全州韓屋村介紹
想感受韓國傳統美，你絕對要去一次全州韓屋村！
Hello，大家好，我哋係由韓國人每日提供最新韓國旅行資訊嘅Creatrip。
講到韓國最大傳統韓屋村，一定係非全州莫屬，呢度約有700個韓屋聚集，一年四季去都有唔同景色，當中秋天係最靚，今日就等小編為大家介紹一下呢個咁靚嘅城市啦！
全州韓屋村介紹
全州韓屋村（전주한옥마을）
- 地址：전북 전주시 완산구 기린대로 99
喺正式開始探訪全州韓屋村呢個地方之前，大家可以先參考地圖，睇吓有冇邊個景點最有興趣，再規劃吓點行係去最好。
全州韓屋村唔單止可以體驗韓服、韓餐、韓屋、紙藝等傳統文化嘅地方，裡面仲有慶基殿、梧木臺、全州鄉校等二十個重要文化財產，係韓國代表性嘅旅遊勝地之一。
韓屋村要講大又唔係，細又唔係，不過裡面有好多特色活動可以體驗，例如傳統遊戲、運勢扭蛋、四柱、人生四格、傳統射箭等。
小編建議大家可以排一日喺呢度，慢慢欣賞韓屋村每一個角落，如果怕行到攰，都可以租電動車代步。
韓屋村除咗有好多古色古香餐廳之外，街上仲有好多特色小食，好似有糖葫蘆、雞肉串、炸章魚等。另外同時仲有賣好多小精品可以買，買嚟當手信送俾朋友都好唔錯。
今次小編去嘅時候係秋天，街上開滿哂銀杏同紅葉，同時掛咗唔少傳統燈籠，成個氣氛相當浪漫。
嚟韓國點都會想試吓著韓服打卡，嚟全州，呢度有好幾十間租借韓服店，每間鋪頭嘅韓服睇落都好高質。
比起喺首爾著，因為韓屋村附近唔多高樓大廈，令人著完韓服，好似真係返番去朝鮮時代咁。
韓屋村裡面仲有好多韓屋住宿可以體驗，價錢唔貴仲要Cp值幾高！有興趣嘅朋友，不妨可以喺度租一晚瞓吓！
全州亂場（전주난장）
- 地址：전북 전주시 완산구 동문길 33-20
- 營業時間：星期一至四10:00 - 19:30、星期五10:00 - 20:00、星期六09:30 - 20:00、星期日09:30 - 19:30
全州亂場係將韓國現代歷史變成主題公園，裡面可以見到好多韓國人以前嘅學校、郵局、工廠等，入到去超有懷舊氣氛，好似坐住時光機返去60年代咁。
雖然韓國有好多博物館，但呢度係Naver獲得全國民俗博物館滿意度上第一名，就連g.o.d的孫昊永、李昇基、車太鉉、Defconn等名人都去過打卡。
想感受一下韓國懷舊氣氛，一定要嚟全州亂場睇吓！
全州工藝展示館（전주공예품전시관）
- 地址：전북 전주시 완산구 태조로 15
- 營業時間：10:00 - 18:00、星期一休息
全州工藝展示館同韓國工藝設計振興院合作，館內展示同賣緊一啲韓國國內優秀工藝品，係一個可以代表韓國工藝文化產業空間。
各式各樣特色傳統工藝品都可以喺度搵到，令小編比較驚訝嘅係，價錢比想像中平，好似一個散紙包都係₩6,000！
場館入面仲有好多傳統工藝可以體驗，好似整扇或者係縫製布袋，不過需要先喺官網（韓文）預約。
全州傳統酒博物館（전주전통술박물관）
- 地址：전북 전주시 완산구 한지길 74
- 營業時間：09:00 - 18:00、星期一休息
- 預約電話：063-287-6305
韓國人鍾意飲酒大家都知，喺全州大家可能都會見到唔少唔人拎住一箱箱「母酒（모주）」，「母酒」係用米酒（馬格利）、大棗、生薑、肉桂等草藥釀製，酒精濃度低，大約1%左右。
喺全州傳統酒博物館就可以體驗製作母酒嘅過程，不過想試吓整，要提前兩日打電話去預約。
之前BTS成員都有嚟過整，係A.R.M.Y嘅你，會唔會想住返喺同一位置整呢？
覺得一盒太多飲唔哂，亦可以只買一支，價錢都係₩3,000！
豐南門（풍남문）
- 地址：전북 전주시 완산구 풍남문3길 1
朝鮮王朝喺建國初期，太祖李成桂將自己故鄉全州命名為「豐沛之鄉」，並喺太祖元年（1392年）將呢知地方升為完山留守府，亦即係管轄湖南地區全羅道首府。
豐南門作為第308號寶物，係當時全州象徵，隨後因為壬辰倭亂、多次被破壞，而家大家見到嘅豐南門，其實係已經經過多次重建。
小編去嘅時候，咁啱維修緊，所以冇辦法入內部參觀，不過只睇外觀，都覺得好壯觀，非常值得到此一遊。
豐南門鐘閣入面掛咗一個好大嘅鐘（好似首爾普信閣咁），喺每年1月1號凌晨12點，就會敲響鐘聲，為全州市民祈福新一年平安順利。
全州韓屋村展望台Cafe（전주한옥마을전망대카페）
- 地址：전북 전주시 완산구 어진길 15
- 營業時間：09:00 - 23:00
雖然韓屋村入面有好多Cafe，當中小編最想推薦大家去韓屋村展望台Cafe。
青橘Mojito（청귤모히또）₩7,500
黑芝麻鮮奶（흑임자 카페）₩7,800
Earl Grey蛋糕（얼그레이쉬폰）₩8,800
小編叫嘅青橘Mojito其實係梳打，酸酸甜甜青橘果粒配上冰涼梳打，好好飲！芝麻鮮奶好香，飲落唔會太甜，另外Earl Grey蛋糕就算食多都唔會覺得滯，茶香，令人忍唔住食完一啖又一啖。
喺呢度可以喺高處望到全州韓屋村全景，日落時候去超寫意。
平時飛韓國都只係去首爾、釜山、濟州等地方，不如下次去全州嚟一個不一樣之旅啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
