Hello，大家好，我哋係由韓國人每日提供最新韓國旅行資訊嘅Creatrip。
近年韓國飲食文化受到越嚟越多嘅關注，喺香港嘅超級市場都好容易可以搵到泡菜（辛奇）、辣椒醬等等嘅韓國食材，韓國菜餐廳亦都越開越多。不過當然點都比唔上直接喺韓國當地食最正宗嘅韓式美食！呢個一日遊將會帶大家行勻首爾，食盡呢度嘅精選美食，等大家可以一飽口福。
「首爾美食一日遊」資訊
- 開團日子：星期一至六（1月1號、農曆新年、中秋節除外）
- 導賞語言：英文、日文
「首爾美食一日遊」推薦理由
- 帶你食盡首爾最受歡迎嘅美食，盡情享受韓國飲食文化！
- 韓國太多好嘢食，唔知食咩好？我哋幫你精選咗連韓國人都話正嘅首爾美食，放心跟住我哋由頭食到尾啦！
「首爾美食一日遊」價格
1人 | ₩150,000 |
「首爾美食一日遊」行程表
09:00 - 17:00 | 接送（酒店或其他指定地點） |
鐘路韓式街頭多士 | |
清溪川散步 | |
廣藏市場 （生牛肉紫菜包飯、綠豆煎餅） | |
益善洞韓屋Cafe（包咖啡） | |
益善洞自由時間 | |
望遠市場 （韓式糖餅、辣炒年糕/刀削麵/麵疙瘩） | |
於弘大解散，行程結束 |
「首爾美食一日遊」注意事項
- 請最少喺2日前完成預約。
- 預約後至出發3日前可以進行取消及全額退款；出發2日前取消會退50%；出發1日前或當日取消不設退款。
- 本行程提供接送服務（只限首爾市內），行程結束後會喺弘大解散。
- 費用包括交通費、英文/日文導遊服務、入場費（除N首爾塔）及所有餐飲費用。
- 費用唔包括益善洞Cafe飲品差額、旅遊保險及個人開支。
- 本行程最少參與人數為2名。
- 如果總人數少過3個人，將會以的士作為交通接駁工具。
- 本次一日遊包含頗多需要行路嘅行程，建議大家著比較舒服嘅鞋參加。
- 如果行程入面安排嘅店鋪冇開門，導遊將會帶你去另一間類似嘅餐廳。
- 我哋會盡量安排每組一枱，但如果唔夠位，可能需要一齊夾枱。
- 行程有可能會因交通情況而有所變動。
- 如果有任何疑問或者想變更預約，請send email到help@creatrip.com。
「首爾美食一日遊」預約流程
STEP 1. | |
STEP 2. | 請詳細輸入所有相關資訊。 |
STEP 3. | 請全額付款。 |
STEP 4. | 我哋會喺1-2個工作天確認訂單， 確認完之後會send email通知你。 |
STEP 5. | 預約後至出發3日前可以取消預約及進行退款。 |
STEP 6. | 請最少提前10分鐘到達集合地點。 |
STEP 7. | 向導遊出示預約記錄之後就可以上車出發！ |
「首爾美食一日遊」介紹
廣藏市場
「廣藏市場」可以話係全首爾數一數二最多好嘢食嘅傳統市場，連Netflix都曾經喺度拍過記錄片，可想而知呢度有幾出名啦！
而呢度最出名嘅嘢食就係「生牛肉」同「綠豆煎餅」！我哋會帶大家去食曬呢兩款美食，如果食唔到生牛肉，到時候會幫大家將生牛肉紫菜包飯轉成迷你紫菜包飯，點埋醬料食真係冇得彈啊！
韓國人食綠豆煎餅嘅時候，通常都會配一款叫馬格利（막걸리）嘅韓國傳統米酒，到時候每人都會有一杯可以試飲，體驗韓國當地傳統。（但因為唔可以換成其他飲品，所以唔飲酒嘅朋友就可能會有少少可惜啦）
益善洞韓屋Cafe
「益善洞」位於鐘路，係一個近呢幾年非常受年輕人歡迎嘅地方。呢度有好多由韓屋改建而成嘅Cafe，全部都超有feel！行程費用會包每人一杯咖啡，如果想飲其他飲品就要自己補返個差價。
大家喺呢度亦都會有自由時間可以周圍行，呢度有好多鋪頭仔，相信大家應該都可以買返幾件紀念品返屋企。
望遠市場
「望遠市場」係另一個廣為人知嘅韓國傳統市場，呢度最出名嘅小食有甜辣炸雞、韓式糖餅同刀削麵等等，有時候可能仲要排長龍，真係好受歡迎！
韓式糖餅係一款韓國冬天唔少得嘅街頭小食，傳統糖餅通常入面會包滿熱辣辣嘅黑糖漿同堅果，但係最近呢度開始賣一款出面灑滿芝士粉嘅糖餅，鹹鹹甜甜咁，好多年輕人都會專程買嚟食。因為呢間鋪頭逢星期五休息，所以如果你都想試嘅話，就記住唔好揀星期五嘅團啦！
大家仲有機會去望遠市場最出名食麵嘅鋪頭，可以揀食辣炒年糕、刀削麵（左邊）或者麵疙瘩（右邊），各有各特色。
最後大家會喺弘大解散，相信行程結束之後大家都會食到攬住個肚，非常滿足！
以上係「首爾美食一日遊」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
