代訂 | 韓國非武裝地帶（DMZ）包團一日遊

Hello，大家好，我哋係由韓國人每日提供最新韓國旅行資訊嘅Creatrip。

相信大家都知道，喺韓戰之後韓國被分成南韓同北韓，而現今仍然處於分裂狀態，對韓國人民嚟講係一段非常慘痛嘅歷史。今次小編準備咗一個即日來回韓國非武裝地帶（DMZ）嘅行程，仲會去埋臨津閣、第三地道、都羅展望台，帶大家探索呢個神秘嘅地方，瞭解韓國歷史。

「DMZ包團一日遊」資訊

• 開團日子：逢星期二至日
• 行程：韓國非武裝地帶DMZ→臨津閣→第三地道→都羅山站&都羅山展望台→Seaweed Museum（韓服體驗）或普羅旺斯村或其他景點

「DMZ包團一日遊」推薦理由

• 探訪韓國非軍事地帶DMZ，喺另一個角度認識韓國。
• 將前往臨津閣、第三地道、都羅展望台等景點，更深入瞭解韓國歷史。
• 會直接去到你喺首爾入住嘅酒店進行接送，帶你來回坡州，非常方便。

「DMZ包團一日遊」價錢

「DMZ包團一日遊」注意事項

• 是次行程為私人包車行程（10個鐘），同樣價錢最多可以有7個人參加。
• 是次行程每逢星期二至日開團。
• 請最少喺出發2日前進行預約。
• 預約後至出發4日前可以取消及進行全額退款。
• 預約嘅時候請準確填寫接送地址（只限首爾地區）。
• 費用只包括交通費，而且同行唔會有導遊，有需要可以隨時透過打電話或者用app進行中文/英文諮詢。
• 費用唔包括餐飲費用、入場券、旅遊保險及個人支出。
• 行程當日必須攜帶護照出席，否則會被拒絕入場。
• 行程可能會因天氣或交通狀況而有所變動。
• 根據韓國道路交通法，未滿6歲小童需要使用汽車安全座椅，如有需要請喺預約嘅時候通知我哋，同時需要支付額外收費。
• 如果會帶輪椅或BB車，請提前send email到help@creatrip.com話俾我哋知。
• 如果有任何疑問或者想變更預約，請send email到help@creatrip.com。

「DMZ包團一日遊」行程表

*價錢唔包括入場費及所有餐飲費用。

「DMZ包團一日遊」預約流程

「DMZ包團一日遊」介紹

DMZ

DMZ（Demilitarized Zone），亦都叫做非武裝地帶或者非軍事區嘅呢個地方，距離南北韓休戰線 —— 「三八線」只有兩公里，係當時雙方協定停戰嘅時候劃出嘅區域，普通人並唔可以出入。而因為咁，呢度完全冇任何環境污染，亦有好多動植物喺呢度生活。現時DMZ只開放俾少數遊客參觀，大家要好好把握呢個機會啊！

臨津閣

「臨津閣」係為祈求南北韓早日統一而建立嘅觀光景點，距離三八線只有7公里。呢度有北韓紀念館、統一公園等地方可以參觀，仲有各種嘅紀念碑，大家可以由此睇得出韓國人其實都好想快啲統一。

呢度有一條名為「自由之橋」嘅橋樑，係唯一連接住南北韓嘅道路，有好多人都希望呢條路可以早日重啟，實現南北韓統一。

「臨津閣」內部亦都有展出列車、坦克車同飛機等當時有實際使用過嘅12種軍事裝備。大家可以睇到列車上有真嘅子彈痕跡，感受到當時情況有幾慘淡。

每年嘅農曆新年同中秋節，被逼分隔兩地嘅親人仲會喺呢度團聚，一起進行祭祀，係一個非常有價值嘅地方。

第三地道

「第三地道」係當時北韓為咗侵襲南韓而掘嘅地下通道，總長1,365米，寬2米，高2米，同首爾只係相距52公里，喺戰爭當時係一條相當有威脅性嘅地道。因為佢係第三條被發現嘅地下通道，所以就叫做「第三地道」，而家呢度就成為咗開放俾大眾嘅觀光景點。

都羅山站 & 都羅展望台

「都羅山站」係南北韓喺2002年為咗連接兩岸嘅鐵路而興建而成嘅火車站，最特別嘅係入面設有南北韓出入境事務處！唔單止咁，呢度仲曾經舉辦過音樂會，前美國總統喬治布殊亦都有嚟參觀過！

「都羅展望台」位於軍事分界線北邊，上面有幾十個望遠鏡，大家可以透過望遠鏡望到北韓，好彩嘅話可能仲會望到有北韓人！

普羅旺斯村

1996年打造而成嘅「普羅旺斯村」入面有唔少法國餐廳、歐洲麵包舖同Cafe，令人好似真係去咗法國某一條小鄉村咁。每棟建築物都有一個特別嘅風格同概念，除咗商店之外，仲有陶瓷工坊等等嘅地方等住你去發掘！

DMZ包團一日遊 | 撳我預約

網上付款Q&A

以上係「韓國非武裝地帶（DMZ）包團一日遊」嘅介紹，有任何問題請先詳讀呢篇文章。

如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。

如果有更多想知嘅內容，都可以隨時留言或者dm話俾我哋知：）

Instagram：creatrip.hk

Facebook：Creatrip 帶你認識韓國每一面

韓國代購

Mail：help@creatrip.com