Hello，大家好，我哋係由韓國人每日提供最新韓國旅行資訊嘅Creatrip。
正所謂入鄉隨俗，大家去到韓國留學，好多時都需要用到一啲韓國APP方便生活，今日就等小編同大家講吓有邊啲係一定要download㗎啦！
韓國留學生必備App
1. Naver（네이버）
네이버
Naver係韓國版嘅Google，係目前韓國最大、最多人用嘅搜尋網站。
네이버
呢個App超多功能，由普通search嘢到買嘢、睇天氣等等應有盡有，可以話全部都靠佢！
네이버
네이버
打開app之後，左上角會有一個「三行」嘅掣，撳入去就可以睇到你平時用邊個功能最多。
2. KakaoTalk（카카오톡）
카카오
如果講到香港人平時鍾意用WhatsApp、Signal多嘅話，咁韓國人絕對係KakaoTalk！呢個app除咗可以同朋友傾偈之外，同時仲可以送禮物、買Emoji、過錢等，超方便！
最近app內置仲多咗一個翻譯功能，相信大家同韓國朋友傾偈一定會用得著！
3. 地圖Apps（지도 어플）
平時喺香港搵路，大家都慣用Google Map，但係喺韓國旅行嘅時候就會發現Google Map其實唔係好work。韓國人通常都會用Naver Map或者Kakao Map。
네이버
네이버
基本上Naver Map同Kakao Map冇乜太大分別，但唯一一樣最唔同，就應該係Naver Map可以預訂火車飛！
네이버
一入到去大家就可以見到有幾個快捷鍵，只要撳其中一個掣就會知最近你嘅位置有邊啲餐廳（음식점）、Cafe（카페）、油站（주유소）、便利店（편의점）等 。
네이버
建議大家可以先註冊會員，咁就可以save低想去嘅地方，亦都可以同Naver連住用，無論係要預約定搵路都會方便得多！
카카오
카카오
雖然Kakao Map冇得預約火車，但佢比Naver Map好嘅地方在於可以share你嘅位置俾朋友，咁就唔怕會同朋友走失！
카카오
카카오
同Naver Map一樣，最上面會有條Bar，方便大家搵附近有啲咩！如果想搵餐廳，喺Kakao Map有4分以上嘅通常都唔會失敗！
4. 外賣Apps（배달 어플）
大家應該都知喺韓國叫外賣真係好快，如果係叫中華料理，最快15分鐘內就會送到！韓國最多人用嘅係外賣app一定離唔開요기요（yogiyo）、배달의민족（baemin）同 coupang eats。
요기요
배달의 민족
쿠팡이츠
同大家分享一個小Tips啦！用外賣apps嘅時候大家一定要睇注意事項，因為有時會有啲留言之後免費送小食/飲品嘅活動，參加呢啲活動絕對可以慳返唔少錢！不過如果大家仲未好熟悉，亦可以搵我哋代叫外賣！
5. 紅蘿蔔市場（당근마켓）
당근마켓
喺韓國生活開支其實都唔少，需要嘅嘢越嚟越多，買新又怕哂錢，唔買又覺得生活唔方便？又或者買完但唔常用，唔知點處理好？韓國人通常都會用二手市場做買賣。
당근마켓
당근마켓
最一開始呢個都只係一個普通二手買賣app，但到後來因為大家都想搵住附近嘅人交收，app多咗一個洞內（동내）嘅字眼，撳佢就可以知附近啲人想買/賣緊啲咩。
甚至最近仲多咗一個新功能叫我附近（내 근처），入面最特別嘅係有個冬天零食地圖，只要撳個掣就會可以知道附近邊度有鯛魚燒、蒸包、蕃薯賣！
6. Coupang（쿠팡）
쿠팡
最後想同大家介紹嘅一個app就係Coupang，小編自己都會成日用佢，因為佢可以買到好多日常用品，只要加入月費plan（每月 ₩4,990），今日買通常聽日就會到，超方便！
쿠팡
如果大家覺得每個月俾月費貴，可先試用一個月，同樣都可以今日買聽日到，相信大家用完都會忍唔到手！
有咗以上嘅app真係令到喺韓國生活方便唔少！如果你之後都打算嚟韓國生活，不妨可以先download以上app研究一吓！
以上係「韓國留學生必備App」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
