外國人想喺韓國返兼職可以點做？

Hello，大家好，我哋係由韓國人每日提供最新韓國旅行資訊嘅Creatrip。

出國留學其實就係想學好當地語言，除咗要日日返學上堂之外，其實返part-time都係一個可以練到韓文嘅好方法，如果你之後會計劃嚟韓國讀書，咁今日呢篇blog話唔定可以幫到你！

外國人想喺韓國返兼職可以點做？

留學生打工簽證

基本原則

通常如果係留學生想做兼職，只可以用時間制去計。

許可對象

• D-2、D-4簽證留學生（已獲學校負責人確認及許可之人士）。
• 完成課程後（副學士2年、學士4年）因成績未達標準而未能畢業之人士無法獲得許可。
  • 碩士、博士課程結束後需要準備畢業論文嘅學生不在此限，但如該學生成績及出席率未達標，則無法獲得許可。（每星期可以返30個鐘，包括公眾假期及寒/暑假）
  • 未經法務部長許可而返兼職，將可能被強制遣返出韓國，或被勸告自願出國，同時可能被處罰唔超過三年有期徒刑或唔超過三千萬韓元罰款。

許可領域

• 一般口或筆譯、餐廳助理、一般辦公室助理等
• 英語村或英語夏令營商店銷售員、餐廳店員或活動助理等。
  • 同中文、日文或其他外語有關嘅地方都可以。
• 觀光助理、免稅店銷售等
  • 就算獲得許可時間，根據國內法律部要求，如果需要指定資格，都需要配合。
• 出入境管理條例內E-9簽證認可嘅製造業及建築業崗位唔可以以兼職形式工作
  • 但TOPIK 4級（KIIP 4級）或更高級人士可以從事製造業。

許可範圍

※英文能力考試：冇分Year幾，只要TOEFL 530(CBT 197, iBT 71), IELTS 5.5, CEFR B2, TEPS 600分以上；母語為英語國家或地區人士可以唔使交資格證。
※最新資訊建議打電話去1345/直接去出入境問清楚。

申請資料

為咗想喺韓國返兼職，大家一定要準備好以下資料同滯留資格以外活動許可申請表一齊拎去出入境申報。

• 護照
• 外國人登錄證
• 標準入學許可證明或在學證明書
• 兼職推薦書
• 成績表或出席證明書
• 韓文能力證明（例如：TOPIK）
• 手續費￦20,000

兼職工作許可證特殊情況

即使冇打破留學資格嘅原則，法例上並不許可留學生收取任何一次性獎金、小費等報酬後進行工作/勞工活動。

居韓優惠待遇

D-2-7（留學-工作簽證）持有者優惠待遇

• 條件：獲邀請當時已成功由學士學位課程畢業
• 簽證資格優惠待遇：唔需要遵守原本E-7簽證所要求嘅公司職員比例規定，可從事嘅職業範疇更廣，對公司要求降低，合約期間內可以一次過獲得3年簽證
• 居留資格：簽證換為積分制居留簽證（F-2-7）嘅時候可以額外加10分
• 永久居留資格：根據永久居留身份類型，可以免除收入標准或加分

兼職資訊

專為留學生而設嘅求職網

科學卡（사이언스카드）

科學卡顧名思義即係為外國科學家或工程師提供嘅簽證，獲得簽證嘅人可以韓國逗留一段期間。

金卡（골드카드）

金卡係由韓國產業通商資源部部長授權俾 KOTRA 總裁名義發出雇用推薦信，支援企業聘請海外優秀技術人才，同時發放特定活動簽證（E-7）。

韓國主要求職網

除咗啱啱介紹嘅2個網之外，以下網址都係韓國人平時想搵工會用到嘅求職網，大家不妨可以參考吓。

不過大家用以上網址時都要小心，因為有啲公司可能會衰到唔出糧，建議apply份工之前，可以留意吓有冇職員留過comment評價間公司。

返兼職唔單止可以學好韓文，同時仲可以識新朋友，一舉兩得！

資料來源：생활법령정보、한국유학종합시스템

以上係「外國人如果想喺韓國返兼職可以點做？」嘅介紹，有任何問題請先詳讀呢篇文章。

如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。

如果有更多想知嘅內容，都可以隨時留言或者dm話俾我哋知：）

Instagram：creatrip.hk

Facebook：Creatrip 帶你認識韓國每一面

韓國代購

Mail：help@creatrip.com