明洞購物 | ABC-MART
韓國最大連鎖鞋鋪「ABC-MART」！最新商品都可以享有9折優惠！
Hello，大家好，我哋係由韓國人每日提供最新韓國旅行資訊嘅Creatrip。
相信有嚟過韓國旅行，或者喺韓國生活嘅朋友們都會聽過「ABC-MART」，佢係一間大型連鎖鞋鋪，好多出名嘅牌子都有進駐，無論係小朋友鞋、涼鞋、運動鞋定皮靴，大家都可以喺度搵到！撳埋下面條link download我哋嘅優惠券，去明洞「ABC-MART」買鞋同買衫都可以得到九折優惠，千祈唔好錯過啦！
明洞「ABC-MART」資訊
ABC-MART MS明洞店
- 地址：서울 중구 명동7길 13
- 營業時間：11:00 - 21:00
ABC-MART GS明洞中央店
- 地址：서울 중구 명동8길 12
- 營業時間：11:00 - 22:00
ABC-MART ST明洞3街店
- 地址：서울 중구 명동10길 41
- 營業時間：11:00 - 21:00
ABC-MART ST明洞路店
- 地址：서울 중구 명동길 9 1F, 2F
- 營業時間：10:30 - 22:00
明洞「ABC-MART」推薦理由
- Nike、Adidas、Fila等國際知名品牌都有進駐「ABC-MART」！
- 每個品牌都有提供超多鞋款，無論係大人定細路都一定可以買到，好啱一家大細一齊嚟行。
- 明洞所有分店都有自動退稅機器，可以直接現場退稅。
明洞「ABC-MART」注意事項
- 俾錢嘅時候向職員出示Creatrip優惠券，可以得到新商品9折優惠。
- 本優惠唔適用於特定牌子（Discovery、ASICS、New Balance、Vans、Converse等），詳情請向職員查詢。
- 本優惠券只適用於MS明洞店、GS明洞中央店、ST明洞3街店及ST明洞路店。
- 使用優惠券前唔需要事先預約。
- 如果用coupon嘅時候有任何疑問，可以send email到help@creatrip.com查詢。
明洞「ABC-MART」介紹
喺韓國想買鞋，韓國人第一間會諗起嘅鋪頭相信會係「ABC-MART」。通常「ABC-MART」鋪面都好大，入面有賣超多牌子嘅鞋，仲有好多款式，大家可以喺鋪頭試勻曬鍾意嘅款式先再買，咁就唔會買錯啦！
今日小編就打算為大家介紹「ABC-MART」喺明洞開嘅分店，Download埋我哋嘅Coupon仲會有折扣優惠，大家嚟旅行經過明洞記住要去睇吓啦~
MS明洞店
「ABC-MART MS明洞店」佔地面積大，無論係我哋耳熟能詳嘅Nike、Adidas、Fila波鞋，定係涼鞋同毛毛鞋，呢度都一應俱全，梗有一款你會鍾意！
門口隔離仲有一部退稅機，大家買完可以直接喺呢度退稅，咁就唔洗怕返香港之前唔記得退啦~
GS明洞中央店
「ABC-MART GS明洞中央店」總共有3層，販賣各種品牌嘅衫同鞋，款式勁多，可以行好耐！
每個牌子都會有自己嘅一個area，大家如果有著開或者鍾意某幾個特定牌子，就可以直接去嗰個陳列區睇，非常方便。通常最受歡迎嘅款式都會擺嘅當眼位置，咁就可以知道最近韓國流行咩款啦~
另外亦都有一個專賣童裝鞋嘅區域，一家大細嚟行都得！呢間分店都有為遊客準備無人退稅機，埋完單就可以直接喺度退稅。
ST明洞3街店
「ABC-MART ST明洞3街店」係咁多間分店裏面最近明洞站嘅一間，而且好當眼，地理位置非常方便。
除咗鞋之外，呢度亦都有賣好多款襪，超多選擇。
呢個分店部退稅機位於鋪頭靠後位置，Shopping完之後記住要嚟退稅啦！
ST明洞路店
2022年12月開張嘅「ABC-MART ST明洞路店」總共有2層，因為新開冇耐，所以非常新淨。同其他分店一樣，呢度都有賣超多牌子嘅運動鞋，而且仲有賣冬天必備嘅雪靴同毛毛鞋添啊！
上到2樓會見到有更加多運動鞋、皮鞋、涼鞋等等嘅鞋款，大家可以喺度試著完再決定買唔買。另外呢度亦都有提供退稅機，方便大家可以現場退稅。
大家嚟韓國玩通常都一定會去明洞行返轉，下次去想買鞋，記住要去「ABC-MART」睇吓啦！
點先可以享有明洞「ABC-MART」 優惠？
現場消費Click下面網址下載Creatrip專屬優惠券，出示俾店員睇即可享有獨家優惠。
以上係明洞「ABC-MART」嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com