廣藏市場棉被 | 169號店
天氣咁凍，有張高質棉被好重要！想買到平靚正嘅棉被就嚟廣藏市場「169號店」啦！
Hello，大家好，我哋係由韓國人每日提供最新韓國旅行資訊嘅Creatrip。
相信大家平時嚟韓國通常都會買零食、化妝品、衫褲鞋襪返香港，但其實韓國嘅棉被都非常出名，夠曬暖，質素又好，好多外國人都會專程買返屋企。而今日要介紹俾大家嘅就係韓國棉被販賣集中地之一「廣藏市場」入面嘅「169號店（Mido棉被）」！Download埋以下呢張Coupon，買完棉被仲會送個冬天必需品 —— 「暖包」俾大家~
廣藏市場棉被「169號店」資訊
- 地址：서울특별시 종로구 창경궁로 88 (광장시장 169호점)
- 營業時間：09:00 - 18:00
廣藏市場棉被「169號店」推薦原因
- 可以用合理嘅價錢買到高質棉被返香港，成個冬天都暖笠笠。
- 無論係花紋、設計定材質都可以親自睇過摸過先揀，一定可以買到張啱心水嘅棉被。
- 下載Creatrip優惠券，買完棉被可以每人得到一支水。
廣藏市場棉被「169號店」價錢
單人棉被 150*200(±5cm) | ₩50,000 ~ ₩60,000 |
雙人棉被 200*230(±5cm) | ₩60,000 ~ ₩70,000 |
*每款設計價錢不一，詳情請向店員查詢。
廣藏市場棉被「169號店」注意事項
- 在場有識講簡單中文嘅職員。
- 現場購買棉被後，出示優惠券即可獲得一支水
- 每款棉被價錢不一，詳情請向店員查詢。
廣藏市場棉被「169號店」介紹
廣藏市場有好多賣韓國棉被嘅鋪頭，當中今日要介紹嘅「169號店（Mido棉被）」有賣莫代爾纖維、超細纖維等等各種材質嘅棉被，超多選擇！
買完棉板之後職員仲會幫大家抽真空，整到細細個放喺行李入面就得。
買完棉被之後出示我哋Creatrip嘅Coupon，仲可以免費得到一支水添！
小編整理咗呢度最多人買嘅款式俾大家，打算嚟買棉被嘅朋友可以參考吓~
Della棉被
用100%超細纖維製成嘅「Della Bedding棉被」有粉紅色、藍色同薄荷綠色可以揀，非常厚身，啱曬冬天用。
紅花綠葉棉被
呢款「紅花綠葉棉被」面料以100%超細纖維編織而成，而入面就放滿咗100%嘅棉，一年四季都啱用。花紋非常簡約，有藍色同灰色可以揀，啱曬唔鍾意設計太花巧嘅朋友們！
啡色熊仔棉被
呢款棉被上面有好得意嘅熊仔花紋，仲有白色、粉紅色同灰色3種顏色可以選擇。棉被外層面料係莫代爾纖維，內層係聚酯，非常軟熟，而且一年四季都用得。不過呢款棉被淨係得單人size，想買嘅朋友要注意啦！
碎花果凍棉被
以超細纖維製成嘅呢款碎花棉被有藍色同粉紅色選擇，一年四季都用得，非常實用！
經典碎花蕾絲棉被
「經典碎花蕾絲棉被」以100%莫代爾纖維製成，有黃色同橙色兩款，不過淨係得雙人size，比較適合瞓雙人床嘅朋友。
Charlotte棉被
「Charlotte棉被」外層係莫代爾纖維，內層係棉布料，一年四季用都冇問題。顏色方面有粉紅色、藍色同黃色可以選擇。
小王子棉被
最受外國遊客歡迎嘅就係呢款「小王子棉被」 ，有粉紅色同藍色可以揀，超可愛！
呢度有非常多款材質同設計嘅棉被，每日都吸引到唔少人嚟買。
為咗可以方便外國客人將棉被帶返屋企，呢度仲會幫手真空包裝，咁就唔會佔曬成個喼啦！不過要注意真空包裝效果只會維持5日，所以小編建議大家最好臨走前先嚟買棉被啦！
點先可以享有廣藏市場棉被169號店嘅會員優惠呢？
現場消費Click下面網址下載Creatrip專屬優惠券，出示俾店員睇即可享有獨家優惠。
以上係廣藏市場棉被「169號店」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com