Hello，大家好，我哋係由韓國人每日提供最新韓國旅行資訊嘅Creatrip。
唔知大家嚟韓國通常會搭地鐵定係巴士呢？網上可能會有好多教大家搭地鐵嘅教學，而同巴士相關嘅就少之有少，所以今日小編就想教大家搭巴士，只要搭過一次就會覺得其實真係好方便！
其他相關巴士嘅文章：
韓國搭巴士小Tips
韓國巴士種類
韓國巴士主要分咗市內同市外兩種，市內巴士喺韓國各地區都會搵到，唔同地區價錢都會因應乘客年齡同巴士行駛距離而有唔同，但一般都係₩1,200 - ₩1,600左右。
市內巴士
| 地區 | 官網 |
| 首爾 | 서울대중교통 |
| 仁川 | 인천 버스관리정보시스템 |
| 釜山 | 부산 버스관리정보시스템 |
| 大邱 | 대구버스정보 |
| 光州 | 광주 버스운행정보 |
| 大田 | 대전교통정보센터 |
| 世宗 | 세종 교통정보시스템 |
| 濟州 | 제주버스정보시스템 |
如果想了解關於各地區嘅巴士路線，詳情可以參考佢哋官網。（目前除咗大邱同濟州有英文之外，其他網站只有韓文）當然大家都可以用Naver Map或者Kakao Map等地圖App直接search巴士號碼！
市外巴士
如果大家嚟韓國嘅時候，有計劃會去埋首爾以外其他城市玩嘅話，可以考慮吓搭市外巴士。呢款巴士基本上所有地區都會去到，通常5個鐘內就會去到，最遠嘅地方10個鐘內都一定會到。
| 長途車票券系統 | 시외버스 통합예매시스템 |
| BusTago | 버스타고 |
以上兩個網站係預約市外巴士車飛嘅平台，總共提供4個語言嘅服務，大家唔需要擔心睇唔明！如果大家都係唔知點做，我哋亦有提供高速巴士代訂服務，大家可以搵我哋幫手。
韓國巴士到底點搭？
1. 俾現金
如果冇Tmoney可以用現金俾錢，不過小編唔太建議咁做，因為價錢相對會貴啲，同時冇得免費轉車（有交通卡最多可以免費轉3次巴士/地鐵）。
首爾市政府由2022年開始，新增咗好多「無現金巴士」路線。，目前有大約400幾架車都唔接受現金！如果大家咁啱遇到呢款巴士，又冇交通卡，可能會被拒絕上車。
2. 交通卡
a. Tmoney（Korea Tour Card）
韓國嘅Tmoney就等同於香港嘅八達通一樣，除咗可以搭交通工具，同時仲可以用嚟Shopping、去便利店買嘢等。一張卡價錢大約係₩4,000 - ₩6,000， 喺機場、便利店、機場鐵路自動販賣機都可以買到，想增值去返便利店或者地鐵站就可以。
b. Creatrip X BELLYGOM 限量聯名交通卡
BELLYGOM係一隻喺韓國超受歡迎嘅卡通人物，今次我哋爭取到同BELLYGOM合作推出限量又獨一無二嘅交通卡，搭車同喺便利店+指定店鋪消費都可以用！而且只要事先預約，30秒內可以輕鬆換領，我哋仲會先幫你入定₩5,000，等你可以攞到即用！仲可以透過Creatrip App隨時確認餘額&交易記錄，夠曬方便！
Creatrip限量BELLYGOM聯名交通卡 | 撳我即買
c. 交通 ＋ 扣賬卡
如果你持有長期簽證，咁就可以去銀行整返一張附有交通功能嘅扣賬卡，可以申請預付（每月儲值）或者後付（下個月先俾錢），完全唔需要擔心成日張卡冇錢。
d. NAMANE卡
NAMANE卡簡單嚟講就係一張可以自製嘅增值卡，除咗可以當交通卡用之外，同時仲可以做埋扣賬卡。因為呢張卡唔會寫名，唔需要認證就用到，同時冇年齡限制，重點係外國人都用到！大家之後嚟旅行就唔使拎住太多現金，可以一張卡走天下！而家透過我哋都可以買到，詳情可以撳我了解更多有關NAMANE卡嘅詳情。
上車前
카카오맵
네이버 지도
喺韓國比起用Google Map，韓國人通常都會先用Naver Map或Kakao Map，建議大家嚟之前可以先Download定。不過要提提大家，目前Kakao Map冇中文版本，如果未太識韓文，會建議先用Naver Map。
大家只要喺地圖上輸入想去嘅地址，app就會自動教大家喺邊度搭車，點樣去會最快，大家搵到上車地點，等到有車嚟揮一揮手就可以上車。
另外每個巴士站都設有呢啲站牌，會話俾大家知幾耐有車，甚至有啲牌會寫埋多唔多人搭。
上車嘅時候
韓國嘅巴士上/落車都要啪卡，一開始會先扣除基本費用，然後按距離再加，到達目的地10km以內係基本價，10km以外每5km加₩100， 同時地鐵轉巴士，或者巴士轉巴士，只要喺30分鐘內轉車，都可以享有轉乘優惠。另外一張卡冇限人數，只要餘額夠就可以。
上到車之後
1. 揀位
韓國巴士有1/3都係關愛座（老人、幼兒、孕婦、傷殘人士等），會分成唔同顏色，建議大家見到關愛座空咗都儘量留返俾有需要人士！
2. 禁止攜帶物品
韓國巴士係唔俾帶飲品或者有氣味嘅食物上車，因為怕會影響其他乘客，如果大家拎住飲品上車，司機有權唔俾你上車添！
3. 撳落車鐘
同香港一樣，落車大家記得要撳鐘！如果咁啱唔記得撳，下個站又冇人要上車嘅話，司機有可能會skip站。
落車嘅時候
好似頭先所講，韓國巴士同香港最唔同嘅地方係落車都要拍卡（因為要按距離加返車費），大家要注意如果冇拍卡嘅話下次搭車會被罰款㗎！
其實喺韓國搭巴士，有時比搭地鐵會更加方便，如果大家有任何疑問都歡迎留言話俾我哋知，我哋會盡力幫大家去解答：）
以上係「韓國搭巴士小Tips」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
