Hello，大家好，我哋係由韓國人每日提供最新韓國旅行資訊嘅Creatrip。
嚟韓國旅行，9成人都係會選擇嚟首爾玩，但係人生路不熟，唔知道應該由邊度開始玩起？今次我哋就為大家準備咗一個4日3夜嘅行程，帶你玩勻首爾觀光景點，仲會有各種文化體驗活動，令你徹底感受首爾嘅魅力。
「VIP 4日3夜首爾遊」資訊
- 開團日期：逢星期二、三、四
「VIP 4日3夜首爾遊」推薦理由
- 首爾係一個現代化嘅國際大都市，有數之不盡嘅魅力等緊你去發掘。
- 將會喺4日3夜入面帶你去齊20幾個首爾必去景點，令你可以喺短時間內有效率咁充分體驗首爾魅力。
- 行程將會帶你體驗首爾嘅古與今，除咗會去參觀各種景點，仲有傳統文化體驗活動，令你可以喺唔同角度認識韓國呢個國家。
「VIP 4日3夜首爾遊」價錢
1人 | 1690000 |
「VIP 4日3夜首爾遊」退款政策
預訂後至出發前31日 | 全額退款 |
出發前21日 | 90%退款 |
出發前11日 | 80%退款 |
出發前3日 | 60%退款 |
出發前2日 | 20%退款 |
「VIP 4日3夜首爾遊」注意事項
- 是次行程每逢星期二、三、四開團。
- 預約後至出發前31日可以100%退款，之後唔同日子會按比例退。
- 請最少喺出發7日前預約。
- 是次行程將會提供5星級酒店住宿（兩個人一間房）。
- 費用包括高級巴士接送服務、領隊、入場費、體驗費、餐飲費用、5星級酒店雙人房。
- 費用唔包括旅遊保險同個人支出。
- 行程可能會因交通及當地狀況而有所改變。
- 如果有任何疑問，請send email到help@creatrip.com。
「VIP 4日3夜首爾遊」行程表
第一日
09:00 | 光化門站4號出口出發 |
09:15 | 青瓦台 |
11:00 | 參觀景福宮 + 韓服體驗 |
13:00 | 午餐 |
14:30 | 仁寺洞人人廣場 |
15:00 | HANSIK Space E:eum（傳統韓式料理體驗） |
17:00 | 明洞（K-Beauty體驗） |
18:30 | 晚餐 |
19:30 | N首爾塔（南山纜車&南山塔觀景台） |
21:00 | 酒店Check-in後自由休息 |
第二日
10:20 | 酒店集合後出發 |
10:30 | 汝矣島 The Hyundai Seoul |
12:00 | 午餐（汝矣島印度餐廳） |
13:00 | 汝矣島 |
14:00 - 18:00 | 63大廈 |
國會議事堂 | |
汝矣島漢江公園（漢江鴨仔船體驗） | |
18:00 | 晚餐 |
19:00 | 盤浦漢江公園（三光島） |
21:00 | 返回酒店後自由休息 |
第三日
09:30 | 酒店集合後出發 |
10:00 | 敦義門博物館村（常設展覽參觀 OR 傳統體驗） |
12:00 | 午餐（梨泰院清真美食餐廳） |
13:00 | 首爾中央清真寺 |
14:00 | 梨泰院自由觀光 |
15:30 | 國立中央博物館 |
18:00 | 晚餐 |
20:00 | 返回酒店後自由休息 |
第四日
09:00 | 酒店集合後出發 |
10:30 | 蠶室樂天世界水族館 |
12:30 | 午餐 |
14:00 | 樂天世界 |
17:00 | 樂天世界塔 Seoul Sky |
18:00 | 晚餐（樂天世界塔） |
20:00 | 返回酒店，結束行程 |
「VIP 4日3夜首爾遊」預約流程
STEP 1. | |
STEP 2. | 請詳細輸入所有相關資訊及付款。 我哋會喺1-2個工作天確認訂單。 |
STEP 3. | 請提前10分鐘到達出發地點。 09:00 光化門站4號出口出發 |
STEP 4. | 出發 |
「VIP 4日3夜首爾遊」介紹
第一日
青瓦台
呢個4日3夜行程嘅第一站係前韓國總統府&官邸 —— 「青瓦台」 。呢度由2011年開始開放部分建築物俾公眾參觀，而自從今年（2022年）年中韓國總統府搬遷之後，青瓦台全面開放，成為首爾其中一個主要觀光景點。
景福宮
「景福宮」係首爾最大嘅古代宮殿，由建立朝鮮嘅太祖李成桂喺1395年興建，而家成為所有觀光客嚟韓國玩嘅時候必去嘅地方。
大家可以著住韓服，喺呢個宏偉嘅宮殿漫步，除咗能夠認識韓國歷史之餘，仲可以影返輯充滿古風嘅相，留下一個美好回憶！
仁寺洞人人廣場
仁寺洞係一個無論外國遊客定韓國人喺首爾玩嘅時候都會去嘅地方，而位於仁寺洞嘅「人人廣場」係一個可以shopping之餘，仲可以睇展覽嘅複合文化空間。呢度唔單止有好多陶瓷、木工等等嘅傳統工藝品賣，仲有好多非常貼近潮流同現代化嘅品牌進駐，大家可以喺呢度充分體驗到韓國嘅古與今。
明洞（K-Beauty體驗）
相信講起韓國或者首爾，唔會有人唔知道「明洞」呢個地方。明洞非常受外國遊客歡迎，有好多韓國本地嘅化妝品同服裝品牌進駐，淨係簡單咁行一個圈都一定可以買到好多嘢！
N首爾塔（南山纜車&南山塔觀景台）
位於首爾中心地帶嘅「N首爾塔」亦都被叫做南山塔，上到頂層有一個觀景台，首爾全景一覽無遺。好多情侶都會嚟呢度扣上鎖匙扣，代表佢哋嘅愛情會永久咁持續落去。
第二日
汝矣島The Hyundai Seoul
「The Hyundai Seoul」位於汝矣島，係全首爾最大規模嘅百貨公司，無論係本地定國際品牌嘅舖頭都可以喺度搵到，大家一定會行得非常盡興。除咗可以shopping，呢度仲會搞好多活動同展覽，而且亦都有好多休憩地方，food court都非常大，非常受韓國人歡迎。
汝矣島
國會議事堂、金融監督院、KBS電視台等等韓國重要設施都位於「汝矣島」，呢度亦曾經係韓國政治、經濟、廣播嘅中心，非常有代表性。而講起汝矣島，就一定唔少得一年一度嘅煙花匯演，每年都會吸引到好多人專程嚟睇。
汝矣島漢江公園（漢江鴨仔船體驗）
漢江係首爾最重要嘅河流，電影《韓流怪嚇（駭人怪物）》同《復仇者聯盟》都有喺呢度拍過戲。嚟「汝矣島漢江公園」玩，大部分人都會食住炸雞同啤酒野餐，或者坐漢江遊覽船同鴨仔船欣賞沿途風景。
盤浦漢江公園（三光島）
「三光島」，顧名思義就係三個會發光，會照亮漢江嘅島。而佢嘅所在地 —— 「盤浦漢江公園」就非常適合踩單車，好多人都會趁天氣冇咁熱/凍嘅時候夜晚一邊聽住音樂，一邊踩單車，欣賞沿途嘅夜景。
第三日
敦義門博物館村
大家可能冇聽過「敦義門」呢個名，但其實佢就係鼎鼎大名嘅「西大門」啦！而「敦義門博物館村」入面除咗有展覽廳同韓屋村之外，仲有好多可以進行傳統文化體驗嘅地方，等大家可以親自體驗古時候韓國人經常會做、會玩嘅嘢。
首爾中央清真寺
「首爾中央清真寺」位於梨泰院，係全韓國第一間，亦都係最大規模嘅清真寺。有好多住喺韓國嘅伊斯蘭教信徒，甚至係遊客都會去參拜。
梨泰院
「梨泰院」同好多國家嘅駐韓領事館都好近，而且以前曾經係駐韓美軍經常會去嘅地方，而家演變成為全韓國異國風情最濃厚嘅地方。
國立中央博物館
「國立中央博物館」係全韓國最大嘅博物館，展出9,884件同韓國歷史文化有關嘅文物。博物館亦都分成幾個展廳，大家可以喺呢度瞭解到韓國以及世界各國嘅歷史，觀賞難得一見嘅文化遺產。
第四日
蠶室樂天世界水族館
「樂天世界水族館」重現咗全世界5大洋嘅海洋生態，除咗睇到世界各地唔同品種嘅海洋生物之餘，仲有好多表演同體驗等緊你！
樂天世界
講起韓國最出名嘅主題樂園，當然唔少得「樂天世界」啦！樂天世界有室內同室外區，設有好多種刺激好玩嘅遊樂設施，仲有溜冰場，鐘意去主題樂園嘅朋友們一定可以玩得非常盡興。
Seoul Sky
「樂天世界塔」有123層，高達555米，係全韓國最高嘅建築物，而「Seoul Sky觀景台」就位於樂天世界塔嘅最頂層，係全世界第4高嘅觀景台。除咗可以360度俯瞰首爾，大家仲可以睇展覽同飲返杯咖啡，享受悠閒。
以上係「VIP 4日3夜首爾遊」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
