弘大美容 | Waxing & Line
專業蜜蠟脫毛推薦！臉部脫毛、修整眉型/髮際線、甚至連巴西蜜蠟脫毛療程都有！
Hello，大家好，我哋係由韓國人每日提供最新韓國旅行資訊嘅Creatrip。
大家都知道弘大係韓國年輕人嘅聚集地，所以呢都會有好多髮型屋、美甲店等等提供美容服務嘅鋪頭。而今次小編就想介紹一間蜜蠟脫毛專門店「Waxing & Line」俾大家，全臉、髮際線、眉毛，甚至連私密處巴西蜜蠟脫毛服務都有！有計劃做脫毛treatment嘅朋友們可以參考下~
弘大「Waxing & Line」資訊
- 地址：서울 마포구 어울마당로 94-7 대유빌딩 5F
- 營業時間：星期一至五 10:00 - 21:00、星期六及公眾假期 10:00 - 19:00（逢星期日休息）
弘大「Waxing & Line」推薦理由
- 療程師有超過10年以上經驗，提供客製化1:1服務，信心保證。
- 療程用嘅係LYCON同Bodytreats澳洲名牌蜜蠟，就算用係臉部同私密處咁敏感嘅部位都可以安心。
- 呢度嘅冲涼房同療程室都非常乾淨企理，用得放心。
弘大「Waxing & Line」價錢
私密處巴西蜜蠟脫毛（女） | ₩50,000 |
私密處巴西蜜蠟脫毛（男） | ₩60,000 |
全臉脫毛（女） | ₩55,000 |
全臉脫毛（男） | ₩65,000 |
修整眉型 | ₩20,000 |
修整髮際線（女） | ₩15,000 |
修整髮際線（女）+ 額頭脫毛 | ₩20,000 |
下巴 + 頸部脫毛（男） | ₩20,000 |
弘大「Waxing & Line」注意事項
- 請最少喺體驗2日前完成預約。
- 預約後至體驗3日前取消可以進行退款，其後恕不受理。
- 蜜蠟脫毛後48小時內建議唔好去泳池、桑拿，亦建議唔好去做曬燈等會刺激到皮膚嘅活動。
- 蜜蠟脫毛後可能會出現毛囊炎等過敏現象，如有需要可以去藥局買藥。
- 為達至最佳效果，脫毛前請儘量唔好做曬燈療程。
- 療程所需時間根據部位會唔同，大約需要1個鐘。
- 進行療程前療程師會先幫大家抹臉，所以唔需要特別卸完妝先嚟。
- 如有任何疑問，請send email到help@creatrip.com查詢。
- 請按照到訪人數進行預約。
- 一人可預約2個（含）以上項目。
弘大「Waxing & Line」預約流程
STEP 1. | |
STEP 2. | 請詳細輸入所有相關資訊及全額支付。 |
STEP 3. | 我哋會喺1-2個工作天內確認預約。 |
STEP 4. | 到達店鋪之後請向職員出示預約記錄。 |
弘大「Waxing & Line」介紹
前幾年開始，大家都會為咗保持美觀同衛生而選擇做脫毛。今日小編就帶大家嚟到位於弘大嘅「Waxing & Line」，呢度提供各種脫毛療程，由普通修整眉型，到面部脫毛，甚至係私密部位脫毛都有！
店鋪裝修行復古風，以綠色同藍色做主調，亦都有擺設各式各樣嘅復古裝飾，完全睇唔出係脫毛鋪頭。
入到嚟之後，大家就可以先換拖鞋，然後就可以同院長進行諮詢環節。
一開始大家需要先填一張客戶資料卡，上面有詳細寫明脫毛手術前後有咩需要注意。提提大家，因為脫毛會直接刺激肌膚，所以可能會出現毛囊炎或者過敏現象，有需要可以去藥局買藥。
如果選擇做修整髮際線或者眉型療程，院長會先同你傾想點修整，然後用白色筆畫好形狀，唔滿意亦都可以修改。弘大「Waxing & Line」嘅院長有超過10年經驗，會按照每位客人嘅臉型幫你設計適合嘅眉型同髮際線，包保大家滿意。
做身體脫毛療程前要先去冲涼。呢度有提供冲涼房，亦都有浴袍同冲涼用品，非常貼心。
呢度總共有3間療程室，雖然空間唔大，但都唔會好翳焗，而且設備非常齊全！
第2間房就比較大，院長話大部分脫毛療程都會喺呢間房進行。
療程用嘅係LYCON同Bodytreats澳洲名牌蜜蠟，就算用係臉部同私密處咁敏感嘅部位都可以放心。
呢度每間房都有自動消毒機，每次進行療程之前所有用具都會先擺入去消毒，非常衛生。
療程根據部位所需時間都唔同，不過整體嚟講平均大約需要1個鐘頭左右。
嚟韓國玩或者住喺韓國又想做脫毛療程？小編推薦大家可以嚟弘大「Waxing & Line」體驗專業蜜蠟脫毛服務！
弘大「Waxing & Line」前往方法
喺弘大入口站9號出口行出。
直行200米。
過馬路之後轉左。
向前行100米之後，轉入大街。
再向前行80米左右，轉入左邊小巷。
行入大廈之後上5樓就到弘大「Waxing & Line」啦！
以上係弘大「Waxing & Line」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com