Hello，大家好，我哋係由韓國人每日提供最新韓國旅行資訊嘅Creatrip。
韓式冷麵係好多人食韓國菜嘅時候都會叫嚟食嘅menu，大家又知唔知道原來韓式冷麵都有分幾種呢？而今次要介紹嘅餐廳「綾羅島」係一間平壤冷麵專賣店，入面仲有賣好多傳統平壤料理，非常受韓國人歡迎。
明洞美食「綾羅島」資訊
- 地址：서울 중구 명동길 1-8
- 營業時間：11:00 - 21:30 （最後落單時間 20:30）
明洞美食「綾羅島」推薦理由
- 綾羅島嘅平壤冷麵湯底係用2+等級韓牛熬製而成，可以同時感受到濃郁肉味同麵嘅蕎麥香。
- 呢度嘅麵全部都係當日即場製造，每次嚟都可以食到最新鮮嘅蕎麥麵。
- 除咗平壤冷麵，呢度仲有賣牛腹錚盤、餃子、烤牛肉、綠豆煎餅等等嘅傳統平壤料理，可以同時享受各式各樣嘅特色美食。
- 冬天仲會賣餃子湯、溫飯等等嘅熱食，就算冬天嚟都可以盡情享受到平壤風味。
明洞美食「綾羅島」優惠及注意事項
- 埋單嘅時候向職員出示優惠券，就可以得到全單9折優惠。
- 唔需要事先預約。
- 優惠券只可以喺明洞分店使用。
- 如果用coupon嘅時候有任何疑問，都可以send email到help@creatrip.com查詢。
明洞美食「綾羅島」價錢
菜單 | 價錢 |
平壤冷麵 | ₩15,000 |
牛腹錚盤（中） | ₩80,000 |
韓式烤牛肉 | ₩34,000 |
平壤式餃子 | ₩13,000 (半份 ₩7,000) |
綠豆煎餅 | ₩20,000 (半份 ₩10,000) |
餃子湯 | ₩13,000 |
平壤式溫飯 | ₩13,000 |
明洞美食「綾羅島」介紹
「綾羅島」係一間平壤美食專門店，最出名食平壤冷麵。而今次小編就嚟到明洞分店，一嚐平壤料理嘅滋味。
「綾羅島」明洞分店位於一座有兩層高嘅建築，淨係地下呢層都已經可以容納50人以上，非常乾淨闊落。餐廳仲有1-2人座位，自己一個嚟食都冇問題啊！
上面個層大約可以容納80個人，規模非常大，唔需要擔心要等好耐先有位坐。而且枱同枱之間都唔會話好近，可以食得開心自在。
平壤冷麵 ₩15,000
小編首先試咗呢度嘅招牌 —— 平壤冷麵，老闆話冷麵嘅湯底係用2+等級嘅韓牛熬製而成，鮮味濃郁。其實小編本身唔係太鐘意食平壤冷麵，因為一般味道都比較淡，但係呢度嘅平壤冷麵比其他地方濃味，而且麵上面嘅肉都非常軟熟同juicy，令小編對平壤冷麵改觀啊！
牛腹錚盤（中）₩80,000
相信大家都未必有聽過「牛腹錚盤」，其實佢係北韓平安道嘅特色菜，將牛肉、牛𦟌、牛舌等等切成薄片之後，放喺擺滿菇、雞蛋同各種蔬菜嘅煲上面，再倒埋牛肉上湯一齊煮，係呢度晚餐時段嘅人氣菜式，好多人都會叫嚟送酒。嫩滑嘅肉配上清湯，再加埋清新爽口嘅蔬菜，呢個配搭真係冇得輸啊！
綠豆煎餅（半份）₩10,000
綠豆煎餅係呢度最受歡迎嘅小食，外脆內軟，點埋豉油食就perfect啦！
平壤式餃子（半份）₩7,000
韓國人食冷麵通常都會叫一碟餃子一齊食，涼浸浸嘅冷麵同熱辣辣嘅餃子非常match，呢度嘅餃子仲非常足料！而且好多小食都可以淨係叫半份，想試味但覺得一份太多嘅朋友都可以放心叫。
韓式烤牛肉 ₩34,000
小編仲有試埋呢度嘅韓式烤牛肉，將醃製好嘅牛肉片放上銅盤上面一邊燒一邊食，加埋雞髀菇同大葱，鹹甜嘅口味相信大人細路都會鐘意。
雖然呢度嘢食都有返少少價位，但係整體嚟講非常高質，非常推薦俾想試傳統平壤美食嘅朋友。
Download埋我哋嘅優惠券，仲可以得到全單9折優惠，plan住去嘅朋友千祈唔好錯過啦！
明洞美食「綾羅島」前往方法
喺乙支路入口站6號出口行出嚟。
向前行大約200米。
見到「RIMOWA」之後望向左邊，就會見到餐廳啦！
點先可以享有明洞「綾羅島」 送禮優惠？
現場消費Click下面網址下載Creatrip專屬優惠券，出示俾店員睇即可享有獨家優惠。
以上係明洞「綾羅島」嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com
