龍山髮型屋 | Mood'e
想染返個最trendy嘅頭？嚟龍山「Mood'e」包你滿意！
Hello，大家好，我哋係由韓國人每日提供最新韓國旅行資訊嘅Creatrip。
由幾年前開始，韓國就非常流行漸變髮色，特別係Ombre（漸層）同Balayage（手刷挑染）。今次小編要介紹俾大家嘅「Mood'e」就係專門做染髮嘅髮型屋，透過我哋預約嘅話仲會有多種折扣，有興趣嘅朋友們千祈唔好錯過啦！
龍山「Mood'e」資訊
- 地址：서울 용산구 한강대로38길 35
- 營業時間：11:00 - 21:00 （逢禮拜一、二休息）
- 可預約時間：11:00 - 16:00
龍山「Mood'e」推薦理由
- 「Mood'e」係一間漸層染髮&手刷挑染專門店，呢度所有髮型師都係全韓國數一數二嘅染髮專家，質素有保證。
- 呢度用嘅染髮劑全部都非常高品質，唔傷頭髮，令客人可以維持良好髮質。
- 透過我哋預約嘅話，挑染、漸變染髮會有8折優惠，而電髮同普通染髮就會有9折優惠。
龍山「Mood'e」價錢
手刷挑染 / 漸層染髮 | ₩240,000 ~ 272,000 |
逆向手刷挑染 / 漸層染髮 （適合曾經染/漂髮客人） | ₩280,000 ~ 312,000 |
染髮（女） | ₩90,000 ~ 126,000 |
漂髮（女） | ₩108,000 ~ 144,000 |
染髮（男） | ₩54,000 |
漂髮（男） | ₩72,000 |
電髮[Cold Perm]（女） | ₩90,000 |
電髮[Cold Perm]（男） | ₩81,000 |
電髮[Hot Perm]（女） | ₩126,000 ~ 162,000 |
剪髮（女） | ₩30,000 |
剪髮（男） | ₩25,000 |
龍山「Mood'e」注意事項
- 透過Creatrip預約，電髮同普通染髮會有9折優惠，而手刷挑染、漸層染髮就會有8折優惠。
- 請最少喺體驗2日前預約。
- 可預約時間為11:00-16:00，請大家預約嘅時候要預鬆少少時間。
- 預約後至體驗3日前可以取消同全額退款，其後不設退款。
- 染髮大約需要2個鐘，電髮大約需要3個鐘，而手刷挑染同漸層染髮就大約需要4-5個鐘。
- 如最近曾經漂過頭髮，或者曾經染過黑色同紅色色調頭髮，將無法進行手刷挑染或漸層染髮。
- 如最近曾經染過黑色頭髮，將無法進行染髮。
- 價錢會根據客人頭髮損傷程度同所選擇嘅電髮產品而有所不同。
- 預約後需要繳付按金，方視為預約成功。體驗完畢後將會收取扣除按金後價錢。
- 如果頭髮因為漂髮而嚴重受損，可能會冇得電髮或者染髮，屆時將會根據髮型師嘅專業判斷決定。
- 髮型師識講簡單英文，如有需要可以使用翻譯器。
- 請按照到訪人數進行預約。
- 可以同時預約2個或以上項目。
- 如果要更改日期，請send email到help@creatrip.com。
龍山「Mood'e」預約流程
STEP 1. | |
STEP 2. | 請詳細輸入所有相關資訊。 |
STEP 3. | 你需要喺Creatrip網站支付按金，完成預約程序。 |
STEP 4. | 到達髮型屋後請向職員出示預約記錄。 |
龍山「Mood'e」示例照片
龍山「Mood'e」介紹
「Mood'e」距離新龍山站只有2分鐘步行距離，係一間專門做Ombre（漸層染髮）同Balayage（手刷挑染）嘅髮型屋。今日小編就打算染返個漸層染髮，即係髮根到髮尾會由深至淺咁漸變嘅髮色。
「Mood'e」髮型屋大約可以同時容納到6位客人，亦都有等候區同洗頭嘅地方，以木頭為主調嘅裝修令呢度睇落非常舒服同乾淨企理。
小編之前染過啡色，但係因為太耐冇整過頭髮，所以已經生返好多黑色頭髮出嚟，而今日小編就打算染接近金色嘅淺啡色調漸層。
開始染頭髮之前，髮型師首先會幫客人修一修髮尾。
大家要注意，如果最近曾經漂過頭髮，或者染過黑色同紅色色調嘅話係唔可以整漸層染髮㗎！髮型師會係正式染髮之前，先喺其中一部分測試染色/漂髮效果。如果髮型師認為唔可行嘅話，就冇辦法進行染髮程序㗎啦 :(
好彩小編頭髮漂出嚟冇一噠噠唔均勻嘅情況，亦都非常顯色，所以就決定正式開始染啦！
好似頭先所講，因為小編打算染一個由深色慢慢漸變成淺啡色嘅頭髮，所以除咗要漂嘅部分，髮型師首先將剩餘嘅部分染咗個深少少嘅髮色。
下一個程序就係漂頭髮啦！搽完漂髮劑，等20~30分鐘之後，髮型師會過嚟check吓效果，如果有漂得唔勻循嘅地方，髮型師會再重新上多次漂髮劑，務求達至最佳效果，成個程序比想像中用得更加多時間。
呢個就係小編漂完頭髮嘅半成果啦！
跟住髮型師就幫小編喺漂咗嘅部分上咗淺啡色染髮劑，大概等咗20-30分鐘就可以去洗頭。
兩位髮型師好細心咁幫小編洗頭同吹頭，亦都非常親切，令小編覺得好sweet。
吹完頭之後，髮型師仲幫小編用直髮夾set咗個自然嘅髮型，咁就大功告成啦！
全個工序大約用咗5個鐘，雖然聽落好似好耐咁，但中途職員都有為客人準備咖啡同零食，非常貼心。望住自己個頭慢慢變靚，小編覺得呢5個鐘係值得㗎！
俾大家睇吓Before & After啦！因為呢度用嘅全部都係高級漂髮/染髮劑，所以即使今日小編又漂又染，都仍然可以維持到良好嘅髮質，小編真係好滿意呢個髮型啊~
如果大家都想體驗吓韓國流行嘅漸變髮色，記住要透過我哋預約，用優惠價享受高質嘅服務啦！
龍山「Mood'e」前往方法
喺新龍山站（신용산역）1號出口行出嚟。
行右邊嗰條路，一直行到見到斑馬線爲止。
過馬路。
過完馬路之後向右行。
向前行100米左右就會見到「mood'e」嘅廣告牌。
行入大廈之後上2樓就到啦！
以上係龍山「Mood'e」嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com