弘大美睫 | H/H Beauty
懶得化妝但又想靚住見人？韓式電/植睫毛療程推薦！
Hello，大家好，我哋係由韓國人每日提供最新韓國旅行資訊嘅Creatrip。
平時出門口化妝嘅時候夾眼睫毛，趕時間嘅話一個唔小心可能會夾到好痛，但又放棄唔到唔夾喎... 所以最近越嚟越多人都會選擇去電眼睫毛！而今日小編就打算介紹一間位於弘大嘅鋪頭俾大家，想喺韓國電睫毛嘅朋友們可以參考一吓~ 透過我哋預約仲可以得到₩5,000優惠，有興趣就唔好錯過啦！
弘大「H/H Beauty」資訊
- 地址：서울 마포구 양화로23길 22-10 301호
- 營業時間：星期二至五 11:00 - 21:00、星期六 11:00 - 17:00 （逢星期一、日休息）
弘大「H/H Beauty」推薦理由
- 提供電眼睫毛同植睫毛服務，整完之後唔洗特別化眼妝都得！
- 用合理嘅價錢享受優質服務，包你滿意。
- 店鋪位於弘大，整完眼睫毛之後就可以直接去Shopping同去附近嘅靚Cafe。
- 透過我哋Creatrip預約，可以得到₩5,000優惠！
弘大「H/H Beauty」價錢
植睫毛 | 一般睫毛 | ₩60,000 |
纖細毛 | ₩55,000 | |
D-Curl | ₩65,000 | |
L-Curl | ₩65,000 | |
電睫毛 | 角蛋白睫毛療程 | ₩45,000 |
角蛋白睫毛療程 + 電下眼睫毛 | ₩60,000 | |
加購項目 | 植下眼睫毛 | ₩5,000 |
卸睫毛 | ₩5,000 |
弘大「H/H Beauty」注意事項
- 請最少喺體驗2日前進行預約。
- 預約後至體驗3日前可以取消預約及進行全額退款，其後恕不受理。
- 所需時間：電睫毛大約需要40-50分鐘；植睫毛大概需要1小時。
- 電眼毛療程每個時段最多3位客人；植睫毛療程每個時段最多1位客人。
- 所有療程都需要係冇眼妝嘅情況下進行，有需要人士可以用店鋪提供嘅卸妝產品先卸眼妝。
- 為保持翹度，電/植睫毛之後必須每日朝早同夜晚洗完面之後抹乾眼睫毛，再用店鋪提供嘅睫毛刷梳理。
- [電睫毛] 療程結束後需要等3-4個鐘先可以掂水洗面，亦建議最好唔好用睫毛夾。
- [電睫毛] 通常最佳效果可以維持5-6星期，3-4個月之後效果就會完全消失。
- [植睫毛] 療程結束後需要等4-5個鐘先可以掂水洗面，亦建議最好唔好用睫毛夾同睫毛膏。
- [植睫毛] 通常最佳效果可以維持1個月，建議唔好用卸妝油，儘量用卸妝水或洗面奶代替。
- 如果有任何疑問，請send email到help@creatrip.com查詢。
弘大「H/H Beauty」預約流程
STEP 1. | |
STEP 2. | 請詳細輸入所有相關資訊同付款，完成預約。 |
STEP 3. | 預約將會喺1-2個工作天後落實。 |
STEP 4. | 去到現場請出示預約紀錄。 |
弘大「H/H Beauty」介紹
大家都知道韓妹日日都會化妝，但係夾眼睫毛搽Mascara有時候都真係幾曬時間，所以好多韓妹都會定期去電/植眼睫毛。等小編今日帶大家去位於弘大嘅「H/H Beauty」體驗吓啦！
「H/H Beauty」位於3樓，雖然店鋪唔算好大，但全白嘅裝修俾人一種好乾淨開揚嘅感覺。呢度每張床都有特別準備毛毯俾客人，非常細心。
首先就介紹吓呢度嘅「電睫毛療程」先啦！開始療程之前會先同院長進行諮詢環節，院長會先幫客人睇吓對眼適唔適合進行療程。然後大家就可以按照想要嘅睫毛弧度同形狀選擇療程，呢度有提供C-Curl、JC-Curl、CC-Curl等等俾大家揀，而小編呢次就揀咗C-Curl，做完出嚟會有好似夾咗眼睫毛嘅效果。
呢個係進行療程前嘅狀態。
全個療程會瞓喺床上面進行，療程師會先幫大家上第一劑電睫毛藥，完全唔會痛！療程師仲話如果想瞓教都可以瞓~
上完第一劑，等15分鐘之後就會上第二劑，再等10分鐘。等緊嘅時候如果覺得掁眼（殘眼），療程師會幫客人放張紙巾遮住，真係好sweet！
最後搽埋睫毛營養液就大功告成啦！全個療程大概用咗40-50分鐘，係唔係好似搽咗睫毛膏咁呢~？效果會喺3-4個月之後完全消失，如果想一直維持呢個最佳效果，建議大家每3-4個禮拜就嚟做一次。要提提大家，電完眼睫毛之後最好唔好用睫毛夾，淨係搽Mascara就夠！
接住落嚟就介紹埋呢度嘅「植睫毛療程」啦~ 同電睫毛之前一樣，都會先同院長進行諮詢環節，選擇會植邊種眼睫毛。小編今日就決定植12mm嘅啡色CC-Curl扁毛，大家嚟整嘅時候可以按照眼睛嘅形狀揀最啱自己嘅款式。
同頭先一樣，呢個療程都會係瞓喺床上面進行。如果之前曾經有植過眼睫毛，療程師會先幫大家卸咗之後再開始植。
呢個係進行療程前嘅狀態。
小編植睫毛嘅時候完全冇唔舒服或者痛，但聽療程師講，有啲客人眼皮比較敏感，可能會覺得有啲拮眼，有唔舒服嘅話記住要出聲，療程師會儘量配合客人需要進行療程。
植完兩邊眼嘅眼睫毛之後，會整體吹乾一次，咁就完成啦！成個療程大約用咗1個鐘左右，整完之後對眼都變得精靈咗，小編好滿意！植睫毛嘅效果可以大概維持1個月，建議大家整完之後唔好用睫毛夾同睫毛膏。
完成療程之後，療程師會送一個睫毛刷俾大家，大家記住每日朝早夜晚洗完面之後，抹乾水之後再用呢支刷梳理睫毛，咁先可以令效果維持得耐啲。
今日小編就帶大家咗嚟到弘大「H/H Beauty」體驗韓式電/植睫毛療程，有興趣嘅朋友們可以透過我哋預約，享受₩5,000優惠！
弘大「H/H Beauty」前往方法
喺弘大出口站3號出口行出嚟。
過馬路。
沿住左邊條路直行。
直行大約50m之後，轉入右邊巷仔。
見到「H/H Beauty」招牌之後，行入大廈，上3樓。
咁就到「H/H Beauty」㗎啦！
以上係弘大「H/H Beauty」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
