Hello，大家好，我哋係由韓國人每日提供最新韓國旅行資訊嘅Creatrip。
平時大家嚟韓國玩用現金或者新興嘅現金卡都夠，但係如果係嚟讀書，需要喺韓國住一段長時間，開返個銀行戶口會方便好多！但係上網成日都睇到話外國人喺韓國整銀行戶口好難，今日小編就為大家整理咗一連串相關資訊，希望可以幫到大家啦~（注意韓國銀行營業時間通常都會係朝早9點到下晝4點，唔好太遲去啊！）
韓國銀行戶口申請程序及詳情
1. 開銀行戶口
- 可申請戶口類型：現金往來/存款帳戶、貨幣信託帳戶（可以喺自己國家/地區過數落韓國戶口）
- 所需文件：身份證明文件（護照/外國人登錄證）、印章（外國人可以用簽名代替）
申請流程 | |
STEP 1. 攞籌 | 入到銀行首先要攞籌，等到叫自己號碼再行去櫃枱。 |
STEP 2. 同銀行職員講需要咩服務 | 同銀行職員講想整銀行戶口（통장을 만들고 싶어요/통장을 개설하러 왔어요） 如果想整埋網上銀行同Debit Card（扣賬卡），記住呢個時候同職員講。 |
STEP 3. 填寫申請表 | 根據職業指示填寫申請表同簽名。 （通常都需要外國人登錄證/護照號碼）、出生日期、地址、電話號碼， 建議大家事前Check清楚） |
STEP 4. 設定密碼 | 設定銀行戶口同Debit Card（扣賬卡）密碼（4位數）。 |
STEP 5. 完成申請 | 領取銀行存摺同Debit Card。 |
※ 注意外幣交易限額、流程同手續費等相關事項通常都係根據留學生所屬國家/地區法律而定。
2. 海外過數/電匯
- 所需文件：護照、交易申請書、指定交易銀行（外國）申請書、入學許可書等留學證明
- 想電匯過數嘅人士需要去到指定銀行提交上述文件，進行交易程序。
- 留學生需要提交在學證明書等留學證明。
- 根據外幣交易規定，如果每年累積交易金額超過USD 100,000，將會上報至國稅廳。
- 如果係想攞錢，需要向職員出示銀行存摺、身份證明文件（護照/外國人登錄證）、印章（外國人可以用簽名代替）。
3. 換錢
- 可換錢地方：銀行、網上銀行找換店等（手續費及匯率不一）
- 可兌換金額限額：無（但有部分找換店會針對特定幣種，限制1個人每次可以換嘅金額）
- 如果一次兌換超過USD 10,000，或一年兌換超過USD 100,000，需要向海關申報，上報至國稅廳。
銀行換錢方法 | ||
所需文件：護照、指定交易銀行（外國）申請書、交易申請書、入學許可書等留學證明 | ||
換錢流程 | STEP 1. 攞籌（外幣櫃枱） | 去到銀行首先要去攞外幣交易櫃枱嘅籌號。 |
STEP 2. 出示身份證明文件 | 叫到你號碼之後，行到外幣交易櫃枱， 向職員出示身份證明文件。 | |
STEP 3. 同銀行職員講需要換錢 | 同職員講你想換錢（환전을 하러 왔어요）。 | |
STEP 4. 填寫外幣買賣申請表 | 填寫申請表 （通常都需要寫姓名、身份證明文件號碼、兌換金額等資料， 建議大家事前check清楚） | |
STEP 5. 確認所得金額 | 領取韓幣，確認金額是否正確。 | |
今日小編就為大家整理咗整韓國銀行戶口、海外過數同換錢嘅資訊，希望可以幫到各位準備要嚟韓國留學嘅朋友們！不過要注意韓國間中會出現銀行詐騙，如果對方想你透過電話或者短訊話俾佢知你嘅銀行戶口號碼、信用卡號碼同密碼，記住要先check清楚對方來頭，另外網上銀行ID同密碼都千祈唔好公開俾其他人知，保障安全。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
