啦！

讀完語學堂點駁上大學？

高等教育

韓國嘅高等教育機構主要可以分為專科學院（2至3年制）、大學（4年制）同埋研究所，而近年嚟因為科技資訊發達，亦都越嚟越多網上教育大學課程。另外，研究所課程（碩士、博士學位課程）一般喺4年制大學提供，但近年嚟亦有啲研究院課程淨係喺「研究院大學」度提供。

韓國嘅大學可以分為國家成立同埋營運嘅國立大學、地方自治團體成立同埋營運嘅公立大學，同埋學校法人（民間公益法人）成立同埋營運嘅私立大學。而韓國大學亦都積極吸引外國留學生去提高國際競爭力同促進國家間嘅交流同合作。截止2020年，韓國外國留學生有15萬人，其中11萬人係修讀緊學位課程。

大學課程類型
正規課程	韓國大學一年會有2次入學，通常會喺3月或9月入學，上堂分為必修同選修課，要讀滿指定學分先可以畢業。
交換學生計劃	韓國大部份大學會同其他大學有合作關係，申請做交換生嘅學生必須具有一定外語能力同水平。
季節學期計劃	留學生可以喺暑假或寒假期間參加正規課程或其他科目（主要用韓文上堂）。
英語專用講座	目前各大學有30%嘅堂都係用英文上，甚至有啲大學設立國際系，所有課程都用英語授課。
韓國語進修課程	好多大學都會附設語學堂，俾對韓文有興趣嘅朋友去讀。

報名讀大學

報讀韓國大學前須知：好多大學最低門檻係要求留學生TOPIK要拎3級或以上成績，或者語學堂要讀到4級或以上。

報名資格

學歷：本地或國外高中畢業，或擁有同等或以上學歷嘅人士
- 檢定考試、家庭教育、網上學習等學歷情況不獲承認（因為疫情而進行網上上課嘅情況，可以提交理由書及證明文件後申請）
- 只有擁有政府正式認可嘅高中學歷嘅人士可以申請（韓國本地學校畢業生亦可申請）
國籍：申請人及父母都擁有外國國籍
- 申請人同父母喺報名前已獲得外國國籍（因移民或領養而獲得外國國籍嘅情況，需要提交國籍獲得證明文件）

提交資料

No.	提交資料	注意事項
※ No. 1~4：需要係英文或者韓文，一定要喺報名期間之內交到
1	申請表1份	直接喺申請網站上輸入資料個人資訊（英文姓名、出生日期等）必須同申請人信息一致。
2	自我介紹及學習計劃1份	直接喺申請網站上輸入資料連同空格限3,000byte以內（韓文約1,500字、英文約600字）禁止填寫申請人具體個人資訊信息（父母姓名、公司名稱等）
3	學校老師推薦信 1份	只可以透過網上推薦信撰寫網站提交（唔可以用郵寄/電郵/傳真提交）連同空格限3,000byte以內如果申請人無法提交畢業證書（預計畢業證明書）同成績表，升學負責老師可以透過網上撰寫推薦信如果有兩位推薦人，兩位需要分開寫。如果冇升學負責老師嘅話，一般老師、校長、副校長等都可以撰寫繳交報名費後，系統會自動send email俾撰寫推薦信嘅人交完推薦信之後，唔可以更改推薦人同推薦人email
4	母校招生負責老師推薦信 1份
※No. 5~13：申請期限內scan文件上傳至申請網站（入到等候名單之後再郵寄/親自提交原件）
5	韓文能力證明	以下其中一份或以上嘅文件，用嚟證明韓文或英文能力：韓文或英文官方語言認證嘅成績表韓文或英文成績標準學力測試結果學校介紹材料或證明課程以韓文或英文授課官方文件（只限於整個高中課程以韓文或英文完成嘅情況）官方語言能力基準韓文：TOPIK 3級以上或語學堂4級以上英文：TOEFL iBT 80、IELTS Academic Band Score 6.0、TEPS 269分以上官方語言成績只對申請截止日期前確認成績有效。成績表可以scan或cap圖提交（入到等候名單之後請提供正本以作證明）
6	中學（高中）就讀證明	喺申請期間內提交正本或公證原件掃描檔入到等候名單之後，將文件拎去公證或俾韓國公館領事確認後郵寄/親自遞交亦可以喺申請期間內提交公證領事確認文件因為各國或地區喺做公證/領事確認程序可能會有延誤，建議提早準備好必須準確註明入學時間（學期開始/結束日期）+ 年級/學期入學證明如果因為官方原因無法提交在讀證明，可以用畢業證書替代如果係跳級、提前畢業等情況，需提交理由同證明文件如果無法提供畢業證書（預計畢業證明書），可以用註明預計畢業日期嘅就讀證明書、成績表或學校官方確認文件等替代如果學期仲未結束，需提交截至申請時嘅成績表，例如：如果冇中三第二學期嘅成績，就要交中三第一學期嘅成績如果申請人無法提交畢業證書（預計畢業證明書）同成績表，升學負責老師可以透過網上撰寫推薦信網站提交即使申請人提交咗A-Level或DSE最終成續，都要提交高中所有成績表
7	高中所有成績表
8	高中畢業（預期）證明
9	申請人國籍證明副本 1份	基本上要提交有效期內嘅護照副本，但如果冇有效嘅護照，可以遞交國籍證明或公證正本、身份證公證副本（唔接受無法確認國籍嘅駕駛執照等）如果有父母死亡或離婚等情況，只需提交目前擁有監護權嘅監護人國籍證明
10	父母國籍證明副本 1份
11	申請人與父母關係證明副本 1份	出生證明、出生證明書、公民證等如屬單親家庭、父母死亡、離婚等，需提交相關證明文件
12	標準學術考試成績表（可選）	相關國家/地區高中畢業考試或高考成績表標準學術考試成績：ACT、A-LEVEL、AP、IGCSE、IB、NCEA、SAT等將成績表scan或cap圖上傳到申請網站，然後喺期間內申請
13	理由陳述書和證明文件（可選）	是否有申請資格等事實證明（如有需要）喺指定表格中填寫理由陳述，並連同官方證明文件一齊提交。
※No.14~16（可選）：申請期限內scan文件上傳至申請網站（入到等候名單之後再郵寄/親自提交原件）
14	高中介紹資料	學校簡介資料或其他官方資料（例如相關國家/地區教育部門嘅資料）冇固定格式或內容，例如：教育課程、深造課程提供情況、在校學生人數、在校學生校內同標準考試成績平均分同分佈、在校學生升學率同升學情況等
15	其他語言能力證明文件	HSK、JLPT、JPT、DELF、DALF、DELE、GZ、TestDaF、TORFL等證明如果唔係正本，需要校長蓋章或簽名
16	招生參考資料	可以了解到申請人喺高中期間喺校內/外活動嘅資料（自由活動、學會、獎項等）最多可以上傳10個校內/外活動同獎項每個獎項都視為一個項目對於校內/外活動，只有連續進行相同活動嘅情況下先會視為一個項目如果唔係正本，需要校長蓋章或簽名

※ 海牙認證（Apostille）制度：

只要有海牙簽證嘅文件等同已被承認，喺第二個國家用都會有效。
全球已有 118 個國家/地區加入Apostille公約。
海牙認證中文網頁

報名流程

STEP 1.	選擇大學及學科
STEP 2.	準備入學申請要求及文件
STEP 3.	寄出入學申請表及提交資料
STEP 4.	取得錄取通知書

幾時可以報名？

春季學期（3月入學）一般會喺上一年嘅9月至11月受理，秋季學期（9月入學）一般會喺同年4月至6月受理。

報名方法

根據提交嘅文件，綜合評估學業能力、語言能力、學業同課外活動等，進行選拔
評估過程中，如有需要單獨進行面試或技能考試，會另外通知申請人
唔會公開選拔/評估細節以及唔合格原因

合格之後/入到等候名單之後（以首爾大學為例）

等候名單只限報名該學期，下一個學期會reset。
等候名單錄取後，須要喺網站睇入學公告。
選中作為韓國語能力評估考試對象嘅合格者，需要參加由首爾大學語言教育院舉辦嘅韓國語能力評估考試。
- 根據評估結果，每個部門課程可能會有限制。
- 有關韓國語能力評估考試嘅問題，請向語言教育院查詢；有關課程修讀限制嘅問題，請向申請招生單位查詢。

以上就係大學申請流程，而家就同大家介紹一吓喺韓國成日會聽到嘅單字有邊啲啦！

수강신청 選科（Reg科）	開學前要喺網上選科，決定今個學期讀咩course
강의평가 課程評價	每個學期結束後要評價課程內容、老師教得好唔好等等
계절학기 季節學期（Summer/Winter Semester）	喺暑假/寒假期間讀大約一個月堂，主要係用嚟補學分
휴학(신청) 休學（申請）	只要得到學校許可就可以申請休學（如果係外國人申請休學，需要喺獲得許可後15日內出境)
복학(신청) 復學（申請）	轉學或休學學生重新返學
학사경고 學位警告	每學期期尾平均成績低於該學校規定一定標準（4.5分滿分拎1.5-2.0，標準根據學校及年級有所不同）時會收到警告，如果累積3次會被踢出校（有可能無法延長簽證）
전과 轉科	獲得學校批准就可以轉科
복수전공/부전공 雙主修/副修	除咗本身自己一開始報讀嘅Major以外，再讀多一個
영어전용강좌 英語專用科目	所有堂同考試都係100%以英文為主
제적 勒令退學	因各種原因被學校趕出校
자퇴 自行退學	學生主動退學

資料來源：한국유학종합시스템 、서울대학교 사이트、서울대학교 한국어교육센터

以上係「讀完語學堂點駁上大學？」嘅介紹，有任何問題請先詳讀呢篇文章。

如果睇完之後有任何問題，或者我哋語意、標示唔清嘅話，麻煩請send email告知，以方便我哋改進。

如果有更多想知嘅內容，都可以隨時留言或者dm話俾我哋知：）

Instagram：creatrip.hk

Facebook：Creatrip 帶你認識韓國每一面

韓國代購

Mail：help@creatrip.com