代訂 | 韓劇拍攝景點2日1夜行程(大邱出發)
跟住韓劇主角玩轉大邱!2日1夜之內帶你去曬大邱附近所有韓劇拍攝場地!
Hello,大家好,我哋係由韓國人每日提供最新韓國旅行資訊嘅Creatrip。
唔知道大家鍾唔鍾意睇韓劇呢?今次小編就帶咗一個去曬大邱附近韓劇拍攝地點嘅2日1夜行程俾大家,有興趣嘅朋友們記住快啲預約啦!
「韓劇拍攝景點2日1夜行程」 推薦理由
- 將會到訪《陽光先生》、《金秘書為何那樣》、《月之戀人-步步驚心:麗》、《黑道律師文森佐》、《花樣男子》等,大約10個韓劇嘅拍攝場地,可以自由參觀同影相留念!
- 全個行程都會同韓劇有關,fans們一定唔可以錯過!
「韓劇拍攝景點2日1夜行程」 價錢
1人 | 440000 |
2人或以上 | 280000/人 |
「韓劇拍攝景點2日1夜行程」 退款政策
預訂後至出發前11日 | 全額退款 |
出發前8日 | 80%退款 |
出發前6日 | 70%退款 |
出發前4日 | 60%退款 |
出發前3日 | 50%退款 |
出發前2日、遲到、出發當日冇去 | 不設退款 |
「韓劇拍攝景點2日1夜行程」 注意事項
- 請最少喺出發7日前預約。
- 預約時請填寫接送地點(大邱市內地鐵站或酒店),屆時將有接駁車輛前往該處進行接送。
- 預約後至出發前11日可以100%退款,其後日子將會按比例退。
- 如果報名人數少於4人,將會安排5人車進行接送。
- 行程將安排入住大邱Noble Stay酒店或同級酒店雙人房。
- 是次行程為自由觀光形式,到達景點後可以自由參觀,再喺約定時間內返回指定場所上車即可。
- 費用包括入場費、住宿費用、餐飲費用、專用車輛及司機。
- 費用唔包括導遊、旅遊保險及個人支出。
- 行程可能會因天氣及交通狀況而有所改變。
- 如果有任何疑問,請send email到help@creatrip.com。
「韓劇拍攝景點2日1夜行程」 行程表
第一日
10:00 | 指定地點集合 |
11:00 | 盤谷池 [《紅丹心》、《紅天機》、《阿娘使道傳》拍攝場地] |
12:30 | 午餐 |
14:30 | 南平文氏本里世居地 [《月之戀人-步步驚心:麗》拍攝場地] |
花園遊園地 [《沒關係,是愛情啊》拍攝場地] | |
16:30 | 啟明大學城西校區 [《花樣男子》、《新娘面具》、《陽光先生》拍攝場地] |
18:00 | 晚餐 |
19:30 | 前山觀景台纜車 [《金秘書為何那樣》拍攝場地] |
Check-in + 自由時間 |
第二日
09:00 | 享用酒店早餐後於大堂集合 |
09:30 | 鳳舞公園 [《沒關係,是愛情啊》拍攝場地] |
峨洋鐵道橋 [《Oh My Venus》拍攝場地] | |
大邱歌劇院 [《黑道律師文森佐》拍攝場地] | |
3.1運動路 [《金秘書為何那樣》拍攝場地] | |
12:30 | 午餐 |
13:30 | 聖遊斯丁神學院 [《陽光先生》、《新娘面具》 拍攝場地] |
啟明大學大明洞校區 [《伊甸園之東》、《花樣男子》、《愛情雨》、《陽光先生》拍攝場地] | |
16:30 | 西門市場 [《我們的藍調時光》、《金秘書為何那樣》 拍攝場地] |
行程結束 |
「韓劇拍攝景點2日1夜行程」 預約流程
STEP 1. | |
STEP 2. | 請詳細輸入所有相關資訊及付款。 我哋會喺1-2個工作天確認訂單。 |
STEP 3. | 請提前10分鐘到達接送地點。 |
STEP 4. | 出發 |
「韓劇拍攝景點2日1夜行程」 介紹
盤谷池
盤谷池喺2011年被韓國文化體育觀光部選定為綠色旅遊名勝,有好多古裝劇,例如《紅丹心》、《紅天機》同《阿娘使道傳》都喺呢度進行過拍攝,睇到啲相都覺得好靚啊!
南平文氏本里世居地
南平文氏本里世居地喺1995年被選定為民俗文化遺產,韓屋加上花群,一年四季都有唔同嘅風貌。呢度仲要係李準基同IU拍《月之戀人-步步驚心:麗》嘅地方添啊!
峨洋鐵道橋
峨洋鐵道橋橫跨大邱琴湖江,曾經服務過大邱市民近八十載,而家就被活用為文化空間,有博物館同Cafe等等,好多人都會喺度影返幾張相。
大邱歌劇院
大邱歌劇院係全韓國第一個歌劇表演專用劇院,佔地接近9,000平方米,總共有6層,可以容納1,500名觀眾。而且大邱歌劇院以三角鋼琴為建築概念,完美呈現出流暢嘅曲線,非常適合大家嚟打卡。
3.1運動路
3.1運動路係一條有90級樓梯嘅斜坡,當時大邱嘅學生為咗避開日本警察去到民主運動場所嘅時候,就係行呢條路去㗎啦。呢度充滿住韓國獨立同大邱嘅歷史,非常有意義。
聖遊斯丁神學院
聖遊斯丁神學院喺1990年被指定為大邱文化遺產,紀念以前法籍神父將西方近代建築方式同天主教帶嚟大邱呢個地方,敘述韓國近代歷史。而韓劇《陽光先生》同《新娘面具》都曾經喺度進行過拍攝,鍾意呢兩套戲嘅朋友就唔好錯過啦!
啟明大學大明洞校區
好多韓劇都會去大學進行拍攝,而你又知唔知原來大邱都有一間咁嘅大學呢?今次行程大家將會去參觀啟明大學,呢間基督教大學歷史悠久,以紅色磚牆為名。
充滿歷史氛圍嘅校園吸引到《花樣男子》、《陽光先生》等等嘅韓劇嚟到拍攝,大家嚟到呢度不妨當自己係韓劇主角,影返輯靚相啦!
西門市場
西門市場係韓國朝鮮時代三大市場之一,經歷過大大小小嘅戰爭之後仍然屹立不倒,歷史非常悠久。喺西門市場你可以搵到各式各樣嘅大邱美食,仲可以買啲手信翻去同家人朋友開心share𠻹!
而喺《金秘書為何那樣》入面,男女主角曾經喺西門市場約會過,大家都可以同朋友家人一齊嚟玩吓,體驗韓國人嘅生活!
以上係「韓劇拍攝景點2日1夜行程」嘅介紹,有任何問題請先詳讀呢篇文章。
如果睇完之後有任何問題,或者我哋語意、標示唔清嘅話,麻煩請send email告知,以方便我哋改進 。
如果有更多想知嘅內容,都可以隨時留言或者dm話俾我哋知:)
Instagram:creatrip.hk
Mail:help@creatrip.com